Fantasia GPS!!!!!

[MohamedGobran]

السلام عليكم و رحمه الله وبركاته

دلوقتى يا جماعه انا اشتريت فانتازيا هاى لاين بضمان ارتوك 2010 و لما جيت اشغل الـ GPS طلعتلى رساله على الشاشه بتقولى please insert the median data و لما سألت سمير ريان(المعرض إلى جبت العربيه منه) قالى ان العربيه نازله من غير خرايط و هو ميعرفش بتتجاب منين الخرايط دى

فأنا طالب مساعدتكم و تقولولى اجيب الخرايط دى منين وأكون شاكر لكم

[mohameduoser]

روح التوكيل الى فى غمرة

[ashrafsadany]

متابع باهتمام

[atefjerry]

طب يا اهل الخبرة عايزين نعرف الخرائط منين وازاى
ولو العربيه اول فئه مانيوال هل ممكن نضيف الاوبشن ده عليها ولا لآ

[MohamedGobran]

طب يا اهل الخبرة عايزين نعرف الخرائط منين وازاى

ولو العربيه اول فئه مانيوال هل ممكن نضيف الاوبشن ده عليها ولا لآ

بالنسبه لاستفسار حضرتك هو اعتقد ينفع لكن صعب لانك بتفك الكاسيت بتاع العربيه و تجيب الموديل إلى اسمه amundsen إلى بيكون بشاشه تاتش و فيه الGPS وتغير الحاجه السوده إلى على السقف إلى بتركب فيها اريل الراديو بواحده تانيه فيه جهاز بيستقبل اشارات القمر الصناعى بس اظن انها هتكون مكلفه جدا خصوصا تمن الكاسيت

و فى إنتظار اهل الخبره يقولولنا اجيب الخرايط منين

[wawamoha]

سلام
انت مغلب نفسك ليه ؟ اطلع عل الوكيل عدل و اسالهم بس في الصيانه دي شغلتهم امال انت جايبها بضمان ليه ؟
و لو قالك ما فيش خرايط برضه !! ابعت ايميل للشركه و سالهم عن الموضوع و ده و قولهم ازاي تنزلم العربيه من غير خرايط ..
يا ابني انت راكب عربيه محترمه و شوف الدنيا هاتتقلب ازاي لما تبعت للشركه.
و ياريت تعرفنا بالنتيجه
ربنا معاك

[som3aa]

معلش هو حضرتك جبتها بكام بالظبط ؟

[ashrafsadany]

195 خليجى 205 توكيل

[BrainStorm]

متابع بإهتمام

[atefjerry]

ميرسى على الرد والافاده
بس انا بقول الموضوع هيفتح اوى على كلام حضرتك وانا بقول نأجلها شويه

[MAK_US1977]

للاسف كل سيارات فولكس فاجن اللي فيها نظام الملاحه لايوجد لها خرايط لمصر نهائي حتي الان سواء كان نوع الكاسيت RNS310 or RNS510 or Colombus
وطبعا مينفعش تجيب خرايط بتاعت اي برنامج تاني وتحطهالو لانو مش هيفهمها

لكن اللي معندوش في العربيه اصلا نافيجيشن عاوز يركبو - موجود اجهزه صيني بتركب في نفس المكان والوش هو هو بتاع العربيه.
انا مغير الكاسيت بتاع واحد صاحبي بس هو عربيتو تويوتا 2009 بكاسيت من دول نفس شكل الاصلي بالظبط

[MohamedGobran]

للاسف كل سيارات فولكس فاجن اللي فيها نظام الملاحه لايوجد لها خرايط لمصر نهائي حتي الان سواء كان نوع الكاسيت rns310 or rns510 or colombus
وطبعا مينفعش تجيب خرايط بتاعت اي برنامج تاني وتحطهالو لانو مش هيفهمها

لكن اللي معندوش في العربيه اصلا نافيجيشن عاوز يركبو - موجود اجهزه صيني بتركب في نفس المكان والوش هو هو بتاع العربيه.
انا مغير الكاسيت بتاع واحد صاحبي بس هو عربيتو تويوتا 2009 بكاسيت من دول نفس شكل الاصلي بالظبط

إزاى التوكيل يبقى كده .....يعنى حضرتك انا ادفع فلوس زياده على أوبشن فى العربيه منظر بس مش شغال ...... لو كلام حضرتك صح انا هبعت للشركه نفسها علشان تشوف حل مع التوكيل ده

وشكرا ليك

[MAK_US1977]

المشكله اساسا من الشركه الام انها مش منزله خرائط لمصر.
التوكيل ملوش دعوه اصلا (طبعا انا مليش دعوه بالتوكيل عشان متقولش اني بدافع عنو)
علي رأي المثل اطبخي يا جاريه (التوكيل) كلف ياسيد (فولكس فاجن)