مشكلة التكييف في اوكتافيا a4 اوتوماتيك..ارجو المساعدة

[spider6666]

اخواني عندي مشكلة وعاوز اعرف الحل ليها ايه او اي حد يقولي اروح لمين يحل المشكلة دي
بدا الموضوع من حوالي شهرين عندما بدا التكييف في عدم التبريد وذهبت الى متخصص التكييف في مدينة نصر وقام بالكشف على العربية وامتشف انه الكويل بايظ وبيسرب ويحتاج الى تغيير وبعد م اجيبت واحد جديد كشف تاني وقالي انه الاكسبنشن محتاج تغيير لانه بيسرب فغيرته برضه (الاكسبنشن هوه جهاز بيركب فيه مواسير التكييف من الناحية اليمنى في السيارة ولونه ذهبي وراكب فيه المواسير) المهم التكييف اشتغل وزي الفل اول الروم لحد ما روحت البيت وتاني يوم الصبح باشغل التكييف مفيش ولا نقطة تبريد مجرد هوا فقط..رحتله تاني كشف على التكييف بجهاز الضغط وقالي العربية محتفظة بالغاز بتاعها غيرلي الاكسبنشن رحت وغيرته وجيبت واحد تاني وركبته وروحت البيت ونفس المشكلة تاني يوم مفيش تبريد كلمته وزعقت معاه قالي تعاله اشوفهالك....انا والله قرفت من الموضوع ده...حد عنده حل للموضوع ده يقولي عليه..لاني جيبت اخري منه وصرفت كتير قوي عليه ومفيش فايدة ..ايه ممكن تكون المشكلة او اروح لمين متخصص في تكييف الاوكتافيا a4يحلهالي..واحد قالي ممكن يكون في حاجة اسمها "الكليتش" انها مش بتستجيب وان مش عارف ايه الكليتش ده ارجو الرد سريعا وشكرا

[ahmedyehia515]

الكلاتش متهيألى هوا اللى مسئول ينقل الحركة بين الموتور و بين كومبروسور التكييف. يعنى سير التكييف دايماً بيلف مع الموتور بس مش دايماً متوصل بالكمبريسور و الكلاتش هوا اللى بيوصل الحركة. بالظبط زى الدبرياج ( كلاتش بالإنجليزى يعنى دبرياج) لو الدبرياج بايظ الموتور هيدور بس مش هيتقل حركة للكوتشات.

نظرياً لو الشحن مظبوط و العربية مش بتسرب فريون يبقى اكشف على الكلاتش بتاع الكومبريسور لأن العيب ممكن يكون فيه أو فى الكومبريسور ذات نفسه