أنا ماسك دموعي بالعافية !!!!

[inspiron]

لا حول ولا قوة الابالله
والله كان عربييتى اللى اتخبطت
معلش دى عين ولازم تدور على الكل
ماتزعلش على اى حاجة واهم حاجة انك سليم انتا واهلك
وربنا يصبرك وترجع زى الاول واحسن كمان
بس اهم حاجة الصدقة والقران واى حاجة تفدى بيها نفسك
وربنا يبدلك خير ان شاء الله
بس ممكن نعرف اللى حصل

متشكر جدا لمرور حضرتك..وأنا واقف في الإشارة.بوكس بتاع شرطة رجع بسرعته ودخل فيا

[Ahmed Galal]

لا يا باشا الحمدلله الخبطة موصلتش للريداتير خالص.ربنا يطمنك.

يبقا كده تمام و ما تقلقش بس نصيحة تانية العربية ما شاء الله جديدة و ينفع تتساق فالف من هايلعب بيها عند السمكرى و الدوكو فياريت لو تقدر تلزق لهم و تاخد اجازة يومين تخلص فيهم العربية هيا يوم سمكرة و يوم دهان و تبات معاك بدل البهدلة ده لو ما كانش السمكرى ثقة قوى قوى قوى لحد بكرة قول عليا موسوس او شكاك بس معلش انا حاطط نفسى مكانك و باشوف حركاتهم لاننى ساكن فى جسر السويس و قريب من الحرفيين و الورش حوليا فى كل مكان و باشوف الفرتكة بتاعت العربيات اللى بتبقا فى السمكرة و ينفع تتساق تلاقيهم ماشيين بيها و بيسوقوها بمنتهى الرعونة و ممكن يتزنقوا فى خامات و يبعتوا حد بيها ده طبعا ما يمنعش ان فيه ناس كويسة بس اضمن حاجة تبقا جمب عربيتك

[inspiron]

يبقا كده تمام و ما تقلقش بس نصيحة تانية العربية ما شاء الله جديدة و ينفع تتساق فالف من هايلعب بيها عند السمكرى و الدوكو فياريت لو تقدر تلزق لهم و تاخد اجازة يومين تخلص فيهم العربية هيا يوم سمكرة و يوم دهان و تبات معاك بدل البهدلة ده لو ما كانش السمكرى ثقة قوى قوى قوى لحد بكرة قول عليا موسوس او شكاك بس معلش انا حاطط نفسى مكانك و باشوف حركاتهم لاننى ساكن فى جسر السويس و قريب من الحرفيين و الورش حوليا فى كل مكان و باشوف الفرتكة بتاعت العربيات اللى بتبقا فى السمكرة و ينفع تتساق تلاقيهم ماشيين بيها و بيسوقوها بمنتهى الرعونة و ممكن يتزنقوا فى خامات و يبعتوا حد بيها ده طبعا ما يمنعش ان فيه ناس كويسة بس اضمن حاجة تبقا جمب عربيتك

عندك حق في كل الكلام..وعشان كده أنا قاعد علي إيده من بكرة إن شاء الله وأي حاجة مش عجباني مش هستلمها منه

[Ahmed Galal]

عندك حق في كل الكلام..وعشان كده أنا قاعد علي إيده من بكرة إن شاء الله وأي حاجة مش عجباني مش هستلمها منه

تمام كده ربنا يوفقك و تخلص الموضوع ده على خير و اهم حاجة العربية ما تبعدش عن حضنك و قلله انا واخدلك اجازة مخصوص و تروح بيها بيتك و ما تبيتهاش ان شا الله تكون بدون رفارف و كبوت حتى
انا يوم ما شديت عربيتى روحت بيها البيت من عند السمكرى بدون كشافات و لا مرايات حتى لاننى كنت فاككهم و قعد يقوللى بيتها هاتيجى الصبح تلاقيها خلصانة قلتله ابداااااااا تبات معايا

[mr_sameh]

دي عين جامده

[sahlamy]

اللهم اجره فى مصيبته ربنا يعوضك خير يا احمد وحمدالله على سلامتك قدر الله وما شاء فعل بس بالله عليك خليك حريص شويه فى سواقتك من خلال متابعتى لمداخلاتك ومواضيعك بحس انك من هواه الجري الكتير ربنا يعوض عليك ان شاء الله وعربيتك ترجع زى الفل

[Col. Eng. Khaled]

متشكر جدا يا باشا..

