قررت أبيع a4

[inspiron]

إن شاء الله قررت أبيع عربيتي الـ a4 وأجيب حاجة كويسة في نفس الكفاءة.وعاوز أخلص الموضوع في أسرع وقت عشان مش عاوز أبهدل الفانتازيا في مشاوير كتير.عاوز أعرف رأي حضراتكم في الآتي :

1- نيسان صني 1600 خليجي.
2- نيسان تيدا هاتش باك.
3- رينو ميجان 2006-2007
4-أوبل فيكترا 2001-2003 ( محتاجة مجهود في البحث )
5- سوبارو إمبريزا 2006

دي العربيات اللي أنا محتار بينهم..والعربية اللي عاوزها لازم يتوافر فيها الشروط الآتية :

1- إعتمادية عالية.
2- أمان عالي متضمن الثبات علي السرعات العالية وصاج كويس.
3- موتور قوي وتسارع كويس.
4-تكييف جيد و مش مقرف.
5- أعطال قليلة.
6- قطع غيار متوفرة وبأسعار معقولة.
7- وكيل محترم.
8- سعر إعادة بيع كويس و ماسك نفسه ( بقدر المستطاع )

يا ريت يا جماعة تقولوا رأيكم بكل صراحة وأعتبروني أخوكم الصغير وبياخد بنصائحكم. وياريت ذكر المميزات والعيوب.وشكرا

[ali.mahmoud]

طيب يا باشا لو هتبيع ال a4 هتبيعها على كام وهى موديل كام ؟

[omar-saad]

رايى وبدون تحيز
هات نيسان صنى او تيدا
لو ملقتش
يبقى اوبل فيكترا
ويسلام لو cdx
تبقى انت كدا فى الجون

[spider6666]

ايه يا مستر انسبايرون انت جيبت اخرك في العربية دي ولا ايه
ايه بس المشكلة اللي عندك وان شاء الله تتحل

[inspiron]

ايه يا مستر انسبايرون انت جيبت اخرك في العربية دي ولا ايه
ايه بس المشكلة اللي عندك وان شاء الله تتحل

مستر مجدي أخبار حضرتك إيه..العربية زي الفل يا باشا مفيهاش أي مشاكل.كل ما هنالك إني عاوز حاجة كيلو متر قليل و موديل حديث.لكن أنا عربيتي مفيهاش مشاكل والله و حالة نادرة. هي مواصفاتها :

1- موديل 1998 وفيها رخصة سنتين تقريبا.
2- عاملة بالظبط 128500 كيلو متر.
3- صيانة دورية.
4- كاوتش جديد كومهو سرعات,عفشة جديدة بالكااااامل, بطارية بوش ألماني,طقم دبرياج جديد.
5- منوال جميع الكماليات متضمنة فتحة السقف.
6- تكييف تلاجة.
7- جنوط إيطالي 16" PLATIN.
8- فابريقة بالكامل عدا الباب الأمامي يمين مرشوش ( مش باين أصلا بس الأمانة تقتضي إني أقول )لونها نبيتي.
9- حالة صالون ممتازة.
10- cleaning boiler ( عبارة عن غلاية بها منظف كيميائي تستخدم في غسيل الموتور من الداخل و حمايته,ودي بيتم تشغيلها من زر في التابلوه)
11- وظائف العربية الحمدلله شغالة بالكامل.
12- عدة صوت مكونة من كاسيت سي دي بايونيير 6060 ( قنبلة ) و سماعتين بايونيير 460 وات غير اللي في الأبواب مع 2 تويتر أصلي بتوع العربية.
13- عدة كوريك وإستبن أصلي كونتينينتال إستعملته لمدة ساعة فقط.

مش محتاجة أي مصاريف لأن من 10 أيام عملتلها الصيانة ( بوجيهات أصلية ngk - زيت فيسكو - سير دينامو - فلتر زيت - فيلتر بنزين - فيلتر هواء - تنظيف دورة المياه وإضافة مياه g12 ) ..

يعني بالعربي العربية مش محتاجة أي مصاريف و حالة نادرة فعلا.للإستفسار رقمي 0107702412

[szaalouk]

صباح الفل يا باشا ، زعلتني انك ناوي تبيع ال a4 لكن طبعا انت ادري باحتياجاتك .
انا رأيي الشخصي انك تبدأ بالصاني الخليجي او التيدا و لو ان السوبارو صاجها احسن و عربية اثبت من الكل علشان دفع رباعي مستمر لكن علي حد علمي سعر اعاده بيعها مش في قوه باقي الياباني و لو انها عربيه محترمه جدا .
و ابعد عن الأوبل لأن ليا معاها ذكريات مش لطيفه و خصوصا في موضوع السخونيه و التكييف .
و ما اقدرش اقول عن الرينو حاجه لأنني ما ليش معاها سوابق .
يا رب اكون افدتك و اسف علي الاطاله .
اخوك شريف .

