سؤال لأهل سكودا a4 ??? ارجو الافادة السريعة

[kareemafifi]

لما بدوس فرامل مرة واحدة بتعمل صوت زي تحجيرة كده و خصوصا من ناحية اليمين هل ده من ال abs علما بأن التهدية بالفرامل عادي مش بيطلع الصوت ده ؟؟؟؟ تفتكروا يكون من ايه و بردو انا لسة مغير الرولمان بلي من اسبوع يعني المفروض يكون تمام فيكون الصوت ده من ايه ال abs فعلا ؟؟؟؟

[John_Samy_1]

لو بتحس برعشة في دواسة الفرامل تبقي الabs فعلا ومفيش أي مشاكل. لو حضرتك عندك لمبة abs بتنور أول ماتدور العربية وتطفي بعد كام ثانية كده. و تقريبا هتلقيها اشتغلت مع التحجيرة ورعشة الفرامل المفاجأة, يبقي ده طبيعي. بس اللي معرفوش اسمعنى الصوت بتسمعه من النحية اليمين بس (المفروض تسمعه من الأرْبع عجلات). بس لو مفيش لمبة abs ديه يبقى إنت مش عندك abs وتبقي مشكلة حاجة تانية.

[kareemafifi]

لا عندي اللمبة ال abs عشان كده بسأل يا باشا و التحجيرة ديه لو فرملت بقوة فجأة مش أكتر ولا اقل لاكن لما اهدي مفيش مشكلة عادي خالص

[John_Samy_1]

ده يبقي الAbs الطبيعي مفيش أي مشاكل. المهم كمان إن حضرتك بتحس إن العربية بتقف مش بتزحف أو الفرامل ضعيفة

[kareemafifi]

اه لا بتقف مش بتزحف الله يطمن قلبك ياباشا لاحسن التحجيرة ديه مشتلي دماغي اوي