غيرت طرمبة البنزين بدون فايدة

[ayman20100]

السلام عليكم ورحمة الله
انا كان عندي مشكله في فليشيا 95 وهيه انها بتتاخر فى الدوارة الصبح ولازم اكارك لها بنزين شوية وافضل دايس بنزين اول ما تشتغل وبالبحث هنا فى المنتدى لقيت الاراء كلها بتجمع انها مشكلة طلبمة بنزين قولت خلاص اتوكل على الله واغيرها خصوصا انه البطارية ما فيهاش مشكلة والمارش بيشتغل عادي معادي المشكلة فى البنزين وللاسف لسه مغيرها يوم الخميس وركنتها الخميس والجمعة وجيت الصبح ادور برضه نفس المشكلة شغاله للعلم برضه انا من فترة بشتكلي من سحب العربية وغلبت فى الموضوع ده على الاخر ومش عارف من ايه خصوصا اني مغير اسطوانة دبرياج وبلية دبريجا جداد رجاء الافادة ايه سبب تاخير التشغيل صباحاً ؟؟؟

[mr_sameh]

انا كان عندي مشكلة زيك بالظبط وكمان غيرت طرمبة البنزين وطلعت المشكلة في كتاوت الطرمبة

[ayman20100]

انا كان عندي مشكلة زيك بالظبط وكمان غيرت طرمبة البنزين وطلعت المشكلة في كتاوت الطرمبة

اولاً شكراً لرد حضرتك
ثانياً : كتاوت الطرمبة حلها ايه لازم تتغير ولو اتغيرت هتكلفنى كام وجزاك الله خيراً

[hamahomo]

انا كان عندي نفس المشكلة بس في الفيفوريت واعتقد عربيتك برضة كربراتير وناس قلتلي طلمبة بنزين وطلع في الاخر ان الكربراتير عايز يتسلك ولسة مستلم العربية امبارح بعد تسليك الكربراتير وجيت ادورها النهارة بعد 24 ساعة من الاستلام الحمد لله وما شا الله دارت من اول تكة

[mohamed_e36]

برضه كان عندي نفس الحوار وفعلا طلع كربراتير
في الغالب هو كربراتير

[mr_sameh]

اولاً شكراً لرد حضرتك
ثانياً : كتاوت الطرمبة حلها ايه لازم تتغير ولو اتغيرت هتكلفنى كام وجزاك الله خيراً

مش هتكلف اكتر من عشرين جنية بس انا الموتور عندي انجكشن والطرمبة راكبة في التنك

[samehabc1]

بص يا برنس انا معايا سكودا 95 المشكلة دية تنحصر بين ضبط الاسبراتير و ضبط الكربراتير فقط
اما بالنسبة لطلمبة البنزين امتى نقول انها غير صالحة لما تلقيها مطلعه زيت من الفايز بتعها او زيت بين جسم الموتور و طلمبة البنزين