حادث بسيط

[hmadacompaq]

قدر الله ماشاء فعل عملت حادث بسيط بسيارتى فانتازيا وحدث تلفيات فى الاكصدام مش جامده بس ظاهره وبجد شكلها بايخ

المهم انا عامل تأمين شامل عليها ب 5 الاف جنيه فى السنه ورحت عملت محضر فى الشرطه ومعاينه

ايه اللى هايتم هل فى التأمين هايغيرولى الاكصدام والشبكه الاماميه اللى فيها علامة الاسكودا ولا ايه نظرا ان الحاجتين دول حدث فيهم تلفيات

ولا هايودولى العربيه لورشه اى كلام تصلحها ياريت حد يفيدنى

[kimocyc]

حمد لله ع السلامة وقدر الله وما شاء فعل...

متابع +111111111111

[dodlyboy]

يا راجل دة انا كنت عامل تأمين على عربيتي الاولى لانسر 2006 و بدفع 3000 في السنة و لما عملت حادثة جامدة فيها تغيير عفشة و حاجات كتير ادام وديتها التوكيل غير كل حاجة و عطاني القديم الي ينفع يشتغل و معاملة منتهى الرقي و التحضر...انت بتدفع 5000 و مش عايز يصلحولك العربية ؟!!!! متقلقش انشاءالله العربية هتتصلح و فوقيها بوسة و شوب كابوتشينو كمان يا عم و في التوكيل و مترضاش بأقل من التوكيل عشان انت مش بتدفع ورق جرايد كل سنة...... و حمدلله على سلامتك

[hmadacompaq]

طب يعنى اروح على التوكيل على طول ولا ايه وهل هادفع حاجه ولو نسبه يعنى من المبلغ كله ولا ايه

[dodlyboy]

لا يا باشا انت لو عندك حاجة في العفشة التأمين هيدفعك حاجة اسمها نسبة استهلاك و بيحسوبها هما باة معاك مش عارف كام انما اي حوادث صاج او فوانيس مش بتدفع ولا جنيه الا تقريبا 300 جنيه او 150 جنيه ليها اسم كدة مبلغ ثابت و روح التأمين و اسأل عادي

[hmadacompaq]

طب فى الحاله دى بيتم تغير الاجصدام ولا يتصلح اصل بصراحه العربيه ماعداش عليها شهر وحرام يرشلى الصاج بعد مايعدلها

[dodlyboy]

طبعا بيتغير...مفيش تأمين او توكيل بيصلح يا باشا