العربية بترجرج بعد ال 150 ؟؟؟؟ ارجو الافادة

[crazylambada]

انا قصدي العربيه مفيهاش l و 2 و 3 و لا ايه

[kareemafifi]

ماهي فيها 1 و 2 و 3 و ده اللي محيرني فيها و بتنقل عادي مافيش مشكلة بس تعدي الى 140 او 150 يحصل كانها بترجرج بس

[crazylambada]

انا قصدي انك تحاول تجيب اخر الار بي ام بيها هل نفس المشكله حتحصل
بص هي مشكله الرجرجه حتبقى غالبا حاجه من الات نقل الحركه
فعاوزك تحمل علىها في طلعتك يعني تجيب اخر الار بي ام في النقلات الاولى و ربنا المستعان

[kareemafifi]

بص يا باشا العربية نقلاتها حلوة و كويسة معايا في المشي و السرعة بس لحد 150 بعد كدة بتلاقي العربية بترجرج و انا دوست امبارح عليها اكتر من كده ال rpm طلع اكتر من 5 عادي بس الرجرجة قلت لما دوست زيادة شوية.

[crazylambada]

من الاخر اخر الار بي ام في النقلات الاولانيه مفيهوش مشاكل
بص اطلع على التوكيل بقى لان الاحتمالات كتيره في الموضوع ده

[kareemafifi]

روحت من شوية عند مركز متخصص لسكودا و قاللي طلمبة بنزين هي السبب بس انا كده عرفت و ارتحت الحمد لله

[crazylambada]

مممممممممممممم
طب هو عرف ازاي ان طلمبه البنزين هي السبب
هو قاس الضغط بتاعها و لا لأ
لان ده المفروض

[kasten]

متـــــــــــــابع

[elosos2002]

المشكلة دي حصلت معايا يا نجم و كانت بتنتش ع السرعات العالية و دخت السبع دوخات و غيرت رداخ البنزين و المشكلة كانت قائمة زي ماهيا مع اختلاف وقت الرجة او التنتيش من 120 الي 160 بمعني اني معنتش عارف احدد بتنتش علي سرعة كام والحل ربنا هداني لية و الحمد لله من بعدها اتظبطت و بقت تمام كان تغيير البوجيهات فا جرب و مش هاتخسر حاجة وان شاء الله تتظبط معاك

[mohamedrabia]

اولا الطريق دلوقتي علي الصحراوي بقا صعب جدااا ومليان تحويلات والسرعة 150 كتير عليه احذر الردار بيقعد علي الشمال مستخبي في الشجر وثانيا موضوع الرجرجة ده من الترصيص ولا داعي للقلق رصص عند حد معتمد واظبط الزوايا لو فيه رمي وربنا يسترها عليك وعلينا ولا داعي للسرعة الزائدة

[kareemafifi]

مممممممممممممم
طب هو عرف ازاي ان طلمبه البنزين هي السبب
هو قاس الضغط بتاعها و لا لأ
لان ده المفروض

, و الله يا باشا هو كشف عليها و ساق العربية مكاني و طلعنا بيها علي الطريق الدولي و عملت نفساللي بتعمله معايا و قاللي طلمبة بنزين خفيفة شوية بس قاللي اصبر عليها و بلاش تغيرها دلوقتي لسة شوية عليها بس.الف شكر ليك يا باشا علي تعبك معايا و الله.

[kareemafifi]

المشكلة دي حصلت معايا يا نجم و كانت بتنتش ع السرعات العالية و دخت السبع دوخات و غيرت رداخ البنزين و المشكلة كانت قائمة زي ماهيا مع اختلاف وقت الرجة او التنتيش من 120 الي 160 بمعني اني معنتش عارف احدد بتنتش علي سرعة كام والحل ربنا هداني لية و الحمد لله من بعدها اتظبطت و بقت تمام كان تغيير البوجيهات فا جرب و مش هاتخسر حاجة وان شاء الله تتظبط معاك

الف شكر يا باشا الموضوع مش بوجيهات انا لسة مغيرها من قريب ، الموضوع طلع طلمبة بنزين زي ما ذكرت و شكرا علي تعبك معايا ربنا يخليك

[crazylambada]

مممممممممممممممم
بصراحه انا مش مقتنع بكلامه اللي اعرفه طلمبه البنزين تعرف ان كانت ضعيفه على السرعات العاليه انك تقيس الضغط بتاعها بالنسبه للضغط الاصلي لكن ده استنتاج ليه
طب ما تروح لتوكيل اسكودا احسن و اضمن مبحبش شغل الاستنتاجات من غير دليل

[kareemafifi]

هشوف و الله يا باشا كده ممكن اروح التوكيل اشوف كده هيقولولي ايه يارب خير ان شاء الله