من لدية معلومات عن اوكتافيا 99

[bmibasem]

الاخوة الاعزاء ملاك اسكودا اوكتافيا
انا قمت بشراء سيارة اوكتافيا 99 معوقين من بورسعيد
واريد نصائح اهل الخبرة فى التعامل معها
وكيفيفة الحفاظ عليها
وكذلك الصيانة الدورية
يا ترى ااروح اعملها فى التوكيل
وكام تكون التكلفةة لو ذهبت الى التوكيل لعمل تشييك عليها وتغيير الفلاتر والسيور والزيوت
اريد ان اعرف معلومات عن كمبيوتر الرحلات فى اوكتافيا 99
واية الفرق بين mfa1 , mfa2

[bmibasem]

على فكرة السيارة 1,6 slxi 75kw
يا ترى اية الفرق بين الانواع

[khhip]

اخي العزيز ربتا يباركلك فيها
بس لو سمحت كنت عايز اسفسر منك عن السعر وعن التاجر الى جبتها منه ويريت رقم تلفونه اكون شاكر لحضرتك
وجزاك الله خيرا

[bmibasem]

خدتها ب 45 الف +حوالى 6 الف مصاريف الميكانيكى وبتاع السمكرة والسفر 3 مرات لبورسعيد +الاقامة فى اخر مرة يومين +مصاريف التقديم +نثريات
يا ترى سعرها كدة حلو ولا لاء هما بيقولو تعمل برة من 75 الى 80 لان هى زى الزيرو

[bmibasem]

اية يا اصحاب الخبرة ما فيش حد عند اى معلومات
مع ان دة هو افضل منتدى عن الاوكتافيا فى النت
فين اهل الخبرة بتو اية 4 اوكتافيا

[bmibasem]

لكل الناس اللى عندها سكودا .
عايز تتخلصمن كلمة service now السخيفة . او علامة المفتاح او كلمة oil او insp من غير ماتروح للتوكيل او مركز خدمة وتدفع فلوس
اقفل الكونتاكت 2-اضغط وخليك ضاغط على الزرار a 3-افتح الكونتاكت وانت ضاغط على الزرار a
4-هيظهر كلمةservice now او المفتاح او علامة الصيانة حسب نوع عربيتك
5-شيل ايدك من على a6-لف الزرار b لليمين لحد ماتختفى علامة الصيانة
_____________________

[bmibasem]

عندك كمبيوتر الرحلات ممكن يحسب معلومات عن رحلتين انت اللى بتحدد بدايتهم بمعنى ان فى قوايم هتلاقى فيها من فوق رقم 1 او رقم 2 دا معناه ان المعلومة اللى الكمبيوتر عارضها خاصة بالرحلة رقم 1 او 2
الصورة 1 :الزمن الذى استغرقته الرحلة رقم 1
الصورة 2 :الزمن الذى استغرقته الرحلة رقم 2
الصورة 3 :معدل الكيلومترات المقطوعة لاخر ساعة للرحلة رقم 1
الصور 4 :معدل استهلاك البنزين لاخر 100 كيلومتر فى الرحلة 1
الصورة 5: معدل استهلاك البنزين بشكل عام ودرجة حرارة الجو

يا ترى ممكن حد يضيف جديد يا اهل الخبرة

[bmibasem]

مراكز الخدمة

مركز الخدمة الخاص بالتوکیل " أرتوك أوتو" موجود فى منطقة
اسمها دير الملاك فى حى حدائق القبة و لكن الناس متعودة تقول غمرة لكونها قريبة جدا و أكثر صيتا من دير الملاك و حدائق القبة

