إعـــــــلان

Collapse

.

,
See more
See less

صيانه 10,000 فانتازيا ( تجربه سيئه مع أرتوك)

Collapse
X
 
  • Filter
  • الوقت
  • Show
Clear All
new posts

  • صيانه 10,000 فانتازيا ( تجربه سيئه مع أرتوك)

    السلام عليكم و رحمه الله وبركاته


    النهارده للاسف كنت فى أرتوك غمره بعمل صيانه الـ10,000 للفانتازيا ودى بقى الحكايه من أولها
    أنا كنت على باب التوكيل على الساعه 10 كده و بعدها بربع ساعه جالى المهندس فقولتلته جاى اعمل صيانه و فى شويه حاجات بشتكى منها
    - لمبه التابلوه فى الفانوس اليمين محروقه
    - فيه صوت تكتكه بيطلع كده من الدريكسيون إلى كنت اتكلمت عليه فى موضوع قبل كده


    المهم العربيه دخلت الورشه بعدها بنص الساعه (التوكيل كان زحمه بطريقه بشعه)
    انا طلعت الاستراحه فضلت قاعد الساعه جات12 نزلت قالوا لسه
    بقت 1 قالوا العمال واخدين راحه لحد 1 ونص قولت ماشى جات 2 ولسه برضو مافيش حاجه فعلى 2 و نص كده بقى جبت اخرى ودخلت لمدير الورشه وقولت له فدخل جوه الورشه و 3 دقايق ولقيته طالع بالعربيه
    فدخلت اشوف العربيه فبدور لاقيتهم مغيروش اللمبه المحروقه فناديت المهندس و قولتله فجه فك الفانوس وطلع اللمبه ودخل الورشه و رجع قالى اللمبه دى مش موجوده عندنا

    تخيلوا توكيل مفيهوش قطع غيار

    بيقولى ان فيه نوعين للمبه دى نوع ازرق إلى بينور اصفر فاتح والنوع التانى شفاف كده بينور نور اصفر بس اصفر معفن اوى و بيقولى انا معنديش الزرقا دى و بكل تناحه لاقيته بيدينى اللمبه و يقولى اطلع شوفها فى المحلات إلى بره ده انا ساعتها اتنرفزت منه بس مسكت نفسى و قولت امرى لله علشان اخلص و امشى على طول طلعت ملقيتش اللمبه دى فى حته فدخلت لمدير الورشه تانى وقولتله و برضو رده كان سخييف و يقولى مش مشكله ابقى دور عليها ولما تلاقيها هاتها نركبهالك !!!!!!!!!(رد اسخف من إلى قبله)

    فقولتله اقفل الفانوس و مش عاوز اللمبه تولع

    جيت على الموضوع التانى بتاع صوت التكتكه إلى بيطلع من الدريكسيون فسألته بيقولى انا مسمعتوش فمقدرش اعملك فيه حاجه و معاها ابتسامه صفرا وبيقول انه حطها على الكمبيوتر و ملاقش فيه Errorو من هنا لهنا و كلام و برضو إلى فدماغه فى دماغه !!!!!
    دخلت الخزنه و دفعت 378 جنيه بتوع الصيانه واستلمت العربيه و مشيت عمال اشتم فى ده توكيل


    انا بقى عاوز اعرف منين اجيب اللمبه إلى انا عاوزها دى لو حد يقدر يساعدنى وهى اللمبه إلى الرمش بتاع الفانوس اليمين و هى بتنور ابيض ( او اصفر فاتح اوى ) و هى لون الزجاج بتاعها ازرق


    تقبلوا تحياتى و ربنا ما يوعدكوا بتوكيل و مهندسين سخيفه

  • #2
    علي فكرة ارتوك اوتو بقي توكيل زبالة جدا وبيستعبط وميستحقش عربية محترمة زي الاسكودا احنا لازم كلنا نكتب فيه شكوي ده استهبال رسمي

    يعني ايه توكيل عربية مغرقة السوق معندوش لمبة ايه الاستهبال ده
    [CENTER][SIGPIC][/SIGPIC]
    [/CENTER]
    [CENTER][SIZE="5"][B][COLOR=blue]Hear The Song Of Power[/COLOR][/B][/SIZE][/CENTER]

    Comment


    • #3
      إسمحلي حضرتك كده غلطان.لأن أنا لو مكانك هجيب عليها واطيها وأخليهم يغيروا اللمبة دي علي حسابهم.ولو وصلت لحماية مستهلك كمان ( معلش أنا في الحاجات دي مخي بيزرجن )

      Comment


      • #4
        انا موضوع اللمبه ده حصل معايا ساعه صيانه ال 20.000 و كانت لمبه الفرامل و خرجت جبتها من بره و ركبوها همااا عادى جدا ..

