حامل اكواب اوكتافيا ايه فور، و شاشة العدادات

[tot]

السلام عليكم انا عندى اوكتافيا ايه فور بس مافيهاش حامل اكواب، و مكتوب فى الكتالوج انه ممكن يبقى موجود او لا و مكانه جنب دارع فرامل اليد، هل ده بيتباع لوحده و فين و بكام، عشان انا دورت على حامل اكواب لقيت نوع واحد بيتعلق ف هواية التكييف و ممكن يكسرها طبعا
تانى حاجة انا عندى الشاشة باهتة جدا و مابتبانش الا بالليل فقط فى الشمس مابيبانش اى حاجة، قالولى الكهربا و كده بس لقيتها مظبوطة، مفيش حد ممكن يصلحها او يظبطها بدل ما اغير التابلوه كله

[mando_07]

هيا عربيتك موديل كام ؟
أصل أنا مرة ركبت a4 2004 كان فيها cup holder

[tot]

موديل 2006 مانيوال

[shiko85]

اعتقد حضرتك تقصد ده, انا نفسى اعرف بيتباع فيين
على النت بــ 50 يورو

[tot]

الله ينزر عليك يا باشا هو ده اللى فى الكتالوج، بس حضرتك اللى فوق ده مصوره فى عربيتك ولا من ع النت، قصدى يعنى هو المفروض بييجى ف العربية

[shiko85]

الله ينزر عليك يا باشا هو ده اللى فى الكتالوج، بس حضرتك اللى فوق ده مصوره فى عربيتك ولا من ع النت، قصدى يعنى هو المفروض بييجى ف العربية

لا الصوره من النت, العربيه للأسف بتيجى من غير حامل الأكواب ده

[solly1979]

انا عربيتى 2003 وفيها وعمرى مستعملته لانه محطوط فى مكان غلط اصلا قمه التهريج

[kareemafifi]

نفس الكلام يا استاذ solly انا عربيتي 2003 و مكانه وحش اوي و عمري ما استعملته الا نادرا اوي ، الشاشة يا جماعة محدس اتكلم عليها فعلا الصبح و طول النهار بتبقي وحشة جدا

[solly1979]

نفس الكلام يا استاذ solly انا عربيتي 2003 و مكانه وحش اوي و عمري ما استعملته الا نادرا اوي ، الشاشة يا جماعة محدس اتكلم عليها فعلا الصبح و طول النهار بتبقي وحشة جدا

موضوع الشاشه دة حصل معايا مرة العربيه كانت واقفه فى الشمس مباشرا على العدادات
جيت ادور نص الكلام كان طاير فيها بعد ماشغلت التكييف ومشيت شويه ظبطط الحمدلله
متهيئلى انها جاجه دقيقه جدا وراها

[tot]

بس انا عندى الشاشة بالنهار ضعيفة جدا و بالليل يا دوب تتقرى شوية، فى التوكيل قالولى تتغير، بس انا عايز اعرف فى حد يصلحها زى شاشات الموبايلات و اللبتوب و كده؟؟

[solly1979]

بس انا عندى الشاشة بالنهار ضعيفة جدا و بالليل يا دوب تتقرى شوية، فى التوكيل قالولى تتغير، بس انا عايز اعرف فى حد يصلحها زى شاشات الموبايلات و اللبتوب و كده؟؟

متهايئلى دة حاجه ليه علاقه بال connector الى وار الشاشه لانه بيكون ضعيف زى الى فى الموبيل طالما بيتلسع من الشمس زى محصل معايا قبل كدة
واكيد تصليحه هيبقى صعب اوى والله اعلم انا ممكن بكون بفتى
المهم يا باشا قلولك فى التوكيل هيتغير بكام وهيغيروا ايه ؟

[kareemafifi]

مش عارف و الله يا جماعة بس حتي لو اتغيرت و جبنا واحدة جديدة هيحصل نفس الكلام بردو بعد فترة اكيد ليها حل او يتحطلها عازل الله اعلم

[tot]

م
المهم يا باشا قلولك فى التوكيل هيتغير بكام وهيغيروا ايه ؟

قالولى فى حدود 5 الاف بس انا ماهتمتش انى اسال بالظبط

[bmibasem]

السلا عليكم ورحمته الله وبركاته
لى استفسار بخصوص حامل الاكواب
اولا هل ينفع يركب مع موديل 99 اوكتافيا اية فور
ثانيا لو ينفع يركب الواحد يشترية من اين ويا ترى سعرو كام
ثالثا هل عملى وهل هيسسبب مشاكل مع فرامل اليد او القنصولة اللى هتبقى فوقية
شكرا لاهتمامكم

[shiko85]

السلا عليكم ورحمته الله وبركاته
لى استفسار بخصوص حامل الاكواب
اولا هل ينفع يركب مع موديل 99 اوكتافيا اية فور
ثانيا لو ينفع يركب الواحد يشترية من اين ويا ترى سعرو كام
ثالثا هل عملى وهل هيسسبب مشاكل مع فرامل اليد او القنصولة اللى هتبقى فوقية
شكرا لاهتمامكم

هى الـ a4 موديل 99 كانت بتنزل بمسند (القنصول) ؟؟ معظم العربيات اللى شفتها كانت من غير المسند اصلا
على العموم بغض النظر عن وجود المسند او لا, لو عندك مكان بنفس الشكل دا يبقى عادى جدا الحامل هيتركب عادى
تشتريه من فين, هى دى المشكله محدش عارف بيتباع فين, انا شفته على النت بـ 50 يورو
ممكن تلاقيه فالحرفيين