هل الاسكودا هاتفشل في مصر

[KHALED AYMAN]

عربيات العصر اليابانى والكورى وغير كدة قفل والاروبى كان ياما كان

يا ترى اليابانى الى هو التويوتا الى فتيسها بايظ ؟؟
ولا الكورى الى بيفك من بعضه بعد سنتين ؟؟
وفعلا لما تبقى عربيه واسعه و ثابته و فخمه و امانها عالى و معمره وعفشه محترمه و كماليات و رفاهيه و اعلى تكنولوجى ..نقول عليها كان يا مكان ...
واحكى يا شهرزاد

[mido_919]

سؤال ..
لو عمر سير معين فى العربيه 60 الف كم
كشيت انت 100 كم والسير قطع ..
نقول عيب صناعه ؟؟ ولا عيب اهمال ؟؟

زيت الفتيس لازم يتغير على 60 الف كم ...
الناس عامله فيها عبده الناصح ..يمشى و يهرس ويعجن ..
والفتيس يبوظ
يقولك عربيه وحشه و بتجيب فتيس ...
سؤال واتحدى بيه اى حد
فى اوكتافيا a5 ظهر فيها عيب فتيس قبل 70 الف كم ؟؟
بالنسبه لل a4 مركبتهاش و مليش خبره فيها ومش هفتى

+111111111111111111111111111111111111111111

[inspiron]

يا ترى اليابانى الى هو التويوتا الى فتيسها بايظ ؟؟
ولا الكورى الى بيفك من بعضه بعد سنتين ؟؟
وفعلا لما تبقى عربيه واسعه و ثابته و فخمه و امانها عالى و معمره وعفشه محترمه و كماليات و رفاهيه و اعلى تكنولوجى ..نقول عليها كان يا مكان ...
واحكى يا شهرزاد

هههههههههه..جاااااامد

[hamdy]

الفتيش زي ما سمعت من بعض الناس اللي معاهم اسكودا فيس المنتدي ان الناس مش بتغير زيت الفتيش وبتهمل فيه
انما العربية لا غبار عليها بالعكس انا في رايي ان العربية دي مينفعشي تتجاب الا اوتو

[MahgoubMohamed]

ياباشا لو انت منتظم و متابع الصيانات الدورية للعربية عمر ماتظهر معاك اي مشاكل لا في الفتيس و لا في اي جزء في العربية ,العربية دي انتاج شركة سكودا و دي شركة من 11 شركة في اكبر مجموعة في اوروبا و المجموعة دي اسمها فولكس فاجن

[kareemafifi]

و الله انا ماعارف مين اللي بيطلع السمعة السيئة علي العربية ديه فعلا ناس مش بتفهم ( مع الاعتذار) اي حاجة في الدنيا بتبوظ بسبب الاهمال و اشمعني احنا دون عن العلم كله بنشتكي من الاوتوماتيك عشان كله بيحسبها بالفلوس و تكلفة التغيير كام و الكلام المتخلف ده ،باشا انا سبق و رديت عليك و قولتلك راعي صيانتها هتديلك خيرها و بس

[rompo8]

شكرا يا جماعه علي الرد وانا ان شاء الله هاخلص فيها خلاص والله المستعان وهاغير الزيت في معاده ولو حصل حاجه هاولع في العربيه وفي نفسي وفي المنتدي وشكرا مره تانيه

[inspiron]

شكرا يا جماعه علي الرد وانا ان شاء الله هاخلص فيها خلاص والله المستعان وهاغير الزيت في معاده ولو حصل حاجه هاولع في العربيه وفي نفسي وفي المنتدي وشكرا مره تانيه

صلي بس علي النبي.بالراحة ومش عاوزك تزعل..

كل ما في الأمر إن الإشاعات علي العربية كترت بشكل ساذج ومثير للأعصاب. عشان كل الإشاعات دي لا تمت بأي صلة بالعربية دي. خلص في العربية اللي قدامك بعد صلاة الإستخارة وإن شاء الله هتيجي تعمل موضوع تمدح العربية فيه وتدافع عنها ضد الإشاعات المغرضة دي.

الله , الوطن , فانتازيا

[KHALED AYMAN]

شكرا يا جماعه علي الرد وانا ان شاء الله هاخلص فيها خلاص والله المستعان وهاغير الزيت في معاده ولو حصل حاجه هاولع في العربيه وفي نفسي وفي المنتدي وشكرا مره تانيه

يا ريت بس قبل ما تولع فى المنتدى ..قولى بس قبلها حتى بخمس دقايق عشان الحق اهرب ..انا مش ناقص ولعه و التوقيع يشهد

[omar-saad]

انا مش عارف يعنى هية الناس مابتصدق جنازة وتشبع فيها لطم
انا وبعترف ركبت عربيتين يابانى
باذن الله لو كان فى عمر لما احب اغير ياوكتافيا يا جيتا
ولو كانت اوبل موجودة وتوكيلها كويس ماكنتش هاتردد لحظة فى انى اجيبها
لان اللى ماركبش المانى ماركبش عربيات

[modiabbas]

شكرا يا جماعه علي الرد وانا ان شاء الله هاخلص فيها خلاص والله المستعان وهاغير الزيت في معاده ولو حصل حاجه هاولع في العربيه وفي نفسي وفي المنتدي وشكرا مره تانيه

بخاف من النار

[rompo8]

انا هاولع في نفسي الاول يعني مش هالحق اولع في المنتدي وان شاء الله هاخلص فيها بس مفيش حد قالي سعرها هي موديل 2003 اوتوماتيك

[modiabbas]

من 70 لى 75 حسب الحاله

اتمنى نشوفك تانى و متولعش فى نفسك

[sonystar]

بالتوفيق فى الشراء

بس عندى سوال هية العربية دى مش بيبوظ فيها غير فتيس يعنى كل حاجة فيها 100 فى 100

ومين قال اللى الفتيس بتعاها بيوظ

دا سوال وياريت يكون رد سريع

[modiabbas]

بالتوفيق فى الشراء

بس عندى سوال هية العربية دى مش بيبوظ فيها غير فتيس يعنى كل حاجة فيها 100 فى 100

ومين قال اللى الفتيس بتعاها بيوظ

دا سوال وياريت يكون رد سريع

الفتيس بيبوظ من الاهمال ... لازم زيت الفتيس يتغير عند 60.000 كيلو ......... و العربيه ما شاء الله 100 100
و معتقدش حد حصله اى مشاكل معاها .