إرتفاع في الأسعار

[inspiron]

كنت في معرض في فيصل بنشوف عربية لخالي.وقالوا إن الأسعار هتغلي الشهر ده.وأول فئة في الفانتازيا ممكن توصل لـ 180000 جنيه.

[atawfik]

ازاى دا المفروض على كلام الحكومة ان الجمارك بتتخفض مش بتغلى
اااو احتمال علشان موديل 2011نازل يوم 15-8-2010 وبالرغم ان ما فيش تغيير فى اى حاجة على حد قول مندوب البيع
واللة البلد دى غريبة قوى

[Astra200]

بص الأسعار المفروض تنزل علشان في تخفيض في الجمارك علي الأوربي 4 % كل سنة لغاية ماتبقي زيرو %

بس أرتوك بيرفع مش بينزل --- سيبهه -- السوق حيفرض نفسه --- لأن لوالسعر فرق جامد -- يبقي اسهلك تروح دبي و لا التشيك وتستورد العربية بنفسك --- لو انت ماعملتش غيرك حيعمل --- فممكن الأسعار تزيد مرحليا --- لو الناس واصلت الأقبال حيحافظ علي السعر ويزوده كمان -- لو الناس انصرفت وراحت لشركات تانية محترمة -- ممكن السعر يتظبط --- السعر بقرب من الجيتا والباسات وال بي أم

[ahmedyehia515]

ما هو المصيبة ان السعر ابتدى يقرب من الجيتا و البى ام بدون أى إضافات تذكر لا فى العربية و لا الأمكانيات و لا حتى كفاءة التوكيل

[_medo]

فعلا الاشاعه دي انتشرت جدااا حتى اسعار المستعمل زادت بسببها بس انا سمعت ان السعر زاد فعلا 3 ألاف يعني دلوقتي اول فئه ب 170000

[bayoumisoft]

دى مش اشاعة فعلا الاسعار زادت رسمى ,
ممكن اية حد يسال اية معرض دلوقتى ها يلاقى الاسعار زادت

[elza3em13]

fakeeeeeeeeeeeees de esha3a ya rays w kaman hayb2a fe ta5feed 3la 2010

[inspiron]

fakeeeeeeeeeeeees de esha3a ya rays w kaman hayb2a fe ta5feed 3la 2010

أولا ممتوع الفرانكو في المنتدي.ثانيا يعني إيه فاكس..لا مش فاكس.أول فئة في معرض إسمه الخيال موتورز في شارع أحمد كامل بـ 170000 والتخفيض اللي بتقول عليه في 2010 هو ده اللي فاكس فعلا.لأن الجمارك هتزيد بنسبة 9% علي كل السيارات وده نقلا عن موقع كونتاكت كار ومصراوي وفالبلد.وجرنال أهرام الجمعة الخاص بالسيارات.يبقي فين الفكس هنا.رمضان كريم

[ahmedyehia515]

أولا ممتوع الفرانكو في المنتدي.ثانيا يعني إيه فاكس..لا مش فاكس.أول فئة في معرض إسمه الخيال موتورز في شارع أحمد كامل بـ 170000 والتخفيض اللي بتقول عليه في 2010 هو ده اللي فاكس فعلا.لأن الجمارك هتزيد بنسبة 9% علي كل السيارات وده نقلا عن موقع كونتاكت كار ومصراوي وفالبلد.وجرنال أهرام الجمعة الخاص بالسيارات.يبقي فين الفكس هنا.رمضان كريم

طب انا كده فعلاً اتلغبطت يعنى قانوناً المفروض الجمارك بتقل كل سنة 4% و الكلام ده اتقال فى المنتدى هنا قبل كده فالمفروض اسعار العربيات تقل او على الأقل تفضل ثابتة بس حضرتك بتقول ان الجمارك هتزيد 9% يعنى لو شلنا ال4% يبقى هتزيد 5% فى عين الحسود

انا اللى محيرنى انى قريت الخبرين ، خبر الإلغاء التدريجى للجمارك و بعدين خبر زيادة الجمارك

يعنى المختصر المفيد انو اللى عايز عربية ، يحوش الفلوس و يجيب حاجة تانية اضمن

[atawfik]

