امبير السرعه اوكتافيا 98

[hossfo]

السلام عليكم

انا معايا اوكتافيا 98 وانا بطلع مطب العربيه بطلت منى بعد ما دورت تانى فجاة لاقيت امبير السرعه واقف ع 0 ومش شغال والعداد كمان وقف ع اخر كيلو متر بطلت العربيه ورجعت شغلتها ومافيش اى تغيير ايه الحل

وعاوز اعرف تكلفه عمل السرفيس للسيارة من سيور وبيجوهات وفلات وشكرااااا

[rompo10]

شوف فيشه العداد لو كهرباء والتكلفه تقريبا 300 جنيه

[hossfo]

اشكرك ع الرد

بس فين مكان الفيشه بالظبط وتفاصيل اسعار السرفيس

[solly1979]

شوف فيشه العداد لو كهرباء والتكلفه تقريبا 300 جنيه

يا باشا معلش هو ايه الى 300 جنيه اكيد مش سرفيس

ثمن القطع الاصليه كالاتى
1- سير كاتينه 180
2- بوجيهات 3 شمعه 80 او 160 هما نوعين
3- فلتر هوا 75 او 120 الاصلى
4- فلتر زيت 45
5- فلتر بنزين متهيئلى 60
7- تيل امامى 375
8- تيل خلفى قباقيب 550

المصنعيه تتراوح من 150 - 200 على حسب الحاجات المتغيرة

[hossfo]

الله يطمنك
والفيشة بتاعة الامبير مكنها فين

[amroebraheem]

السلام عليكم ورحمة الله وبركاته اخىhossfo
اولا:مكان الفيشة على الفتيس
ثانيا:كلام الاخsolly1979 صحيح 100 بال100 بخصوص الاسعار
والسلام عليكم ورحمة الله وبركاته

[ggmmgg]

انا جبت فلتر بنزين عمل 85 المفروض المانى بس مكتوب على الفلتر صينى

[hossfo]

اشكركم جميعا انا رايح بكرة مركز خدمة وراح اطلعكم بالاسعار

[amroebraheem]

انا جبت فلتر بنزين عمل 85 المفروض المانى بس مكتوب على الفلتر صينى

أخى ggmmgg الفلتر الاصلى سعره 60 جنيه.وهو الاول كان بينزل نمساوى دلوقتى بينزل ألمانى.أما الصينى ده مش اصلى.ولكن فلتر البنزين فى الA5,الFantazia فالفلتر الاصلى بتاعه صينى فعلا.
والسلام عليكم ورحمة الله وبركاته.

[koko2002]

كابل السرعة

على فكرة المشكلة مش في الفيشة ولا السيرفيس إنما في كابل السرعة اللي واصل من الجير بوكس إلى الطابلوه وهو نفس المكان اللي بيتزود منه زيت الفتيس وأكيد ده اتخلع إما من ناحية الجير بوكس أو من ناحية الطابلوه بسبب المطب ، أصل إيه اللي جاب البوجيهات وفلتر الهوا وتيل الفرامل لمؤشر السرعة دي حاجة بعيدة قوي

[spider6666]

انا هاوفر عليك الموضوع من الاخر عشان ما تلفش وتسالل كتير
اولا مع احترامي لكل الزملاء الامبير لما المؤشر بتاعة يفضل واقف علطول تحت او يفضل يطلع وينزل ويعلق يبقى ده عبارة عن فيشة بتركب جنب فلتر الهواء على شماله كده لما تبقى واقف قدام العربية واسمها فيشة الامبير ودي مش زي ما الناس قالتلك الكابل الواصل لانه العربية دي مافيهاش نظام الكابل الواصل

انا دخت لحد ما في الاخر لقيت الفيشة دي استيراد في الحرفيين وكان تمنها 170 جنيه
وركبتها وبعدها كل حاجة بقت زي الفل وتمام التمام