أنا جيبت الفانوس والشبكة.والسمكري عاين العربية و الإكصدام هيتصلح عادي و يرجع زي الأول.ونفس الكلام الكابوت والرفرف.وهيرش بوية ألماني.بتاعة التوكيل وهو قال الكبوت هيتعبه شوية لكن بإذن الله هيرجع لوضعه الطبيعي...بس ممكن حضرتك تقولي تقصد إيه بإن يكون اللي تحتها سليم...

أنا خايف جدا مترجعش زي الأول.بتمني من الله إنها ترجع زي الصورة الأولي بالظبط..حضرتك شايف إيه.علما بإن التكلفة الإجمالية 3800 جنيه فيهم 1200 جنيه مصنعية.الفلوس مش مشكلة العوض علي الله.بس تفتكر حضرتك العربية ترجع زي ما كانت.يا رب الرد يكون مطمئن من غير تطييب خاطر لأن أنا نفسيا ربنا يعلم بحالي.والحمد لله علي كل شئ.

قدّر الله و ما شاء فعل

العربية إللي في التقرير متكلفة سمكرة 1500 جنيه :-

تقرير مفصل عن حادثة كيا ريو 2009





تفتكر حضرتك العربية المقلوبة على جنبها دي آخد فيها كام سمكرة بس :-

[mohameduoser]

متشكر جدا.صعب يا باشا علي البارد.العربية حاليا عند السمكري..إسمه عمرو مطر.في جسر السويس.ورشته كبيرة وعنده بدل الصنايعي 10 وطلع صاحب والدي.قاللي متستعجلش فيها وإن شاء الله يرجعها زي الأول بالظبط وكأن محصلهاش حاجة.ربنا يسهل..أنا إشتريت الفانوس والشبكة من شوية..لله الأمر من قبل و من بعد.

ربنا يكرمك و انا سمعت ان عمر مطر شاطر اوى

[marawansabry]

اسال الله ان يجيرك في مصيبتك ويخلف عليك بخير منها .. وان شاء الله هترجع ذي الاول ادام السمكري شاطر وبستر ربنا طبعا .. انا اطلتشت خبطة ذي كدة بس من تحت شوية عن الهواية وغيرت فيها ريدياتير وسربنتينة تكييف غير تظبيط الحتة اللي من قدام في الشبكة وفوانيس الشبورة ودخلتي في حوالي 5000 جنية .. معليش قضاء اخف من قضاء وربنا يخلف عليك ..

[EngAhmedSayed]

يا راجل انا اتخضيض و الله العظيم اتخضيض دى حاجه بسيطه
اه و الله و احمد ربنا على كده انى انتا كويس و العربيه كويسه
دى حاجه بسيطه امال لما تشوف حوادث اعضاء تانيه
هتقول انا فى نعمه و دى مش حاجه
حمدلله على سلامتك

[محمد المصرى]

قدر الله وما شاء فعل

واساأل الله ان يخلفك خير منها

وان شاء الله ترجع احسن من الاول

[د.محمود صلاح]

لا حول ولا قوة إلا بالله ده انا لسه مبارك لك عليها مافيش يومين ..

معلش قدر الله وما شاء فعل .

[inspiron]

ربنا يكرمكم جميعا و يستجيب لدعائكم ليا..ويديم المعروف بينا..السمكري كلمني وقاللي الحمدلله العربية إستعدلت ورجعت لوضعها الطبيعي الحمد لله رب العالمين..بيقول الكبوت تعبه جدا لأن هندسته صعبة.وإن شاء الله هي داخلة فرن وهستلمها الساعة 6 ..

التكاليف :-

1- فانوس أمامي كامل -- 1800 جم.
2- شبكة أمامية كاملة -- 800 جم.
3- مصاريف سمكرة و دوكو -- 1200 جم.

الإجمالي 3800 جم..بس أنا قولتله يا عمرو مفيش حاجة باينة..رد وقاللي لو قدرت تعرف إنها إتخبطت يبقالك الكلام.

الحمد لله رب العالمين..أول ما أستلمها هصلي شكر لله وأرفعلكم صورها

[kareemafifi]

مبروك و ان شاء الله خير و يارب يكملها عليك دايما بالخير

[inspiron]

مبروك و ان شاء الله خير و يارب يكملها عليك دايما بالخير

ربنا يخليك يا كريم بيه.