في مصيبه عملتها وخايف لاتكون مصيبه سودا

[ahmedmagdy2]

انا كنت مسافر وفاتح على 180 وفجأه لقيت دخان ابيض كأن العربيه بتولع وقفت وطفيت العربيه وبصيت تحتها لقيتها من الاكصدام القدماني لحد الشنطه فوق كلها زيت ومش عارف منين قلبت الكبوت ملقيتش حاجه قلت يمكن من التشحيم اللي عملتوا قبلها بيومين فالحاج والدي قالي كمل وكملت وجريت لقيتها بتجري قلت خلاص مفيهاش حاجه لما وصلت حطيت ايدي وبشم الزيت لقيت المصيبه زيت الجريبوكس قلت الجيربوكس راح رحت لميكانيكي قالي غطا الجيربوكس اللي من الجنب مش موجود (يوم اسود) وكنت شايف الحاجات اللي جوه المهم ملقيناش غطا قالي مفيش غير حل واحد نخرطه قلت امري لله جاب واحد بتاع مخرطه وعملهولي المصيبه مش في كده دي كلها تهون وشغال الغطا فل الفل المصيبه في زيت الجيربوكس حطيت اللي هوه اسو ده وناس كتير دلوقتي قالتلي غلط ولازم انزله اعمل ايه الحقوني انا خايف الجيربوكس يروح بلاااااااااش

[haroun707]

ممكن حضرتك توضحلى ايه الغلط فى كده ؟؟؟


الزيت اللى حضرتك حطيته ده مش وحش بالعكس
بس فى استفسار حضرتك حتيط ال 90 ولا ال 140

لو حضرتك معندكش صوت فى الجيربوكس يبقى ال 90 تمام عليه جداً

لو بعد اللى حصل ده فى صوت ونه او حاجة زى ده يبقى احسن تحط ال 140

واوعى اوعى تسمع كلام ناس ويحطولك شحم مع الزيت لان ده حيدمر الفتيس

[power]

معلش بس ايه نوع العربيه والفتيس

[ahmedmagdy2]

هوه العربيه اوكتافيا a4 موديل 2005 انا حطيت اسو مش عارف انهي نوع بس اخد اربع جراكن كيلو اطن الواحده على ما اتذكر ب 36 جنيه مش عارف 90 والا 140 اللي بتقول عليهم

[solly1979]

هوه العربيه اوكتافيا a4 موديل 2005 انا حطيت اسو مش عارف انهي نوع بس اخد اربع جراكن كيلو اطن الواحده على ما اتذكر ب 36 جنيه مش عارف 90 والا 140 اللي بتقول عليهم

العربيه لو اوتو يبقا مينفعش دة الاصلى ب 150 جنيه التر الاصلى وبتاخد 4 لتر
لو مانويل انا بصراحه معرفش الزيت بتاعها الى بيتحط فيها

[ahmedmagdy2]

هيه مانيوال

[mando_07]

هوه العربيه اوكتافيا a4 موديل 2005 انا حطيت اسو مش عارف انهي نوع بس اخد اربع جراكن كيلو اطن الواحده على ما اتذكر ب 36 جنيه مش عارف 90 والا 140 اللي بتقول عليهم

العربية a\t ولا m\t ؟

[harizy]

باشا المشكلة مش فى الزيت دلوقت المشكلة من وجهة نظرى إزاى الغطاء ده وقع، ومين السبب فى ده.

دى حاجة الحاجة الثانية إنك تسأل فى التوكيل وتريح نفسك الزيت المناسب لنوع الفتيس بتاعك سواء مانيو أو أوتوماتك، وبناء عليه تحدد.

أخيراً أنصحك بالكشف عن الفتيس لأن واضح من كلامك إنك مشيت مسافة كبيرة بدون زيت ودى حاجة مش كويسة طبعاً فحتى جربها بالراحة ولو وجدت أصوات مش مريحة فمتسكتش وربنا يستر طريقنا جميعاَ.

[ahmedmagdy2]

يا رب يستر طريقنا انا لحد دلوقتي مش عارف وقع ازاي وازاي العربيه اساسا الكمبيوتر ما اداش انذار مش عارف انا مشيت حوالي 120 كيلو كده من غير زيت لا بس الحمد لله مفيش اصوات ولا حاجه والفتيس شغال هوه في عضه في الاول كده بس لما بتكون العربيه ماشيه واجي اجيب الاول علشان متبقاش بتكركر ساعات بتعاكس والفتيس مانيوال جمس سرعات ومارشيدير سسته واول للي بيسأل