ممكن توصله عن طريق شارع بورسعيد....لو قادم من اتجاه وسط البلد و متجه إلى نهاية شارع بورسعيد ( ترعة الاسماعيلية )...بعد كوبرى غمرة ( المتقاطع مع كوبرى أكتوبر ) ......بحوالى 1 كيلو هتلاقى محطة بنزين شل على اليمين و فرع لمحلات " التوحيد و النور " على اليسار ....تكمل فى نفس الشارع حتى تصل لناصية على الجانب الأيمن مرفوع عليها اعلان للرواس ( ميتسوبيشى ) و علامة مرسيدس ( مركز خدمة )...على الجهة المقابلة من الشارع و قبل الناصية بخطوات يوجد مستشفى اليوم الواحد و شكل مبنى المستشفى مميز فى المنطقة...
المهم عند الناصية المذكورة تدخل يمين ( الشارع اتجاهين ) و هتلاقى سكودا على الجانب الأيسر على بعد أمتار قليلة جدا ....
مركز الخدمة الرئيسى
القاهرة ش ترعة الجبل - دير الملاك غمرة ت-24830927 يعمل طوال ايام الاسبوع
الاسكندرية الكيلو 27 طريق الاسكندرية الصحراوى ت - 034705678
أكتوبر ش 47 متفرع من ش 14 بجوار مصنع دايو المنطقة الصناعية الثالثة مدينة 6 اكتوبر ت -38342411
الجيزة
العجوزة: ش الفريق عبود العجوزة ت - 33465374
144 شرع 26 يوليو - خلف مسرح البالونت/ 3040193
العبور المنطقة الصناعية الاولى ش 12 امام سيتى كلوب ت - 46103431
زهراء المعادى المنطقة الصناعية - قطعة رقم 62 ع الشطر الخامس ت - 29178356
مركز عقل المحلة الكبرى كيلو4 طريق المحلة- طنطا السريع ابو وافى ت- 0402454441

* مركز خدمة وهدان (سكودا)
القاهرة - 6 أكتوبر تليفون : 8342410-11-12 فاكس: 8342410 سـاعات العمل: 9ص - 6م
لجيزة - العجوزة
51 شارع المراغي خلف المصل واللقاح – العجوزة تليفون : 3447680 - 3031334 فاكس: 33031065
سـاعات العمل: 9ص - 6م أيام الأجازات: الجمعة

[bmibasem]

المواصفات

المواصفات

سكودا أوكتافيا 1.6- 16 صماماً

المحرك

4 أسطوانات متتالية - 16 صماماً

سعة المحرك (سم مكعب)

1598

قوة المحرك (حصان/د.د.)

115/6000

عزم المحرك (نيوتن.متر/د.د.)

155/4000

نسبة الضغط (إلى: 1)

12

الاندفاع

بالعجلات الأمامية

علبة التروس

4 آلية

السرعة القصوى (كم/سا)

194

التسارع من 0-100 كم/سا (ثانية)

12.4

استهلاك الوقود (كم/20لتر)

200 في المدينة/ 330 في السفر

الطول/العرض/الارتفاع/قاعدة العجلات (م)

4.572/1.769/1.462/2.578

أصغر دائرة دوران (م)

10.2

الوزن فارغة (كغ)

1340

الخلوص (سم)

14

العجلات والإطارات

195/65-15

سعة صندوق الأمتعة (لتر)

560

سعة خزان الوقود (لتر)

55

المكابح (الأمامية/الخلفية)

أقراص/أقراص - abs

[bmibasem]

الميكانيكية
حسن سكودا " شغال فى التوكيل . ورشته اساسا فى الحرفيين و بيكون فى كفر طهرمس - فيصل كل يوم جمعه . 0123751090
ميكانيكى رمضان هو فى بين السرايات ودة تليفونة 0121227101
.رامي شعبان ده في العمرانية.
ميكانيكى صلاح اسكودا فى العمرانية عند مستشفى الصدر تليفونه0106966294
مهندس محمد رفعت مدرسه حفر الباطن فى الهرم على المريوطيه فى نزله البطران

