غيرت الزيت وحولت لزيت تخليقي

[ahmedmagdy2]

السلام عليكم ده اول موضوع ليا في المنتدى المحترم والجامد جداااااا ده وانا استفدت منه كتير قوي وعرفت حاجات كتير انا عندي اوكتافيا a4 موديل 2005 كان فيها زيت معدني شيل من التوكيل بس مشيت عليه كتير قوي هوه بيتغير كل 10000 عملت بيه 15 او 16 الف فالعربيه صوت الماتور علي بغباوه والسحب قل سنه وصوت الطلعه مقولكوش سواااااد قريت هنا ان الزيت التخليقي احسن قلت اجرب قلبت اسكندريه هنا على فلااااااااش للزيت لا حد يعرفه ولا حد عندوا وملقيتش حتى في عزبة سعد غير واحد وبيبيع الصيني طلعت على سموحه البنزينه اللي في الدوران بعد كنتاكي لقيت عندها الامريكي ب 25 جنيه بس شكل العلبه نظيف قولت خلاص وطلعت جبت الفلتر الاصلي من عند هريسه لقطع الغيار ورحت كار جاس قعد يحكيلي ده ايه ومنين والحكايه والروايه وقالي حط فيسكو 3000 وغيروا وكده قلتلوا لا حط الفلاش وحطلي فيسكو 5000 مره واحده اه فرق سعر خراااااااااااااااااافي 220 بدل 115 بس احسن وفك الكساحه والطبه والفلتر وغير وطلع العربيه غسلها ونفض الفلاتر والتراب اللي في الكبوت وقلب العربيه والتكييف خرجت من عندهم بشغل العربيه والتكييف ولا كأن العربيه دايره ولا حتى الار بي ام بيعلى زي الاول مع التكييف ولا حاجه قلت اجرب السحب طلعت وجبت اول وتاني كنت جايب في حدود 95 او 93 على التاني لا بجد زيت بيفرق اتمنى مكونش طولت بس بجد الزيت ده في اوله تحفه رينا يستر بعدين وان شاء الله متجدد وحقولوكوا على اللي حيحصل

[inspiron]

زيت فيسكو 5000 ممتاز بلا شك وعن تجربة هو أفضل زيت موجود في الوقت الحالي علي الإطلاق.

[doc_semsem]

طب اجيبوا منين فى مصر؟؟؟
هو بيتغير كل اد ايه؟

[solly1979]

فيسكو 5000 بيعد 15 او 20 الف بس خليك فى 15
انا لسه حاطه فى a4 2003 من كام شهر انا كنت بحت شيل الترا تخليقى بس كان بيطير بعد 4 او 5 الاف لانى بدوس على العربيه شويه
انا عامل حاليا 6 الاف وبس للاسف انا عندى العربيه بتاكل زيت فهغير ل فيسيكو 3000 لان العربيه عامله عندى 150 الف كفايه زيت تخليقى بقا لازم زيت تقيل شويه
بس انا حاسس ان التبخر بتاعه احست بكتير من شيل
انا خليت جوز اختى يحت فيسيكو 3000 فى عربيه افيو 2007 و ماشاء الله معاة 6 الاف زى الفل
وانا بنفسى شفت لون الزيت فى العربيه بعد 6 الاف لسه ذهبى زى ماهو

[ahmedmagdy2]

انا النهارده الحمد لله غيرت البوجيهات وركبت الاصليه من عند هريسه عند ميكانيكي معرفه هنا البوجيهات اللي كانت موجود دي الاصليه اللي مع العربيه اول مره اغيرها من ساعة ما جبت العربيه اول ما غيرتها طبعا الميكانيكي عقبال ما وصل للبوجيهات وفك وقفل قعد 3 ساعات عقبال ما يخلص وطلعنا جربناها البوجيهات الجديده ngk الاصليه ياباني العربيه بعد الزيت والبوجيهات ما شاء الله طلقه لمسه من البنزين طياره طلعت جربتها وحرقنا جامد على العربيه علشان نجرب وصلنا لسرعة 150 على الغيار الرابع وكان الrpm حوال 6100 تقريبا مدخلش في الاحمر كمان بصراحه العربيه فاقت قووووووووي قووووووي وحبقى احط صورة البوجيهات القديمه معايا محروقه بطريقه خرافيه بقالها 5 سنين كتر خيرها 78000 كيلو بس بأمانه الزيت شكلو جامد العربيه السحب طلقه والصوت ولا البي ام ولا الهوا حتى مع التكييف مع تغيير فلتر التكييف الدنيا تلج عندي جوه