انا سئلت أمبارح فى أرتك أوتو الأسعار الرسمية زى ما هى ومفيش معلومات عن 2011 لحد دلوقتى ولما سئلت اذا كان فى عروض على موديل 2010بمناسبة سهر رمضان قالى لما تروح اقرب فرع ليك ممكن تتعرف على العروض
أنا ليا وجهة نظر فى موضوع الأسعار وممكن جدا اكون غلطان بس هقول رأىى انا شايف ان ممكن المعارض تطلع اشاعات عن زيادة الأسعار للتخلص من أستوك 2010خصوصا الخليجى فلما العميل يسمع أن ممكن يحصل زيادة وخصوصا العميل اللى مستنى 2011 هيقوم يلحق يشترى 2010قبل الزيادة وبكدة يكون المعرض قدر يخلص اللى عندة
أو فى حاجة تانية لما المعرض يكون عندة كمية كبيرة بيقوم لما يجيلة عميل ويفضل يفاصل فى السعر فبيضطر انة يتساهل مع العميل لكن لما بيكون معندوش كمية كبيرة من نوع معين بيبقى مش مضطر انة ينزل كتير فى السعر خصوصا فى ظل وجود اشاعات بزيادة الأسعار
وانا بما انى لسة ما أشترتش وكنت مستنى 2011علشان لو فكرت بعد كدة انى ابيع يبقى سعر أعادة البيع كويس
بتمنى ان رأىي يكون صح ولكن بعد أحساسى بثقة الأستاذ أحمد اللى بثق جدا فى كلامة بدعى ان ربنا يستر وما يحصلش زيادة والا هضطر انى استنى لما اكمل الفلوس تانى
وبردة دة رأىى الشخصى اللى اكيد مش هيكون زى رأى ولا خبرة الأخوة الأفاضل اللى فى المنتدى

[atawfik]

على فكرة يا جماعة كلامكم طلع مظبوط انا كلمت الفرع بتاع العجوزة وسئلت عن الأسعار قالولى أن مفيش حاليا موديل 2010 لكن جارى حجز 2011 والتسليم بعد أسبوعين أما بالنسبة للسعر فمبدئيا الحجز بيكون على أساس زيادة فى السعر ما بين 2000الى 3000ألاف زيادة والسبب التضارب فيما يخص خضوع ال9%الخاصة بخدمات ما بعد البيع للضريبة يعنى بمنتهى البساطة اى جنية وزارة المالية هتحملة للوكيل أتوماتيك هيتحملة المشترى
المهم ان الحجز بيكون ب5000جنية على الأقل وخلال الأسبوعين هتكون الرؤية وضحت يعنى على سبيل التحديد كنت بسئل على الهاى لين اللى مجهزة jps قالى أنت هتحجز على أساس أنها ب211 ألف ولما نتاكد من موضوع الضريبة هنقولك هتحاسب على كام يعنى من 2000الى 3000او 4000 زيادة
المهم بصراحة أنى اتاكدت من رؤية وبعد نظر الأخوة الأعضاء اللى نصحونى بصفة شخصية انى ما استناش وأشترى لكن لقلة الخبرة ما اخدتش برأيهم لظنى اننا فى بلد بتمشى بمعايير منطقية وثابتة
ما علينا لكن دلوقتى السؤال اللى بيطرح نفسة هل أدفع 211الف وأجيب هاى لين 2011 ولا أجيب عرض فولكس فاجن باسات 2010الفئة الأولى أتوماتك (عليها عرض 211ألف)
أرجو من الأخوة الأعضاء اللى مش هراجع أو أتردد فى تنفيذ مشورتهم بعد كدة أنهم يفيدونى ويقولولى ايهما أفضل
فانتازيا 2011 هاى لين أو باسات 2010الفئة الأولى الأتوماتك لانهم نفس السعر وفى الحقيقة أنا معرفش أية الفرق بينهم فى الأوبشن او الأساسيات الا ان الباسات موتورها 1400تربو والفتيس
أسف وأعتذر عن الاطالة وأرجو المشورة والنصيحة
وبجد منتهى الشكر على النصائح السابقة والواحد مبيتعلمش ببلاش

[adventurer]

صديقى العزيز اشترى اوكتافيا هاى لاين خليجى ووفر عشرين الف جنيه وخد كماليات اكتر من الوكيل وجوده اعلى والفلوس اللى هتوفرها ابقى صلح بيها ياسيدى لو طلع حظك وحش والعربيه طلع فيها عيب ولو ان ده صعب اما الباسات التربو انا ليا راى فى موضوع التربو فى مصر لا يصلح بسبب اعتماده على رومان بلى كتير وده بيبوظ بسرعه بسبب جو مصر المترب واعتماده على بنزين اوكتان عالى 95 وده مكلف ومش متوفر كتير خارج القاهره وتقبل تحياتى وسارع بالشراء

[wawamoha]

باشا انا ما اعرفش الباسات ظروفها ايه ؟

بس الاوكتافيا ايه فايف اعتماديه كتير و تصليحها ظصيانتها سهلة و مش مكلفه ابداااا
ربنا معاك

[MahgoubMohamed]

اولا كل سنة و انتم طيبين
ثانيا الاسعار فعلا زادت انا لسه شاري فانتازيا 2010 الاسبوع اللي فات خليجي كاملة (فتحة سقف جنط 17 .........) اغلى من سعرها 4000 جنيه و السبب 9 % الزيادة

[maea]

اولا كل سنة و انتم طيبين
ثانيا الاسعار فعلا زادت انا لسه شاري فانتازيا 2010 الاسبوع اللي فات خليجي كاملة (فتحة سقف جنط 17 .........) اغلى من سعرها 4000 جنيه و السبب 9 % الزيادة

السلام عليكم ودي ان شاء الله جبتها بكام وهل 2011 نزل ولا لسة