أنا قفلت خلاص.أرجو المساعدة

[inspiron]

النهاردة العربية جابت آخرها معايا..وبالشكل ده أنا كرهتها.شوفوا أنا بعمل الموضوع الساعة كام!!! مش عارف أنام من كتر عكننتي بسببها..المهم

وأنا ماشي علي سرعة 100.كنت عاوز أتخطي عربية نقل.فا دوست بنزين وأنا مديها خامس.أبص ألاقي الـ rpm بيعلي لحد 5 أو 6 مثلا والسرعة مش بتزيد.أول ما أشيل رجلي وأدوس تاني تبدأ تسحب.مشغلتش بالي ومشيت عادي لحد ما وصلت البيت.نزلت تاني بالليل عشان كان عندي معاد ومتأخر فكنت مستعجل.الغريب بقي.إديت الغيار الأول.ودوست جامد.العربية تقيلة..(مفيش رجه في الطلعة ولا حاجة..لكن تقيلة )..المهم وقفت.دوست بنزين جامد وشيلت رجلي من علي الدبرياج مرة واحدة..المفروض العربية تنطلق ( تفرك في الأرض )..مفيش الكلام ده خالص.بتطلع بالراحة,أنا مش عارف بقي..أنا الصبح إن شاء الله نازل أشتري البوجيهات والفلاتر وأعملها الصيانة بتاعتها,هل اللي فيها ده بسبب الصيانة ولا في سبب تاني..أنا فعلا قفلت من العربية جدا يا جماعة.قولولي أعمل إيه

[mrsailor]

انت عربيتك ايه

[inspiron]

أوكتافيا a4 منوال ( اللي في التوقيع )

[HISHAM80]

غالبا ديسك واسطوانه

[inspiron]

فعلا المشكلة ديسك وإسطوانة..بس بالشكل ده تبقي المرة التالتة أغير فيها طقم في 3 شهور..ليه يعني هو فيه إيه..تفتكروا أجبلها فتيس أوتوماتيك ولا أغير الطقم تاني..في حاجة كمان.وانا ماشي علي الرابع أو الخامس.بسمع صوت دوم دوم دوم سريع.ده إيه

[crazylambada]

بس مش زي ما حضرتك متخيل عمتا مواتير الفولكس لاحظت انها بتسحب جامد لما بتدي البنزين بسرعه بس في تواصليعني مش كبس لأ
كانك بتضغط على فرامل بالظبط بتزود الضغطه في تتابع خلالثانيتين تلات ثواني
على العموم ياريت حضرتك تسالي على اسطوانه و ديسك بتوع فيليشيا او بولو 1.6 و شكرا

[mando_07]

يا باشا ريح نفسك و جيب ديسك و اسطوانة اصليين الاستراد ده بيبقى انت وحظك و المشكلة بتاعتك أكيد اسطوانة وديسك
على فكره أفتكر اني شفت عربيتك من كام يوم في فيصل كنت عايز آجي جمبك اسالك لكن قلت ليطلع مش هوه ومنظري يبقى وحش :d

[inspiron]

ههههههه تصدق بقي لو كنت سألت كان ممكن يطلع أنا لأني من كام يوم كنت في فيصل فعلااااا

[TOOLA]

يا عم بسيطة ان شاء الله, يا رب بس تتطلع على اد اسطوانة و ديسك, و تيجى على نفسك و تجبهوم جديد و تريح دماغك. ان شاء الله خير و ابقى طمنا

[inspiron]

تعالي إنت هنا بس.سيبك من العربية دلوقتي.إنت عامل إيه دلوقتي و أخبارك إيه صحيا يا باشا

[mando_07]

ههههههه تصدق بقي لو كنت سألت كان ممكن يطلع أنا لأني من كام يوم كنت في فيصل فعلااااا

تصدق زعلتني كده
يلا مش مشكلة خيرها في غيرها و إن شاء الله عربيتك ترجع زي الاول

[inspiron]

ياااااا رب

[mrsailor]

أوكتافيا a4 منوال ( اللي في التوقيع )

دى اسطوانة و لو كانت اطلعة فيها كركرة يبقى ديسك و اسطوانة

[M.Akef]

حضرتك انزل التوكيل اعمل صيانه كامله
حضرتك اكيد الرشاشات مكتومه كتمه سوده و ده معجزها اوي
و ممكن الدسك و الاسطوانه بس انت بتقول انك مغيرهم قريب
هو العربيه عمله كام كيلو و انت مغير بوجوهات اخر مره امتا و جبت بوجوهات كام شمعه
حضرتك بتحط لها بنزين ايه؟
حضرتك فتحت المكنه اول ما اشترتها ولا لا؟؟؟؟؟؟؟
هو ما دام انت علي 100 و عاوز تعدي بسرعه سقط 4 عشان العربيه تدي معاك اداء محترم
عموما عربيتك بس عوزه صيانه و بعدها تطلع علي طريق محترم تجيب ال200 ولا حاجه يعني عوزه سفريه محترمه تفتح الموتور و هتلقيها بسم الله ما شاء الله طلقه معاك

[د.محمود صلاح]

العربيات وصيانتها عايزة صبر ...