قطع الغيار الالمانى ولا التشيكى الاصلى لاوكتافيا a4

[solly1979]

السلام عليكم
انا ناوى اجيب شوية حاجات فى العفشه وطنابير امامى وخلفى
كلمت كل من الهاشميه وفتح الباب
فى فرق كبير فى سعر كل واحد الهاشميه عنده اصلى وفتح الباب عندة المانى بس وبصراحه ارخص بكتير
مثلا 2 بطاحه اماى عند الهاشميه 200 وعند فتح الباب 150
2جلب مقصات الهاشميه 170 وفتح الباب 100
طنابير امامى 700 اصلى وعند فتح الباب 450 اسبانى و 500 المانى
طنابير خلفى 650 اصلى وعند فتح الباب 550 ايطالى
تيل خلفى 550 اصلى وعند فتح الباب 250 اسبانى

طبعا الفرق رهييييييييب انا محتار اشترى من اييين ؟؟؟؟
وهل الى عن فتح الباب الالمانى دة حلو انا بصراحه عمرى مشتريت منه حاجه بجيب من الهاشميه دايما ؟

[mohameduoser]

الهاشميه حاجاتة اصلى و نضيف لكن الالمانى و الايطالى بتكون ساعات مضروبة

[zico2009]

الهاشميه حاجاتة اصلى و نضيف لكن الالمانى و الايطالى بتكون ساعات مضروبة

+11111111111111111111
فاتح الباب بيستغل الجهل وبيبيع صيني وعمر ما يقول انه صيني طالع عفريت اسمه تركي انا بتعامل مع ابو الحسن في بين السرايات
ولكن الهاشمية ده فين ونوصله ازاي وهل عنده قطع غيار فليشيا وياريت رقم التليفون والعنوان اكون شاكر جدا

[KHALED AYMAN]

هات زى الى نازل فيها بالظبط لو "متاكد" انه فعلا زى الى فيها

[kareemafifi]

سيبك من اللي يقولك الماني و الهبل بتاع الناس ديه عشان ديه ناس جشعة ما تاخدش حاجة الا لو محفور فيها انها سكودا او فولكس او اودي بسسسس مش شرط الماني او تشيكي لان العربية ديه معظمها تجميع انا رايي وقف العربية كام يوم و خليه يفك حاجة حاجة و جيب زيها بالظبط هتتعب شوية بس تشتري راحة بالك ، انا كنت قايلك اني جبت رولمان بلي لو تفتكر من فترة فرطت علي طول مع انها الماني فمن فضلك تريث و ما تشتريش اي حاجة لاننا بلد الفتايين

[solly1979]

متشكرين يا شباب على الردود الجميله
ان شاء الله هجيب الاصلى من الهاشميه
انا لسه اصلا مركب جلب مقصات من سنه بالظبط (عامل بيها 25 الف) كانت زفت المانى بردة مش اصلى
وفى نفس التوقيت مغير بارات علبة دركسيون زفت المانى بردة وكل الكلام دة عايز يتغير دلوقتى
اكيد مش كل 25 الف هغير بارات وجلب

[mazenossama]

متشكرين يا شباب على الردود الجميله
ان شاء الله هجيب الاصلى من الهاشميه
انا لسه اصلا مركب جلب مقصات من سنه بالظبط (عامل بيها 25 الف) كانت زفت المانى بردة مش اصلى
وفى نفس التوقيت مغير بارات علبة دركسيون زفت المانى بردة وكل الكلام دة عايز يتغير دلوقتى
اكيد مش كل 25 الف هغير بارات وجلب

محل قطع الغيار الهاشمية ده فين وعنده قطع غيار فليشيا ولا لا

[adel_2346]

فتح الباب معظم قطع الغيار الى عنده ماركه topranفرنساوى وشغاله مش وحشه

[ahelsheemy]

إذا تريد قطع غيار فليشيا يوجد فى شارع دمشق قطع غيار اولاد حسين امام محطة بنزين شل و اسعاره ممتازه جدا و قطع أصليه و معامله محترمه جدا

[AhMeD MeTwAlY]

الاصلي يا بشمهندسين مفيش بعده بيكون غالي بس معمر ده لو هتبقي علي العربيه
لو هتبيع ركب صيني الفئه 3 ولبس للي بعدك علي طول

[solly1979]

الاصلي يا بشمهندسين مفيش بعده بيكون غالي بس معمر ده لو هتبقي علي العربيه
لو هتبيع ركب صيني الفئه 3 ولبس للي بعدك علي طول

متشكرين يا باشا انا جبت الاصلى من الهاشميه
بس اكيد لو هبيع هسيبها زى مهى مش هركب حاجه والى يخدها يبقا يظبتها
اركبله حاجه صينى وبعدها يدعى عليا مينفعش اسيبها احسن