محمد عبدة ميكانيكى شارع بهجت رسلان متفرع من شارع العشرينى.... بعد ما تعدى محطة كالتكس اللى فى العشرينى ب 600 متر حتلاقى يافطة الدايو بتاعت عبدة على شمالك... خش الدخلة الشمال حتلاقى هى اول ورشة سيارات على شمالك

ميكانيكى فى الحرافيين عقل ... متخصص سكودا هو شبة مركز كبير ... وعندو كشف كمبيوتر وزوايا وكلو ...
ميكانيكى عبده إسكودا رقم التليفون :0101791490 قريب من التوكيل اللي في دير الملاك
ميكانيكي جسر السويس امام مصنع برتي بدار بجوار بنزينة كالتكس اسمه سيد سكودا وده رقم تليفونه 0101107669
تمام بعد مدينة بدر هاتلاقي مركز هاني عصمت التشييك كامل على العربية بيكلفك 200 جنيه تقريبا
محمد سمير و هاني جسر السويس خلف حديقة بدر - بعد المزلقان على ايدك اليمين ب 50 متر
ح جسر السويس - حديقة بدر خش يمين هاتلاقي مزلقان عديه وعلى اليمين قدام هاتلاقي مركز خدمة هناك بتاع واحد اسمه مهندس هاني عصمت..
اتنين ميكانيكيه شغالين في التوكيل و عندهم مراكز خدمه محمد سمير 0122354589 و احمد عزت 0123670187

[bmibasem]

بالنسبة للمفتاح

لنسبه للمفاتيح المكوده يوجد واحد بمدينة نصر (طريق النصر) أمام قسم مدينة نصر وشركة الكهرباء ... كما هو موضح بالخريطه
عند تقاطع مكرم عبيد وطريق النصروتليفون عز (المحل الخاص بتغيير المفاتيح) : 0123463251
بالنسبة للمفتاح فهو بيتعمل في حدود 150 جنيه
حيعملك المفتاح في الحال لأن عنده أجهزة التكويد والمفاتيح الخام وأحيانا الريموتات الأصليه لبعض الموديلات

[bmibasem]

السيارة مظبوطة على سيتسم معين وهو بيفكرك تغير الزيت امتى وطبعا بتتلغى بالجهاز الصغير مش فاكر اسمة
والكابل بتاع العربية وبتخش على السيستيم وبتشيل حكاية انة يفكرك خاالص بتغيير الزيت

بتظهر في الشاشة اللي في العدادات كلمة service insp؟
دي معناها إيه عبارة عن مؤشر بيقول ان معاد الصيانة جيه بتروح تصفرو في التوكيل على الكمبيوتر
كمبيوتر العربيه مصمم انه يذكرك بمواعيد الصيانه والخاصية دي ممكن تتلغي وطريقتها مكتوبه في الكاتالوج بالاضافة ان في مركز الخدمه بيظبط الكمبيوتر بعد عمل اول صيانه لتذكيرك بالميعاد الجديد فمتشغلش بالك بالرساله دي وتحياتي ليك

استفسارات عن اوكتافيا موديل 99 لذراع اليمين وهما فيهم اكتر من اختيار كل ما احرك فيهم حاجه بيغير ارقام العدادات الديجيتال الموجوده فى الار بى ام وانا عايز اعرف هما بتوع ايه وايه هو استخدامتهم لانى مش فاهم حاجه والف شكر لكم
الذراع ده بتاع بيانات الرحلة

*- كمية البنزين اللي موجودة وتمشيك كم كيلو *- بداية الرحلة من كام دقيقة *- الاستهلاك البنزين اد اية
ده اللي فكره وفي حاجات تانية ماكنتش فاهمها
* ملحوظة البيانات الرحلة هتتمسح بعد ساعتين من ايقاف العربية

- لجنوط ال a4 موديل 99

بص الكاوتش الاصلى بتاعها بيبقى195/65/15

[Fadi Ezzat]

حضرتك كاتب مواصفات اوكتافياa5
مش 4

[bmibasem]

