صيانة ال60 ألف !!!

[ahmedyehia515]

صباح الخير على أحسن منتدى و كل عيد عمال و انتو بخير

الحمد الله العربية تمت 301.000 كم و المفروض انو أروح فى خلال أسبوعين أو تلاتة بالكتير أوى عشان صيانة ال60.000 فكنت عايز أخد رأى الاسكوداوية فى الموضوع ده.

أنا بقالى سنة مبروحش التوكيل بتاع غمرة و بتعامل مع الميكانيكية و لو حاجة كبيرة شوية بروح مركز خدمة كارتك بس مشكلته انك لازم تروحله بقطع الغيار. طبعاً صيانة ال60 ألف فيها تغيير سيور و ده لازم تتعمل جوم مركز خدمة، سؤالى هو انو توكيل غمره كان زى الزفت و عشان كده أنا بطلت أروحه، هل مستوى التوكيل اتحسن فأروح أعمل الصيانة عنده و لا أنزل اشترى الحاجات اللى حتتعمل فى الصيانة و اروح كارتك اللى فى العبور ؟؟؟

تانى حاجة ، الموضوع ده فى الصيانات الدورية للأوكتافيا،

http://www.nilemotors.net/Nile/27606-a-5.html

هل فى اختلاف بين الأوكتافيا و الفابيا فى الصيانات ده بإستثناء موضوع زيت الفتيس الأوتو عشان انا عربيتى مانيوال ؟؟

يا ريت لو مش بتقل عليكو حد يقولى سعر صيانة ال60 ألف + سعر الطنابير الامامية و الخلفية.

و شكراً من هنا ( عيد العمال ) لحد عيد الثورة :)

[mohameduoser]

صباح الخير على أحسن منتدى و كل عيد عمال و انتو بخير

الحمد الله العربية تمت 301.000 كم و المفروض انو أروح فى خلال أسبوعين أو تلاتة بالكتير أوى عشان صيانة ال60.000 فكنت عايز أخد رأى الاسكوداوية فى الموضوع ده.

أنا بقالى سنة مبروحش التوكيل بتاع غمرة و بتعامل مع الميكانيكية و لو حاجة كبيرة شوية بروح مركز خدمة كارتك بس مشكلته انك لازم تروحله بقطع الغيار. طبعاً صيانة ال60 ألف فيها تغيير سيور و ده لازم تتعمل جوم مركز خدمة، سؤالى هو انو توكيل غمره كان زى الزفت و عشان كده أنا بطلت أروحه، هل مستوى التوكيل اتحسن فأروح أعمل الصيانة عنده و لا أنزل اشترى الحاجات اللى حتتعمل فى الصيانة و اروح كارتك اللى فى العبور ؟؟؟

تانى حاجة ، الموضوع ده فى الصيانات الدورية للأوكتافيا،

http://www.nilemotors.net/nile/27606-a-5.html

هل فى اختلاف بين الأوكتافيا و الفابيا فى الصيانات ده بإستثناء موضوع زيت الفتيس الأوتو عشان انا عربيتى مانيوال ؟؟

يا ريت لو مش بتقل عليكو حد يقولى سعر صيانة ال60 ألف + سعر الطنابير الامامية و الخلفية.

و شكراً من هنا ( عيد العمال ) لحد عيد الثورة :)

حضرتك عملت 301 الف اخبار السيارة اة بعد ال300 الف
توكيل غمرة احسن مكان بصراحة انصحك تعملها هناك

[Fadi Ezzat]

هيا هيا نفس الصيانةب تاعة الاوكتافيا

[HSultan]

جرب وهدان العجوزة أو أكتوبر ( أنا شخصياً بتعامل مع مركز العجوزة )
كان عندى a4 والآن a5 حتى الآن 4 سنين بدون مشاكل وفى العجوزة ممكن تكون بجوار سيارتك أثناء الصيانة ودى ميزة بالنسبة لى
وأسعار قطع الغيار جربت جبت أسعار من محل قطع غيار أصلية كانت تقريباً نفس أسعار وهدان
أنا أيضاً عاوز أعرف أخبار السيارة معاك إيه بعد 300000 كم وغيرت إيه فيها حتى الآن - ربنا يبارك لك فيها

[whataboutu]

سعر صيانه ال 60 لو a5 يعمل فى حدود 4500 جنيه لانه بيغير السيور وملحقاتها اما الطنابير الاماميه تعمل فى حدود 1500 جنيه غير المصنعيه وعلى فكره الوهدان بيبالغ شويه فى الاسعار ووحد صاحبى سابلهم العربيه ليلتن عشان التصليح رجع لقاهم ماشين بيها 30 كيلو ولما سئل مافيش رد !!!!