التنك الاحتياطى

[sahlamy]

ايه فكرة عمل التنك الاحتياطى فى الاوكتافيا a4 لو حد عنده فكرة يقولنا يا جماعه بصراحة نفسي افهمها

[د.محمود صلاح]

اول مرة أسمع عن كده ..
اللي أعرفه في كل العربيات اللي ركبتها ان المؤشر بتاع البنزين لما التانك يقرب يفضى اللمبة تنور وتدل على وجود من 7 - 10 لتر اخرى في تانك البنزبن قبل ما يفضى تماماً

..
ويمكن فيه كلام جديد و متابع ...

[riko8888]

موجود فعلا

اخر مره كنت بفول العربيه عامل البنزينه قالى افول التنك الاحتياطى قولت له هو فين شاور لى عليه فتحه صغيره على شمال التنك الرئيسى وعلى حسب كلامه بياخد عشره لتر وانا معاكو متابع الموضوع ده

[spider6666]

تمام يا جماعة بالفعل الاوكتافيا فيها تانك احتياطي تحسلا لاي ظروف

[Fadi Ezzat]

تصدق انا اول مرة اعرف الحكاية دى رغم عشتى الكبيرة اوى مع الاسكودا والى عمالى افصص فيها حتة حتة
شكرا على المعلومة

[shiko85]

اول مره اعرف المعلومه دى

[Fadi Ezzat]

انا النهاردة وانا بفول قولت للراجل يفولى التانك الاحتياطى
قالى اية التانك الاحتياطى دة
نزلت ادور معاة على الفتحة بتاعتة مش لاقى حاجة
ياريت تصورهلنا ياباشا

[shiko85]

انا النهاردة وانا بفول قولت للراجل يفولى التانك الاحتياطى
قالى اية التانك الاحتياطى دة
نزلت ادور معاة على الفتحة بتاعتة مش لاقى حاجة
ياريت تصورهلنا ياباشا

+1111111111111111
تقريبا مش موجود فكل الموديلات

[hugan]

التانك الا حتياطي ان اللمبه تنور ويبقي فاضل معاك 7 لتر انذار يعني انما خزان مستقل الله اعلم جديده اول مره اسمع عنها

[sahlamy]

التنك ده عبارة عن زرار صغير على الشمال فى اول فتحة غطاء التنك كل مدخل افول يقولي افول الاحتياطى ولا لا وانا بقوله فول ومعرفش عنه حاجة بصراحة الزرار ده بيضغط عليه لجوه وبيكمل تفويل فى حدود 7 لتر تقريبا بس انا مش فاهم بيشتغل امتى وازاى

[El Prince]

أعتقد يا جماعه التانك الاحتياطى او الاضافى بيكون فى العربيات ال فور باى فور ذات سعة المواتير الكبيره 4000 سى سى او اكتر زى اللاندكروزر و الحاجات دى ..

[bmibasem]

فعلا يا جماعة فى تانك احتياطى وهو بياخد من 7 الى 10 لتر بس عيبو ان العربية اول ما تبدا بتاخد من الاحتياطى
والدليل على كدة حضرتكم فولو العربية وكمان الاحتياطى بعد حوالى 200 هتلاقى يدوب موشر البنزين بدا يتحرك

[mr_shims_49]

كلامك مظبوط هو موجود عندي في الابيزا و فعلا لما بفول مؤشر البنزين مش بينقص غير بعد مسافة كبيرة جدا جدا

[fadynabil]

في إيه يا جماعة ده موجود عندي في الإبيزا الــ ٩٤

وده عباره عن زرار صغير داخل التانك بيدوس عليه العامل بالمسدس بعد ما العربيه تفول ،، يروح فاتح خزنه للأحتياطي وبتبقي حوالي ١٠ لتر ... وهتحسوا بيها إن تقريبا أول ١٠٠ كيلو المؤشر بتاع البنزين مبينزلش ،، وهوه بيكون وقتها بيستهلك في الشويه دوول ... بس مش متأكد إنه بياخد منهم كلهم

بس عموماً أنا مش فاهم إيه فكرته ،، يعني إيه لازمته أساساً ليه متكونش الدنيا كلها سايحه في بعض ،، هما أكيد ليهم وجهة نظر والله أعلم

[solly1979]

هو لزمته فى حاجه واحدة بس ان التنك ياخد كميه بنزين زيادة ودة اكيد فى حالات السفر
انا بستعمله لما اكون مسافر لو مش عايز افول فى الطريق او مش ضامن البزين فى البزينات الى فى الطريق
بس موضوع اللمبه لما بتنور مالوش دعوة بالاحتياطى لانه بيكون فاضى اصلا
التنك الاحتياطى يتم اسخدامه الاول ودة عن تجربه