[solly1979]

انا رأى الشخصى ان ال a4 الى مع حضرتك احسن من كل العربيات الى مكتوبه
مش عشان 98 يبقا لازم تغير لو العربيه كويسه معاك ومفهاش حاجه يبقا حرام تبيع
مش هتلاقى الثبات بتاعها
انا شايف ان ال a4 تكسب كل الانواع الى مكتوبه (دة رأى الشخصى)

[HISHAM80]

أنا شايف أن العربيه ألي معاك أحسن من كل ألي بتفكر فيهم

[ranon73]

والهى انا غلطت نفس غلطتك قبل كدة ونصيحة لوجة اللة اوعى اوعى اوعى اوعى تنزل من العربية الى معاك انا ندمت و رحت اشتريت بعد كدة اية 5 2008 / ب 135 و كنت بايع عربيتى a5/2007 ب 118 و لبست الفرق طبعا غير لمل تشترى عربية جديدة لازم تعمل لها شوية الصيانة بتاعتك علشان تنمشى مطمن

[inspiron]

متشكر جدا يا جماعة علي نصايحكم.وكده هراجع نفسي في قرار البيع..بس إيه رأيكم الأول في التيدا هاتشباك 2007 أوتوماتك؟

[spider6666]

- cleaning boiler ( عبارة عن غلاية بها منظف كيميائي تستخدم في غسيل الموتور من الداخل و حمايته,ودي بيتم تشغيلها من زر في التابلوه)
فين المفتاح ده يا انسبيرون انا اول مرة اعرف انه في مفتاح بيعمل كده
فين الزر اللي في التابلوه ده ؟

[inspiron]

- cleaning boiler ( عبارة عن غلاية بها منظف كيميائي تستخدم في غسيل الموتور من الداخل و حمايته,ودي بيتم تشغيلها من زر في التابلوه)
فين المفتاح ده يا انسبيرون انا اول مرة اعرف انه في مفتاح بيعمل كده
فين الزر اللي في التابلوه ده ؟

دي مش في أي عربية يا مستر مجدي..دي في عربيتي أنا بس والجهاز ده من برة و عندي كتالوجاته.

[modiabbas]

طب يا احمد بدل ما تركب حاجه مستعمله و متعرفش معمول فيها ايه مهما كشفت عليها ... و مممكن تكون اه 20000 او 30000 كيلو .... بس متعرفش كان استخداموا ليهم ازاى ...

فا ايه رأيك فى ال Gen 2

عربيه ثابته .. قطع غيار اعتقد محدش اشتكى منها .. موتورها جامد جدااااا ... و التعديل فيها بيبقى حاجه جامده جدااا ...

و تبقى راكب عربيه زيرووو انت اول واحد تركبها !!

[inspiron]

طب يا احمد بدل ما تركب حاجه مستعمله و متعرفش معمول فيها ايه مهما كشفت عليها ... و مممكن تكون اه 20000 او 30000 كيلو .... بس متعرفش كان استخداموا ليهم ازاى ...

فا ايه رأيك فى ال gen 2

عربيه ثابته .. قطع غيار اعتقد محدش اشتكى منها .. موتورها جامد جدااااا ... و التعديل فيها بيبقى حاجه جامده جدااا ...

و تبقى راكب عربيه زيرووو انت اول واحد تركبها !!

أنا معاك العربية حلوة جدا..بس أنا معنديش فكرة عن توكيلها و كمان سعر إعادة البيع. وكمان دخلت علي المنتدي بتاع العربية دي لقيت إن فيها مشاكل في نظام الفرامل.وواحد دخل بيها في ميكروباص وهو علي 40 و وش العربية باظ بسبب الفرامل.

[modiabbas]

أنا معاك العربية حلوة جدا..بس أنا معنديش فكرة عن توكيلها و كمان سعر إعادة البيع. وكمان دخلت علي المنتدي بتاع العربية دي لقيت إن فيها مشاكل في نظام الفرامل.وواحد دخل بيها في ميكروباص وهو علي 40 و وش العربية باظ بسبب الفرامل.

انا اول مره اسمع عن موضوع الفرامل ده ... بس اللى اسمعه عن ال GEN 2 انها بتكون انت و حظك عربيه و عربيه ... بس هى كعربيه احسن من اللى انت حاططهم فى المقارنه دوول الصراحه تتقال ...... و التوكيل مستعد نروح انا و انت نبص بصه هناك و نشوف الجو ايه