الحقوا يا شباب ارتوك بداء يسرق

[atefjerry]

هقولكم على حكايتى مع ارتوك النهاردة وانتوا احكموا
بصوا بقى انا صحيت بدرى علشان الحق دور فى الطابور فى فرع دير الملاك
المهم دخلت علشان اعمل صيانه 20000 وبعد ما خلصت العربيه فوجئت ان الفاتورة
عندها ورم خد عندك
1-176 جنيه مصنعيه ثابته للصيانه والكشف مع العلم انا فى الضمان
2-391 زيت وفلتر وده طبيعى
3-25 جنيه منظف ماتور (مع العلم انا جايب اللى اتبقى من الصيانه اللى فاتت وقولت للمهندس
قالى ده بند اساسى فى الصيانه ولا يمكن الغائه واسمه عاطف حسين
4- 24 منظف رشاشات ومكانتش مستاهله انا قولت جاى اغير زيت بس
5- 8 جنيه كوليهات لربط طاساتى العجل
6- 125 فلتر هواء
7- 130 فلتر تكييف
وده غير الضريبه وطبعا صوعقت انا كنت رايح اغير زيت يعنى حسبت 400 جنيه
المهم مش هطول عليكم رحت للمهندس وقولتله الكلام ده كتير ومبالغ فيه وانا مش هدفع لانه
مقليش على تغيير الفلاتر ولا الرشاشات هو قالى هنغير ونكشف ونشوف وانا كنت قاعد عندهم
ممشيتش يعنى ببساطه كان ممكن سألونى وكمان انا رايح بالعربيه زى الفل ومعنديش مشاكل خالص
امال اللى عنده مشاكل هيدفع كام المهم اعترضت بشده وخليتم ركبولى الفلاتر القديمه (الهواء والتكييف)
وادبست فى الباقى فهل الكلام ده طبيعى يمكن اكون انا جديد ولا ايه واكتر شىء غاطنى المصنعيه الثابته (176)
افيدونى افادكم الله معلش طولت عليكم بالمناسبه انا سمعت انا صيانه 60000 وصلت 6 الاف جنيه من المهندس
انا عربيتى فانتازيا 2010

[amroebraheem]

اخى atefjerry كلامك صحيح مية فى المية.اعلم ان الدال على الخير كفاعله لذلك انظر الى الروابط المرفقة.
والسلام عليكم ورحمة الله وبركاته.
http://www.nilemotors.net/Nile/186990-a.html
ايضا:
http://www.nilemotors.net/Nile/184851-a.html

[rasim]

السلام عليكم
روح اخى الكريم الى المهندس خالد
هو راجل كويس جدا انا بتاعامل معه راجل اخلاق
وهو عندهقطعالغيار لو عاوز تجبها من عنده جبها مش عاوز قزله اجيبهامنين وهو يقولك ان شا ءالله

[alawizo]

طبعا ده أي كلام ... و المهندس عاطف ده ولا حاجه ده قفل كبير ..

يا باشا أنت في الضمان .. أمال اللي بره الضمان يعملو أيــــــــــــــــــــــــــــــــــــــــــــــــ ــــــــــــــه ؟؟

كل الكلام ده المفروض تدفع فيه 500 جنيه لتغيير زيت ال 10,000 و فلتر

لكن الباقي ده تلبييييييييييييييييييييييييييييييس السسنيييييييين !!!!!!!!!!!!!

أنا مستغرب الناس ازاي بتوافق !!

[alawizo]

ربنا معاك و قولنا علي الأخبار

[atefjerry]

والله يا جماعه ده اللى حصل ومعايا الفاتورة كمان
وشكرا لكل اللى ردوا على موضوعى

[atefjerry]

طب استشارة سريعه من الاستاذ عمرو هو البشمهندس خالد هيفدنى فى الضمان
ولا ده شغل خارجى خالص اصل انا فى الضمان

[amroebraheem]

طب استشارة سريعه من الاستاذ عمرو هو البشمهندس خالد هيفدنى فى الضمان
ولا ده شغل خارجى خالص اصل انا فى الضمان

اخى ATEFJERRY هو هيفيدك فى الضمان فعلا وده عن تجربة شخصية وكان لما كنت راكب الA5 ,وكانت فى الضمان عملى حساس الشكمان فى الضمان وانا كنت فى ورشته وأتصل بيهم فى الشركة ARTOC AUTO وخلاهم يعملوهولى فى الضمان وكنت برة الضمان بحوالى شهر ونصف وهو يعرفهم كلهم لانه كان شغال فى التوكيل ما يقرب من سبع سنين.ودلوقتى عربيتى الفانتازيا انا بتعامل معاه من ساعة لما اشتريتها فى ورشته الخاصة وحقيقى زى ما الاخ RASIM قالك هو راجل محترم جدا واستاذ.واى خدمة يا باشازوالسلام عليكم ورحمة الله وبركاته.

[atefjerry]

متشكر خالص على الرد الوافى يا باشا

[KHALED AYMAN]

صيانه ال 60 الف ب 2500 جنيه(شامله تغيير التيل الامامى) والصيانه الى حضرتك عملتها غلطتهم انهم مقالوش على الى هيغيره ...انما الاسعار كويسه ...ده توكيل مش ورشه

[monzer_500]

امال لو بره الضمان كنت دفعت كام ؟

[tamagogo]

التغييرات والاسعار عاديه
ده كان اللي بدفعه للياريس الله يرحمها وللفلونس