فبرة الزجاج

[bmibasem]

السلام عليكم ورحمته الله وبركاتو
الاخوة الاعزاء
لى سوال
فبرة الزجاج الامامى والخلفى اتكسرت وعايزة اشتريها
وسالت عليها فى بعض محلات قطع الغيار موش موجودة
ياترى القيها فين وسعرها كام

وفى بعض الاخوة الكرام قالولى فية فبرة الومنيوم ياترى ايهما افضل
والقى دى فين ودى فين

[ramylanos]

انا غيرتها عند محل تصليح ابواب وزجاج كهربائي

وهو الي ركبهالي ب 60 جنيه

[bmibasem]

انا غيرتها عند محل تصليح ابواب وزجاج كهربائي

وهو الي ركبهالي ب 60 جنيه

فين دة

[bmibasem]

فين يا جماعة الردود
محدش اتكسرت عندو الفبرة دى واشتراها بنفسى
ويجوبنى يا ترى الفبرة الالومونيوم ولا البلاستيك
وممكن نجيبها من اين

[inspiron]

طيب حضرتك ممكن توضحلي هي عبارة عن إيه عشان أنا مش واخد بالي بس..هل قصد حضرتك الفبرة دي اللي هي الفريم اللي مربوط بمسامير فيبر؟

[bmibasem]

الفبرة دى حجمها مثلا 4*10 سم وهى صغيرة جدا والوير اى السلك بيعدى عليها ولما انت بتشغل مفتاح الزجاج الوير بيحلى الفبرة تتحرك الى اعلى تاخد الزجاج معاها الى اعلى
والباب الامامى يوجد عدد 2 فبرة
والخلفى بيقى فية فبرة واحدة

[inspiron]

آآآآآآآآآه فههههمت دي نفس المشكلة اللي كانت عندي..شوف يا سيدي..فين شارع خاتم المرسلين..هتمشي لآخره كأنك رايح علي الطلبية..قبل الكوبري اللي في الآخر في يوتيرن قصاده الناحية التانية حارة كده..هتمشي فيها شوية أول دخلة شمال تقابلك تدخل فيها تمشي 100 متر كده هتلاقي الورشة الهندسية لظبط الأبواب صاحبها إسمه مدحت.

[bmibasem]

الف شكرا على اهتمامك
دا عندو الفبرة
يعنى افهم من كدة ان الفبرة موجودة بس عند الناس اللى بيصلحوا الزجاج
موش موجودة برة
راى حضرتك اية بقى الفبرة العادية ولا الالومنيوم
ويا ترى مافيش حد فى فيصل ناحية المريوطية كدة
بعد اذن حضرتك
وبشكرا على اهتمام حضرتك

[inspiron]

لا شكر علي واجب..من واقع تجربتي أنا رحتله مرة و حطلي فبرة عادية..فضلت شغالة أسبوعين بعد كدة حصلت نفس المشكلة..رحتله تاني و جابلي فبرة ألامونيوم وتمام بس حاليا أنا عندي مشكلة إن الكونترول يونت بتاع الباب نفسه فصل خالص.و المرايا والزجاج و السنتر بتوع الباب فصلوا و مش عارف حد أروحلوا..لو حضرتك تعرف حد دلني.

[bmibasem]

حضرتك كدة خوفتنى من الفبرة الالومنيوم
ولا العيب من الراجل اللى ركبها
على العموم فية واحد اسمو عادل للابواب وهو مشهور اوى فى المطبعة بين فيصل والهرم فى الشارع اللى فية ادريان
هو ممتاز بس ترحلو بدرى علشان بيبقى زحمة وياريت تدينا فكرة عمل اية علشان كل المنتدى يستفيد من هذة التجربة
وتقولنا العيب من الفبرة ولا الراجل اللى حضرتك رحتلو

[bmibasem]

بعد اذن حضرتك عايزين نعرف لية الكونترول بتاع الباب توقف عن العمل وخصوصا بعد تركيب الفبرة
لان انا اعرف ان ثمن الكونترول دة غالى جدااااااااااااااااااااااااااااا
علشان كدة لازم لما تروح لحد يكون امين
وخليك دايما وانت بتعمل اى حاجة على راس الصنايعى
الا اذا كنت تثق فية

[inspiron]

لا يا رجالة العيب مش من الفبرة ولا حاجة..الموضوع إن الكنترول دخله ميه و فصل خالص..و سألت علي سعره بـ 400 جنيه إستيراد..وأنا بحاول أدور علي حد ممكن يصلحه.لو منفعش هضطر أشتريه.

[bmibasem]

شوف عادل دة لو كنت قريب منو وربنا يسهل وفية رقم لواحد بتاع قطع غيار استيراد فى الحرافيين هبقى ابعت رقمو بكرة ان شاء الله

[ramylanos]

فين دة

في اسماعيليه