Tweet
إمبارح بعد ما خلصت مشاوير..و في طريقي للبيت.وبيني و بين البيت 5 دقائق.في شارع الهرم.بأخد اليوترن عادي جدا و طبعا زي ما عارفين في مصر محدش بيستني ولا يعمل حساب حد.طبعا فضلت واقف و لما ظروف الطريق سمحت بدأت أتحرك و أخد اليوترن.و لسه بتحرك من مكاني طاااااخخ..عربية 128 بيضة فيها شاب كده إبن تييييت.بسرعته الجنونية في شارع زي ده دخل بسرعتها في الباب اللي جنبي.من قوة الصدمة وش سماعة التويتر طار من مكانه ومراية الصالون إتنترت.أنا اللي كان عليا لآخر لحظة إني أنزل من العربية علي الواد أخليه يغير جنسه.بس فضلت أستعيذ بالله من الشيطان.و بصيت علي العربية لقيت خلاص مفيش باب.وقولت للواد علي مهلك و إتكل علي الله طريقك أخضر.يقول أنا آسف طيب اللي تأمرني بيه قولتله يا سيدي إتكل علي..المهم.أنا آسف علي الإطالة..روحت للسمكري حاول يرد علي البارد لكن مفيش فايدة نهائي.لازم تسخين و دوكو..شوروا عليا أعمل إيه..أنا قولتله الموضوع يتكلف كام قال 80 جنيه سمكرة و 150 جنيه رش..هلي ده كويس..هل بعد ما أعمله هيبان إنه مرشوش بالنسبة لي.ولا بعد ما أعمله هيرجع زي ما كان..شوروا عليا يا جماعة أنا معرفش أتصرف إزاي.قولولي أعمل إيه بالظبط وأنا أنفذ..أنا آسف مرة تانية علي الإطالة و عن عدم وجودي كتير بحكم ظروفي اللي إنتهت بقدر الله للعربية.ربنا يستر طريقنا.
-
-
المشاركة الأصلية كتبت بواسطة inspiron مشاهدة المشاركة
اولا حمدا لله على سلامتك..وده اهم حاجة وزي ما قلت قدر الله وما شاء فعل
موضوع السمكرة والرش ده مهم بس لازم تروح لواحد يكون انت عارفه كويس وشغله زي الفل
انا لما سالت على الرفرفين عندي قالي 300 جنيه عشان يسمكرهم ويرشهم واحد منهم عالبارد والتاني قالي لازم يتمعجن بالاضافة الى حتة مقشرة في العتب تحت الباب ومن غير رش كمان
انا شايف انه السعر اللي بتقوله ده كويس جدا بس لازم تكون واثق من شغله عشان ما يبقاش لون ولون ..لازم تبقى مايتها واحده..ومرة تانية حمدالله على سلامتك يا استاذ احمد[aldl]http://www.nilemotors.net/Nile/signaturepics/sigpic27902_3.gif[/aldl] -
شوف الاستيراد نفس اللون عامل كام[CENTER][SIGPIC][/SIGPIC][/CENTER]
[CENTER][SIZE=5]اكبر تعديل لسكودا فيفوريت :vctry:[/SIZE][/CENTER]
[CENTER][URL]http://www.nilemotors.net/Nile/101990-a.html[/URL][/CENTER]Comment
-
قدر الله وماشاء فعل .. ربنا يعوض عليك ... نادر تلاقي عربية سليمة في مصر بسبب رعونة السائقين
Comment
-
الله يسلمكم يا جماعة بشكركم جميعا..طيب مهندس مجدي حضرتك أنا معرفش حد هنا في القاهرة كويس.وأنا الأسبوع اللي جاي هكون بايت في الإسماعيلية إن شاء الله.و في واحد زميلي هناك قاللي في ورشة سمكرة و دوكو عندهم شغلها عشرة علي عشرة.فأنا ناوي إن شاء الله أعملها هناك.فأنا كنت عاوز أعرف من حضرتك..يعني إيه تكون ميه واحدة و إزاي متكونش لون ولون لأن الموضوع ده فعلا هو اللي معكنن عليا..خايف جدا يكون لون و لون..أعمل إيه.؟؟ شكرا ليكم مرة تانية يا جماعة و أي واحد يحب يضيفلي أي نصيحة ميتأخرش عليا.أنا عربيتي مبأخدش رأي حد في أي حاجة أعملها فيها غير منكم.Comment
-
الف سلامة يا باشا و معلش اللي يجي في الريش بقشيش علي رأي المثل ، و قدر الله و ماشاء فعل كله خير من ربك و اللهم لا اعتراض ، التمن ده كويس بس أهم حاجة انه يكون واثق من نفسه و من شغله و يطلع الحاجة مظبوطة و زي ما قال م/ مجدي مية واحدة يعني اللون ما يتهرش انه فارق و ده سهل من نمرة البوية وكمان لحامات الباب و نعومة البوية تكون مظبوطة و مرة تانية الف سلامة عليك[SIGPIC][/SIGPIC]Comment
-
الله يسلمك يا كريم باشا..طيب أنا أعرف رقم اللون إزاي عشان الموضوع ده عملي قلق جامد وأنا إن شاء الله هعملها الخميس.Comment
-
انا أعرف ان رقم البوية مكتوب علي الصدر قدام و اي واحد بتاع دوكو بيفهم هيعرف مكانه و عموما اتصل بالتوكيل و اعرف المكان بالضبط ولا تروح ولا تيجي يا عم[SIGPIC][/SIGPIC]Comment
-
أنا مش هعرف افيدك في موضوع السمكره بس حبيت احيك على موقفك المحترم مع الواد السيس ده وانشاء الله عربيتك ترجع زي الاول :(
هو انت في كليه هندسه ؟ أصلي متهيألي بشوف عربيه شبه بتاعتك راكنه هناك[SIGPIC][/SIGPIC]Comment
-
لا يا باشا أنا في بكالوريوس تجارة إنجليزي..بالنسبة للواد السيس ده..أنا لآخر لحظة كنت هفرمه..بس قولت يا واد إستعيذ بالله وقدر الله وما شاء فعل.الحمدلله..Comment
-
دا انت علي كده ابو زمل يا باشا انا تجارة انجليزي بس 2005[SIGPIC][/SIGPIC]Comment
-
يا عيني علي الصدف الحلوة...أنا كان المفرود أتخرج في 2008 بس إتروقت سنتين كده.المشاركة الأصلية كتبت بواسطة kareemafifi مشاهدة المشاركةComment
-
المشاركة الأصلية كتبت بواسطة kareemafifi مشاهدة المشاركةمعلش يا جدعان ادي سنه الحياه لازم تترب سنتين كدهالمشاركة الأصلية كتبت بواسطة inspiron مشاهدة المشاركة
وأنا هندسة القاهرة تالته مدني
انتوا القاهرة برده ؟
[SIGPIC][/SIGPIC]Comment
-
حلوة الصدف دي يا باشا ، لا انا من اسكندرية[SIGPIC][/SIGPIC]Comment
-
الحمد لله على كل حال
وابقى طمنا وصلت لاية[CENTER][SIGPIC][/SIGPIC] [/CENTER]
[CENTER] [/CENTER]
[CENTER][COLOR=royalblue]سبحان الله ... الحمد لله ... لا اله الا الله ... الله اكبر[/COLOR][/CENTER]
[CENTER] [/CENTER]Comment
Comment