جوان وش السلندر سكودا 120

[tejani]

للاسف العربيه بتاعتي لسه جايبها مستعملة موديل 85 جابت جوان وش السلندر ورايح بكره للميكانيكي عشان اعمله لني رحتله متاخر يا ترى هيتكلف كام العربيه بقالها كام يوم فاتحه بقها كنت لسه خابط الشكمان وكسرت الفرن بتاعه وغيرت ساعة الزيت بتاعتها وغيرت زيت صراحه بقيت خايف من العربيه يا ريت لو حد يعرف موضوع جوان وش السلندر ده هيتكلف كام لاني حاسس ان الميكانيكي بيشتغلني عشان انا لسه جديد في موضوع العربيات ده

[tejani]

رحت الميكانيكي جابلي جوانين ب 38 جنيه وجركن زيت باربعين وخد مصنعيه خمسين كده كويس ولا ايه بس قالي لازم اكشف على دورة التبريد عند بتاع كاربراتير واضبطه انا عندي المروحه بتشتغل ودرجة حرارة المؤشر 90 وتبطل على 80 كده كويس ولا ايه يا ريت حد يرد عليا

[panda]

رحت الميكانيكي جابلي جوانين ب 38 جنيه وجركن زيت باربعين وخد مصنعيه خمسين كده كويس ولا ايه بس قالي لازم اكشف على دورة التبريد عند بتاع كاربراتير واضبطه انا عندي المروحه بتشتغل ودرجة حرارة المؤشر 90 وتبطل على 80 كده كويس ولا ايه يا ريت حد يرد عليا

هل للكاربراتير علاقة بدورة التبريد و لا انت تقصد بتاع الريداتير

[M.Mostafa80]

رحت الميكانيكي جابلي جوانين ب 38 جنيه وجركن زيت باربعين وخد مصنعيه خمسين كده كويس ولا ايه بس قالي لازم اكشف على دورة التبريد عند بتاع كاربراتير واضبطه انا عندي المروحه بتشتغل ودرجة حرارة المؤشر 90 وتبطل على 80 كده كويس ولا ايه يا ريت حد يرد عليا

معقول جدا وواضح انو راجل كويس

[M.Mostafa80]

هل للكاربراتير علاقة بدورة التبريد و لا انت تقصد بتاع الريداتير

الراجل بيقول انا جديد واكيد فصدو ريداتير المصطلحين قريبين من بعض ويلخبطو

[tejani]

ايوه فعلا يا جماعه انا قصدي الريداتير انا رحت عند واحد بتاع ريداتير وقالي انه كان مسدود ونضفه
بس من يومين ببص على الميه لاقيتها ناقصه لغاية علامة min في القربه فزودتها هو المفروض الميه دي معدل نقصها قد ايه يعني تتزود كل قد ايه انا خايف يكون في تسريب وده يبوظلي الجوان تاني

[panda]

المياه فى القربة من المفتر
المياه فى القربة ممكن تنقص لكذا سبب
1- هناك تسريب فى المياه فى ماسورة المياه او الخراطيم على شكل بخر
2- غطاء القربه غير محكم الغلق
3- مروحة الريداتير لا تعمل بشكل سليم تودى الىغليان المياه فى القربة ( يمكن متابعة درجة الحرارة وما اذا كان هناك غليان فى القربة وبخر )
4- هناك تسريب للمياه على الزيت بسبب عيب فى لاجوانات (يمكن ملاحظة لون الزيت هل هو به ما يشبة الطحينة )
وربنا يسترها مع الجميع

[tejani]

انا رحت لراجل بتاع ريداتير تاني محترم ركبلي ريداتير 80 /70
من ساعتها الميه منقصتش والعربية مسخنتش

[panda]

انا رحت لراجل بتاع ريداتير تاني محترم ركبلي ريداتير 80 /70
من ساعتها الميه منقصتش والعربية مسخنتش

اعتقد انك تقصد ترموستاد 70/80 والارقام تعنى ان المروحة بتاعت الريداتير تشتغل لما الحرارة توصل ل 80 وتبطل لما الحرارة توصل ل 70 الحل ده عيبة الوحيد ان فى استهلاك على البطارية وايضا يجب مراعاة ان الوضع الطبيعى ان المروحة تشتغل عند تقريبا 90 وليس 80

[tejani]

طيب اعمل ايه على فكرة اكتشفت ان في تاكل في بق القربه بيخلي الغطى مش بيقفل كويس الا بعد عدة محاولات
ممكن يكون هو ده اللي عامل المشكلة؟
اغير الاربه وارجع الترموستات القديم ولا ايه

[panda]

لو مش حاطط ميه خاصة بالراتداتير ( حمراء& خضرااء ) ممكن تجرب تغير الترموستات بالقديم و العملية دى بسيطة تحتاج بس مفتاح بلدى لتغييرة ثم ممكن تحكم غطاء القربة ( بشكرتون مثلا للتحكم فى الغلق ) و جرب وانت واقف سخن العربية و شوف الترموستات هيشتغل عند درجة حرارة كام لو نجحت التجربة يمكن تكمل شوية لحد ما تشتشرى قربة جديدة .

[tejani]

شكرا يا باشا على الرد صراحه ربنا بعتلي ميكانيكي سكودا جامد جدا اسمه سيد من المعصرة فك وش الساندر ملقاش فيه نقطة زيت والاخرام بتاعة عمود التكيهات مبتجبش نقطة زيت وقالي الموتور كده كان ممكن يقفش المهم فكينا الوش وروحنا نافخناه عند بتاع الكاوتش ونفخنا خرم الزيت طلع فيه حته فله كبيرة جدا من الجوان القديم اتاري الميكانيكي القديم المهمل منضفش مكان الجوان كويس النهم غيرنا الجوانات تاني والعربيه من ساعتها الحمد لله زي الفل وبس الله ما شا ءالله سافرت بيها شبين الكوم النهارده ورجعت ومسخنتش خالص على الطريق الحرارة معدتش التمانين ولما دخلت المدينة الحارة وصلت 82 والمروحه اشتغلت بردتها ل 70 صراحه الصنايعيه دول ممكن يضيعو الواحد