حراااااااااااااام هو انا لحقت

[rompo10]

انا لسه جايب سكودا a4 من اربع ايام وفجاه كمبيوتر تاعربيه انهارده كتب cheak cool ant ولمبه الحراره الحمرا بقت تنور وتطفي والعربيه ماشيه عادي خالص ومفيش اي حاجه ومشغل التكيف والغريبه ان عداد الحراره علي 90 او اقل ومش حاسس باي حاجه في العربيه وشويه ودا كله راح وطفي وكمان العربيه من اول من جبتها وكل ما ادور الكمبيوتر يكتب service now مش عارف بقي دي مشكله ولا ايه وياريت الرد بسرعه عشان لو العربيه هاتقرفني هارجعها لصاحبها

[shiko85]

A4 ؟؟
مشتريها مستعمله يعنى
cheak coolant يعنى زود المياه الحمرا
service now دى عادى, يعنى محتاج تعمل صيانه شوف انت عداد العربيه عامل كام الف و تروح تعمل الصيانه

[rompo10]

ايوه ياباشا موديل 2003 وايه الميه الحمرا دي مكان الخضرا

[kareemafifi]

باشا ديه عادي جدا مياه حمرا مكان المياه الخضرا و ديه للسكودا و الفولكس بس و اسمها g12 ديه بتتغير من السنة للسنة بس و السيرفيس ديه هتلاقيها محتاجة زيت موتور بس ما تقلقش من فضلك و كل شيء تمام و براحة كده كل ده عادي

[amroebraheem]

انا لسه جايب سكودا a4 من اربع ايام وفجاه كمبيوتر تاعربيه انهارده كتب cheak cool ant ولمبه الحراره الحمرا بقت تنور وتطفي والعربيه ماشيه عادي خالص ومفيش اي حاجه ومشغل التكيف والغريبه ان عداد الحراره علي 90 او اقل ومش حاسس باي حاجه في العربيه وشويه ودا كله راح وطفي وكمان العربيه من اول من جبتها وكل ما ادور الكمبيوتر يكتب service now مش عارف بقي دي مشكله ولا ايه وياريت الرد بسرعه عشان لو العربيه هاتقرفني هارجعها لصاحبها

اتصل بالمهندس خالد اسماعيل اخصائى الاسكودا بتاع توكيل ارتوك اوتو واللى ورشته فى الحى العاشر مدينة نصر واستفسر منه على اى حاجة تخص الاسكودا بجميع انواعها وهو راجل محترم هيفيدك بالمفيد ورقم تليفونه 0102970564

[solly1979]

كل الكلام دة عادى مافهوش حاجه
service now ممكن تكون العربيه عامله الصيانه بس مدخلتش على كمبيوتر علشام تصفير عداد الصيانه

باشا سؤال خارج الموضوع جبت العربيه بكام وحالتها ايه
انا معايا اختها 2003 وعايز اعرف رينج السوق كام دلوقتى
وربنا يبركلك فيها انشاءالله

[spider6666]

يا جماعة اللي عاوز حل لمشكلة البلو بلف ده في واحد في مدينة نصر اسمه مهندس ايمن الصاوي الراجل ده كان بيشتغل في توكيل سكودا ارتوك اوتو وفتح هناك في زهراء مدينة نصر عند مخازن السلاب وبيحل المشاكل بتاعة العربيات a4-a5 fantazia-fabia
الراجل ده مهندس و دارس كويس جدا وفاهم قوي قوي وعنده برامج عاللاب توب لحل مشاكل كل العربيات وبيصلح المشاكل التقيلة من النوع التقيل قوي كمان في العربيات المعقة زي الa5 - fantazia كمان وعموما دي نمرة تليفونه 0105247179
..والله العظيم كان عندي مشكلة في العربية مش عارف احلها بقالي سنتين حلهالي في ساعة زمن وبقت تمام والحمد لله

[A.Saad]

الاول مبرووووووووووووووووك
التانى
انت كشفت عليها ازاى
الثالث
العربية عاملة كام الف كيلو
الرابع
قيس الزيت ومستوى المياة وبالمرة كل السوائل عندك
الخامس
المفروض تعمل تغيير للفلاتر والسيور علشان نضمنها
السادس
فين الحاجة الساقعة بتاعتى
السابع
الى لقاء فى مشاركة تانية على خير ان شاء الله \

[amroebraheem]

من فضلك لا تتردد فى الذهاب للمهندس خالد اسماعيل بتاع توكيل اسكودا وورشته فى مدينة نصر-الحى العاشر-مدينة الواحة اللى فى الداخلة اللى بعد بنزينة موبيل يمين وتسيب اول شارع يمين بعد كده وتدخل من تانى شارع يمين والورشة اسمها اسكودا سنتر ورقم تليفونه هو 0102970564

[amroebraheem]

كل الكلام دة عادى مافهوش حاجه
service now ممكن تكون العربيه عامله الصيانه بس مدخلتش على كمبيوتر علشام تصفير عداد الصيانه

باشا سؤال خارج الموضوع جبت العربيه بكام وحالتها ايه
انا معايا اختها 2003 وعايز اعرف رينج السوق كام دلوقتى
وربنا يبركلك فيها انشاءالله

الاخ الفاضل Solly1979 سألت المهندس خالد اسماعيل على القصة دى وقالى ان كلام حضرتك صحيح مية فى المية .جزاك الله خيرا اخونا الفاضل

[rompo10]

ياجماعه انا متشكر جدا علي الاهتمام انا غيرت ميه حمرا للعربيه وبقت تمام الحمد الله وهي عامله 130000 الف وصاحبها معرفه جامد وقالي لسه عاملها طقم اصلاح كامل وانا غيرت زيت الفتيس وفلتر فتيس ب 500 جنيه وكله تمام وبالنسبه للسعر صاحبها كان مزنوق شويه وخلصتها علي 65000 دفعت 55 وباقي 10 علي 3 شهور والعربيه تمام ورشه رفرف شمال كان مخبوط منه بس اساسيات سليمه وانا كشفت عليها في التوكيل عشان الحساسات والحاجات دي وربنا يسترها

[abd_el_7amid]

ربنا يباركلك فيها

[amroebraheem]

ربنا يمليهالك بركة اخى الفاضل ويجعلها فاتحة خير عليك

[solly1979]

الاخ الفاضل solly1979 سألت المهندس خالد اسماعيل على القصة دى وقالى ان كلام حضرتك صحيح مية فى المية .جزاك الله خيرا اخونا الفاضل

يا باشا على ايه مافيش اى حاجه
هى العربيه مانويل ؟ علشان 65 دة سعر قليل قوى على 2003
وربنا يبركلك فيها

[rompo10]

عارف انه قليل بس صاحبها كان محتاج فلوس عشان بيتجوز عقبال عندكم يعني السعر دا كويس ماانضحكش عليا