كومبرسور الاوكتافيا a5

[ezzeldin]

السلام عليكم ورحمه الله وبركاته وكل عام وانتم بخير بمناسبه شهر رمضان المعظم اعاده الله علينا باليمن والبركات الاخوه الافاضل عربيتي اوكتافيا a5 اتوماتيك2005 ستبترونك تحتاج كمبرسور تكييف رجاء لو حد عنده معلومات عن سعره ومكان تركيبه بالاسكندريه جديد او استعمال عند حد مضمون واناسمعت ممكن تركيب بتاع المرسيدس عيون وتعديل بسيط بالقاعده رجاء الافاده وشكرا مقدما

[inspiron]

أولا حضرتك متزعلش لأن ده كان عيب موجود في موديلات 2005-2006 وتم علاجه بداية من 2007.

ثانيا حضرتك ممكن تكلم أبو الحسن موزع معتمد لقطع غيار أوكتافيا وتسأله علي سعر الكمبريسور جديد.

ثالثا حضرتك ممكن تطلع علي الحرفيين و تجيب واحد إستيراد وده في رأيي مش هيفرق عن الجديد وبأقل من نصف الثمن.

رابعا للأسف معنديش فكرة عن إمكانية تركيب الكمبريسور الخاص بالمرسيدس ولكن لا أنصح باللعب في العربية.

تقبل مروري.

[eng.m7md.ali]

من الواضح ان حضرتك من اسكندرية لاني كنت هقولك اسأل في الحرفيين بس على العموم انا ان شاء الله هكون هناك في الحرفيين بعد الفطار فاممكن اسأل على سعرو استراد لو تحب

[tameraast]

و انت طيب يا باشا

رأى مدام هتعدل يبقى ركب كمبروسير يابانى بس تروح عند حد عارف بيعمل ايه

[badshakhan]

انا جيبتة من الحرفيين استيراد بـ 1400 جنية وحالتة كويسة جدا وشغال معايا زي الفل

والجديد سألت عليه فى التوكيل كان عامل 5500 جديد طبعًا

[ezzeldin]

شكرا جزيلا لجميع الاخوه علي الاهتمام وانا فعلا ناوي اجيب واحد من الحرفيين استعمال