خبراء الاسكودا

[zakihacker]

بسم الله الرحمن الرحيم
اخوانى الكرام انا كنت عايز اسالكم كنت عايز اجيب حته سكودا اوكتافيا 2006 او 2007 كنت عايز اعرف هى بتعمل كام فى السعر وهل هى بتبقى فنتازيا ولا الفنتازيا دى بتبدا من موديل كام وياريت الاسعار وانزل اتفرج فين علشان اشوف قبل الشراء

[الصيداح]

لأ 2006 و2007 مش فانتازيا
الفانتازيا بدايتها أعتقد 2009
أما ما تريد فأعتقد أنهa5

[zakihacker]

الفشكر ياباشا على التوضيح طيب ياجماعه ياريت حد يوضحلنا العربيه بكام واتفرج فين والامكانيات والعربيه ايه نظامها

[zakihacker]

وبيقولوا ابعد عن ال 2006 علشان الكومبروسور

[الصيداح]

أنا قرأت عن كل تساؤلاتك هنا في المنتدى من ملاك الأوكتافيا بس الحقيقة مش فاكر أي تفاصيل
متقلقش هيرد عليك ملاكها وهيفيدوك بإذن الله لكن صبر جميل

[riko8888]

واضح انك عايز اوكتافيا a5 ودى مقدرش افتى فيها لو حضرتك عايز a4 ياريت توضح يمكن اقدر افيدك

[zakihacker]

والله ياجماعه انا كنت ناوى على حته اوبل لقيت اخوانا الى هناك جابونى على هنا ونصحونى بالاوكتافيا بس المشكله انى انا مش عارف ومحتار لانى هجيبها تفضل ملزمانى باذن الله بس فى الاول وفى الاخر انا بقول ان العربيات كلها زى بعضها المشكله فى الطرق الى عندنا والصنيعيه هههه

[KHALED AYMAN]

ازيك يا باشا ؟؟
مش حضرتك الى كنت بتسال على الفيكترا و الاوكتافيا ؟؟
اعتقد ان انا من الناس الى بعتتك على هنا ..هههههههه
زى ما قلتلك هناك انا معرفش سعر الاوكتافيا ...
وفعلا ابعد عن 2006 عشان الكمبريسور ...واتاكد ان العربيه مغيره زيت فتيس عند 60 الف كم (متصدقش غير لما تشوف فاتوره بتاع التوكيل لان كله بيستخسر يغيره لانه ب 700 جنيه)
ومعلش طلب صغير ...
لو لقيت حد عارف الاسعار ...
اعرفلى سعر العربيه دى
اوكتافيا a5 موديل 2008 كامله خليجى ...فتحه سقف و زينون وحساسات و بخاخات و فرش جلد و مثبت سرعه و كاركيت و حساسات خلفيه و حساس ضوء و مطر ..وزينون و جنط 16 ماشيه 75 الف كم فابريكه بالكامل ....تعمل كام ؟؟ ونفس العربيه دى راشه باالكامل برا و جوا ..تعمل كام ؟؟
ولو حد من الرجاله هنا يعرف يا ريت يقولى

[zakihacker]

خالد باشا حبيب قلبى اخبارك ايه الموضوع هناك كان جامد اوى هههههه بس ياله بقى الله يرحم المنتدى ياعم انت قلتلى لو كنت جيت من 3 شهور كانت ب 88 ده كانت بطلع فى الروح دى ولا ايه ههههههه المهم انا بردوا عايز اجيب واحده بس عايز واحده بس مانيوال مش عارف ايه دنيتها هتبقى عامله ازاى واسعارها ياريت الناس الى عندها علم

[KHALED AYMAN]

خالد باشا حبيب قلبى اخبارك ايه الموضوع هناك كان جامد اوى هههههه بس ياله بقى الله يرحم المنتدى ياعم انت قلتلى لو كنت جيت من 3 شهور كانت ب 88 ده كانت بطلع فى الروح دى ولا ايه ههههههه المهم انا بردوا عايز اجيب واحده بس عايز واحده بس مانيوال مش عارف ايه دنيتها هتبقى عامله ازاى واسعارها ياريت الناس الى عندها علم

هههههههه لا انا قلتلك ب 60 الف بس ...ما هى الى فى التوقيع دى زيرووووووو
المهم ..
المانيوال قليل اوى ...ولما تلاقى عربيه ...ممكن (غالبا) حالتها مش هتعجبك ...
وهتكون طبعا لفييييييييت كتيييييييييييييير على ما تلاقى المانيوال دى اصلا ...
فأنت ركز على الاوتو ...ولو وقع فى سكتك حاجه مانيوال بص عليها بردو

[zakihacker]

وقعت قلبى ياشيخ الحمد له انها مطلعتش الى فى التوقيع ههههههههه
الحمد لله انك طلعت بخير ياباشا
انا والله بدور على حاجه تبدا من 2007 بيقولوا جميله جدا وتكون مانيوال لانك قلتلى ابعد عن 2006 علشان الكومبروسور فامشعارف اعمل ايه والله المهم انها تبقى مانيوال لان كل الدنيا بتقولى بلاش اوتو ماتيك

[tamerfawzi]

لو سمحتولي سوال مهم رجاء الرد
ايه الفرق بين المانيوال c والمانبيوالb
في الفانتازيا والسعر وشكرا

[KHALED AYMAN]

وقعت قلبى ياشيخ الحمد له انها مطلعتش الى فى التوقيع ههههههههه
الحمد لله انك طلعت بخير ياباشا
انا والله بدور على حاجه تبدا من 2007 بيقولوا جميله جدا وتكون مانيوال لانك قلتلى ابعد عن 2006 علشان الكومبروسور فامشعارف اعمل ايه والله المهم انها تبقى مانيوال لان كل الدنيا بتقولى بلاش اوتو ماتيك

الله يكرمك يا باشا ....
موضوع الاوتوماتيك زى ما قلتلك ...
لو العربيه غيرت الزيت على 60 الف كم مفيش اى مشكله هتحصل ....لو الزيت متغيرش ...احتمال كبير جداااااا و شبه اكيد الفلفات بتاع الفتيس تبوظ ...

[zakihacker]

والله ياباشا ربنا يكرمنى باذن الله بحته حلوة كده a5 وسعرها يكون مستريح باذن الله انا نزلت المنصوره لقيتها مليانه سكودا ياجدعان انا بقول انزل اخد جوله فى السوق بتاع مدينه نصر ولا ايه ظروفه عايز اعرف الف فين وادور فين ياريت ؟؟؟؟

[KHALED AYMAN]

والله ياباشا ربنا يكرمنى باذن الله بحته حلوة كده a5 وسعرها يكون مستريح باذن الله انا نزلت المنصوره لقيتها مليانه سكودا ياجدعان انا بقول انزل اخد جوله فى السوق بتاع مدينه نصر ولا ايه ظروفه عايز اعرف الف فين وادور فين ياريت ؟؟؟؟

كده تنزل المنصوره و متقوليش ؟؟ ده انا تلت ساعه كنت هبقى عندك ...
انا النهارده شوفت واحده لونها سماوى معروضه فى معرض ...شكلها نضيف اوى ما شاء الله ..
بكره هعدى اشوفلك ظروفها ايه ..وارد عليك ..