لمبة الزيت منوره على طول

[sherif_m72]

عربيه a4 99 لمبة الزيت منوره باستمرار حتى بعد تغيير الزيت والكشف على الاسلاك والدواير برضه لسه بتعاند
ياترى ممكن يكون العيب فى مكنه الزيت ولا يكون ايه ولو المكنه هيه اللى بايظه تبقى بكام ومنين
بسررررررعه ارجوكووووواا

[sherif_m72]

نسيت اقول ان العربيه كانت مركونه قبل الموضوع ده حوالى شهر متحركتش من مكانها وبعد كده حصلت الحكايه دى

[inspiron]

إما يكون العيب في طلمبة الزيت., أو لخبطة كمبيوتر.الأفضل إنك تكشف عليها كمبيوتر.لو مطلعش error يبقي طلمبة الزيت.

[sherif_m72]

إما يكون العيب في طلمبة الزيت., أو لخبطة كمبيوتر.الأفضل إنك تكشف عليها كمبيوتر.لو مطلعش error يبقي طلمبة الزيت.

يعنى ممكن امشى بيها لغايه الكشف ولا اسيبها مكانها ؟

[inspiron]

يعنى ممكن امشى بيها لغايه الكشف ولا اسيبها مكانها ؟

راجع الزيت لو مش بينقص إمشي بيها عادي.

[ahmedyehia515]

بص هوا لمبو الزيت معناها انو ضغط الزيت قليل بغض النظر عن مستواه الفعلى، و عشان اللمبة ده تنور فى احتمال من اتنين لا ثالث لهما

1- الضغط فعلاً قليل و فى مشكلة فى مكنه الزيت

2- حساس الضغط اللى فى صدر الموتور قدام المروحة فى مشكلة يعنى يا الحساس مش شغال و عشان كده مدى قرايه غلط يا الحساس شغال بس مش واصله كهربا صح و عشان كده برده مدى إشارة غلط.

نصيحتى بلاش تمشى بيها كتير لحد ما تتأكد و وديها لكهربائى فاهم فى الa4 , و بالمناسبة المشكلة جه حصلتلى و طلع العيب فى الحساس ذات نفسه و بعد كام شهر كانت المبة بتنور ساعات و بتطفى ساعات و طلع العيب فى السلك اللى داخل للحساس.

و ان شاء الله خير

[sherif_m72]

1 و طلع العيب فى السلك اللى داخل للحساس.

و ان شاء الله خير

هو فعلا طلع العيب من السلك
ومتشكر جدا لاهتمامك

[ahmedyehia515]

هو فعلا طلع العيب من السلك
ومتشكر جدا لاهتمامك

الشكر لله و الحمد لله ان الموضوع طلع بسيط