طيب يا عم فادى باشا اتفضل قو ل المعلومات الصحيحة الخاصة باية 4
ويا ريت توضح كمبيوتر الرحلات

[bmibasem]

* معلومات تهمك :-
--------------
1- وزن السيارة 1700 كجم بالتقريب ( والموتور ما شاء الله كفاءة عليها ).
2- السيارة مزودة بمبخر بنزين ووظيفته الإستفادة بكل كمية البنزين الداخلة لغرف الإحتراق.
3- ممكن تسمع صوت تكتكة بسيييييط أوي من ناحية اليمين ( تكتكتكتكتك ) ده حاجة عادية جدا في الأوكتافيا و ده صوت مبخر البنزين وهو شغال.والصوت ده موجود في الجولف والبورا والباسات.
4- السرعة القصوي للعربية 215كم/س و من غير ما تاخد بالك لو علي طريق مفتوح تلاقي نفسك جايبهم من غير ما تحس ( لأن عزل العربية قوي من وجهة نظري و صوت الموتور هادي مش ملحوظ علي السرعات العالية ).
5- ثبات العربية دي منقطع النظير و ده يخليك متحسش إنك ماشي علي 200 مثلا.
6- ودي أهم نقطة إن العربية دي إتظلمت من شعبنا اللذيذ بعد نزول الـ A5 و كل من هب و دب يقلل من قدرها.والحقيقة عكس ذلك تماما, الـ a4 والـ a5 وجهان لعملة واحدة في الأداء و الثبات.تفوق الـ a5 يأتي في فخامة المنظر والكماليات فقط.
لعربيه فيها وحدات رفع زجاج عن طريق المفتاح
7- اقفل العربيه بالمفتاح مش بالريموت وافضل لفف المفتاح هتلاقي الزجاج بيترفع ولا فتحت العربيه بالمفتاح برضوا وفضلت لفف المفتاح الزجاج كله هينزل
الي فكره دلوقتي انك ممكن تقفل العربيه بطريقتين
1-لو قفلت بضغطه واحده بالريموت او قفلت بالمفتاح, اللمبه الحمره الي جنب الموسجر بتنور وده معناه ان العربيه لايمكن تتفتح من بره ولا من جوه
وده امان زياده علشان لو حد قدر الله كسر الزجاج, الباب مش هيتفتح من جوه, لازم يدخل من الشباك وتعتبر اعاقه كويسه وربنا يسترها
2-تاني طريقه انك تدوس مرتين وره بعض بسرعه وانت بتقفل بالريموت او بالمفتاح تفضل لفف المفتاح لحد ما تسمح صوت السنتر مره تانيه,وفي الحاله ديه اللمبه الي جنب الموسجر مش هتنور والعربيه ما تفتحش من بره لكن تفتح من جوه
8- ضبط عجله القياده ممكن ترفعها اوتنزلها او تدخلها لجوه او تتطلعها لبره
9- معدل استهلاك الوقود 7.1 لكل 100 كيلو متر
10- التسارع من صفر/100 كم 11.8 ثانيه لمانويل
11- ممكن تتحكم في ارتفاع وانخفاض المصابيح الاماميه من الداخل والتحكم في ارتفاع وانخفاض اضاءه العدادات
12- زراع ضبط المرايات كهربيا هوه فيه 3 اختيارات R L والتسخين بعد ما تظبط المرايات سيبه علي R او L
ما تسبهوش علي علامه التسخين علشان هيفضل شغال عالطول السخان
مراياتها عاليه فمش بتحك فى مرايه اى عربيه تانيه لو انت داخل حته ضيقال

وعندك parking waiting انا مش عارف اسمه بظبط بس لما تيجي تركن وخايف حد يخبط بدل ما تشغل الانتظار حرك ذراع الاشارة يمين او شمال هينور انوار العربية الورا والامام "الانوار حسب اتجاه الذراع "