طريقة إلغاء منبه الصيانة - أوكتافيا a5!

[NaderNabil]

طبعاً للي معاه سكودا أوكتافيا a5 عارف ان فيها منبه للصيانة يتم تفعيله قبل ميعاد الصيانة المسجل في السيارة ب 1000كم...

بمعنى...لو ميعاد الصيانة عند 15000كم...هاتيجي عند 14000كم أول ما تدور العربية..هايظهرلك على الشاشة علامة مفتاح إنجليزي و جنبها 1000كم...و هتفضل تتناقص لحد ما توصل لل 15000كم...و ساعتها هايبتدي يتطلع صوت تنبيهي

المنبه ده التوكيل بيبقى عامله في كل صيانة علشان يفكرك بالصيانة القادمة و علشان هو فاكر ان مافيش غيره يقدر يلغي المنبه ده ...على إعتبار ان عنده أجهزة الكومبيوتر اللي بتتوصل بالعربية..

المهم...عندي المنبه ده بدأ يظهر عند ال 75000كم...و من كام يوم الصوت بدأ يطلع...انا عارف ان ده ميعاد تغيير الزيت...بس حتى بعد ما أغيره...الصوت هايفضل موجود

و بما إني بعد صيانة ال 60000 الماضية قررت مافيش توكيل تاني...بدأت أبحث ورا موضوع المنبه ده و كيفية إلغاؤه أو تبطيل مفعوله...و الحمد له وجدت ضالتي على منتدى سكودا الاجنبي...

الطريقة كالأتي:

1- إغلق الكونتاكت
2- إضغط بإستمرار على زر تصفير عداد الرحلات الموجود بلوحة العدادات (حتى ظهور علامة المفتاح الإنجليزي)
3- أثناء ضغطك على الزر...إفتح الكونتاكت
4- فك الضغط من على الزر
5- لف الزر ناحية اليمين (كأنك بتظبط الدقائق في الساعة)

و بكده تكون لغيت منبه الصيانة للأبد...و طريقة تفعيله مرة أخرى...هي الذهاب لمركز خدمة ليقوموا ببرمجته عن طريق الكومبيوتر

أتمنى يكون الموضوع مفيد..

شكراً

[Fadi Ezzat]

طريقة هايلة ياستاذ نادر شكرا على مجهودك

[atefjerry]

هو ده الكلام شكرا اوى على المجهود يا باشا