        و حضرتك روحت الساعه 10 و ده متأخر نسبيا ... انا بروح 9 ببقى 11 فى بيتناااا ( ساكن فى الهرم ) ... بس واقعياا

        ممكن نديله 7 من 10
        و انا المفروض هعمل صيانه ال 30.000 خلال يومين و هعملكوا تقريرر
        [mtohg=#ff0000]https://fbcdn-sphotos-g-a.akamaihd.net/hphotos-ak-snc6/205347_10150903499579227_1587588698_n.jpg[/mtohg]

        Comment


        • #5
          المشاركة الأصلية كتبت بواسطة inspiron مشاهدة المشاركة
          إسمحلي حضرتك كده غلطان.لأن أنا لو مكانك هجيب عليها واطيها وأخليهم يغيروا اللمبة دي علي حسابهم.ولو وصلت لحماية مستهلك كمان ( معلش أنا في الحاجات دي مخي بيزرجن )
          ما انا لو عملت كده هيروح مركبى اللمبه الصفرا العاديه ام زجاج شفاف مش الازرق و دى فيها فرق كبير وان فى ساعتها كلمت والدى و قولت له فقال انه هيرجعلهم و يقدم فيها شكوى و مش هيسيبهم فى حالهم
          المشاركة الأصلية كتبت بواسطة modiabbas مشاهدة المشاركة
          انا موضوع اللمبه ده حصل معايا ساعه صيانه ال 20.000 و كانت لمبه الفرامل و خرجت جبتها من بره و ركبوها همااا عادى جدا ..

          و حضرتك روحت الساعه 10 و ده متأخر نسبيا ... انا بروح 9 ببقى 11 فى بيتناااا ( ساكن فى الهرم ) ... بس واقعياا

          ممكن نديله 7 من 10 و انا المفروض هعمل صيانه ال 30.000 خلال يومين و هعملكوا تقريرر
          طب ولو قولتلك ان فيه كذا عربيات داخله من 9 كانت واقفه و طالعه معايا !!!!
          والحاجات إلى فيها متخدش ربع ساعه يعنى واحده كانت صيانه 10,000 برضو والتانيه ترصيص و ظبط زوايا

          Comment


          • #6
            معاش سؤال انا مستغربله اوى
            ليه اللمض بتتغير على 10 و 20 الف كيلو ؟؟ يعنى ايه لمبة زرقا المقصود زينون و لا عادى؟

            Comment


            • #7
              حسبى الله ونعم الوكيل

              الواضح ان كل التوكيلات زى بعض
              [shfaf2]http://www.nilemotors.net/Nile/signaturepics/sigpic41131_3.gif[/shfaf2]

              Comment


              • #8
                السلام عليكم
                بلفعل دا بقى مركز صيانه فاشل جدا
                بس دى تجربتى فى العبور
                رحتلهم عشان العربيه مش بتسحب وبتعدى ال80 كيلو بلعافيه
                المهم رحتلهم بعد نص ساعه عقبال محد عبرنى
                قلتله على المشكله قالى اركب وتعالى نبجرب العربيه المهم اف العربيه مش راضيه تعدى ال80 المهم قالى اركب على حنب وافتح الكبوت فك فيشه وركبها تانى
                تعالى نجرب المهم العربيه جابت 100 كيلو لاننا كنا فى منزل وطلعنا على التوكيل تانى وقالى العربيه كدة زى الفل وسابنى ومشى كانه كان بيكلم
                ................ بجد اسوء مركز صيانه شوفته فى حياتى

                Comment


                • #9
                  المشاركة الأصلية كتبت بواسطة som3aa مشاهدة المشاركة
                  معاش سؤال انا مستغربله اوى
                  ليه اللمض بتتغير على 10 و 20 الف كيلو ؟؟ يعنى ايه لمبة زرقا المقصود زينون و لا عادى؟
                  لا يا باشا انا خارج بيها من المعرض لمبه الفرامل شمال محروقه و سيبتها 20.000 كيلو قال ايه عشان العين و العربيه طالع عين ابوها خدوش حاليا
                  [mtohg=#ff0000]https://fbcdn-sphotos-g-a.akamaihd.net/hphotos-ak-snc6/205347_10150903499579227_1587588698_n.jpg[/mtohg]

                  Comment


                  • #10
                    المشاركة الأصلية كتبت بواسطة som3aa مشاهدة المشاركة
                    معاش سؤال انا مستغربله اوى
                    ليه اللمض بتتغير على 10 و 20 الف كيلو ؟؟ يعنى ايه لمبة زرقا المقصود زينون و لا عادى؟
                    اللمبه اتحرقت بعد ما جت ب 4 أيام ( عين بقى والحمد الله انها جت فى اللمبه و الكاوتش اياميها)

                    وبالنسبه للمبه الزرقا المحروقه مش الزينون ...دى اللمبه الصغيره إلى فى الرمش بتاع الفانوس فوق إلى بتنور مع التابلوه و هى الزجاج بتاعها لونه ازرق لكنها بتنور ابيض عادى

                    Comment

                    Working...
                    X