دخنة بيضة من الشكمان مرة واحدة

[inspiron]

دوست بنزين والعربية واقفة طلعت دخنة بيضه من الشكمان و بعدين معملتهاش تاني و دوست كذا مرة و مفيش دخنة خالص.ده معناه إيه..مع العلم إن الزيت بقاله 9800 كيلو متر..هل دي إشارة إن الزيت محتاج تغيير..ولا الموتور خفيف..ولما أغير زيت تنصحوني أحط السائل اللي هو flush ده ؟

[inspiron]

فين الردود يا جماعة

[Eng_Mostafa_89]

فى اسباب كتير تخلى الشكمان يطلع دخنة بيضاء
مش شرط انها تكون تفويتة لان لو المكنة مفوتة هتلاقى الدخنة طالعة علطول وكمان هتلاقى مستوى الزيت بينقص واكيد برضة هتلاقى البوجيهات عليها زيت وكمان هتحس ان قدرة الموتور انخفضت
ممكن تفك البوجيهات وتشيك عليهم هل عليهم زيت ولا لاء

وممكن تكون الدخنة اللى طلعت دى بقايا رواسب وخصلت خلاص
والله اعلم
وبرضة ممكن تسأل فى الورشة ان شاء الله الافادة هناك هتكون اكتر
.

[crazylambada]

و ممكن يبقى بخار ميه
برضه

[inspiron]

لا هي مش بخار لأن العربية كانت سخنة و كمان الدخنة طلعت لمسافة مختفتش علي طول.وبالنسبة لموضوع قدرة الموتور بعدها علي طول جربت أسحب كانت تمام و جابت 175 علي الرابع( بس ده كان مجرد اطمئنان علي قدرة الموتور ) طيب إيه رأي حضرتكم في موضوع flash oil ؟ هل هحس بفرق لما أجربه؟

[crazylambada]

أوعى تجيبه
انا جربته و اتقالي انو خطر جدا على المكنه
لان مشكلته انه حامي
بص غير الزيت بدري مره و ده كفايه