تجربتى مع صيانه ال 20,000 فانتازيا فى كارتك العبور

[MohamedGobran]

السلام عليكم ورحمه الله وبركاته

طبعا كل واحد معاهاه أوكتافيا اكيد بيشتكى من الزحمه و سوء المعامله إلى بتحصل فى أرتوك المركز الرئيسى وأنا حصلت معايا مشكلتين معاهم فقررت متعاملش معاهم تانى المهم توكلت على الله وقولت اروح كارتك العبور بما انه جنب جامعتى اعظيمه MIU
طبعا احنا معروف ان علشان تخلص فى ارتوك بدرى يستحسن تكون من 8 هناك او بايت قبلها بيوم ادام الباب أنا بقى وصلت التوكيل الساعه 11 و ربع و اخدت امر شغل بعدها ب 5 دقايق ( سرعه ولا أحلى ) المهندس جالى قلتله صيانه 20,000 فقالى بتشتكى من حاجه فقولتله على الحاجات إلى بشتكى منها و كانت حاجات بسيطه

المهم اخد العربيه وانا طلعت على الاستراحه فوق وبالنسبه الاستراحه محترمه فيها كافيتريا و تلفيزيون و انترنت و الاهم من ده كله انك شايف عربيتك مش زى أرتوك

وانا مستنى جالى تليفون من الورشه تحت بيقولى ان تيل الفرامل عايز يتغير فقولتله يغيره
(الناس هتسألنى ليه غيرت تيل الفرامل بسرعه كده و هقوله انى بجرى بالعربيه بسرعات مبتقلش عن 180 و بضرب فرامل كتير فده كان سبب رئيسى فتغير التيل)

بعد نص ساعه العربيه طلعت تجربه فالمهندس قالى جرب و شوف وهو معايا طلعت جربت العفشه بعد التربيط و كانت ناعمه و كويسه جدااا .....الفرامل بقت افضل بعد تغير التيل بس كان فيه صوت كده كنت بشتكى منه بيجى من عند الشنطه كان لسه موجود فقولت للمهندس عليه

طبعا الصوت ده اجتمع عليه 2 مهندسين و 3 عمال بيتشقلبوا مش عارفين الصوت ده طالع منين واعدت ساعه إلا ربع زياده علشان الصوت ده و فضوا كل حاجه فى شنطه العربيه ...طلبوا منى انزل حاجتى الخاصه و نزلوا الاستبن و العده و كل حاجه ......و فيييين بقى و بعد طول عناء اكتشفوا ان الصوت ده طالع من المساعد اليمين بتاع الشنطه و محتاج يتغير بس مكنش عندهم فقولت ابقى اعمله بعدين

انا بقى كنت مديهم العربيه و كان لونها متحول من السماوى للبنى لآنى وديتها تانى يوم المطر فكانت سيئه جدا من ناحيه النظافه بس التوكيل اخدها و اداها الدش المتين و حطوا معطر فى التكييف و رجعت زى الفل و نظفوا الموتور بالفوم وبعدها اخدت العربيه وطلعت على اول بنزينه قولت أفولها ب95 بمناسبه الصيانه

التكلفه كانت كالاتى

تيل فرامل أمامى 337.5
فلتر زيت تمنه 50 جنيه لكن مكتوب فى القيمه فى الفاتوره صفر فمش عارف ده معناه ايه
زيت توتال 5 لتر ب 290 جنيه
صيانه 20,000 230 جنيه
فوم الموتور و تنظيف التكيف 30 جنيه
مع المصنعيات 250 جنيه

والاجمالى مع الضرايب ألف و سبعه و عشرين جنيه

و 120 جنيه بنزين 95 إلى طبعا عمل اختلاف اداء رائع

تقييمى للمركز كويس جداا
يعنى الصيانه انا راضى عن الشغل إلى فى العربيه
المعامله كويسه جدا جدا غير ارتوك خالص يعنى كفايه ان الصوت إلى مكنوش عارفين يطلعوا كان شغال عليه أكتر من مهندس و 3 عمال و مسابوش العربيه غير لما عرفوا السبب
الانتظار لا تعليق على الموضوع ده لان العربيه اخدت امر الشغل و دخلت الورشه بعد ما وصلت ب 5 دقايق و انا اصلا رايح متأخر جدا

و أى أستفسار انا موجود

[kar!m]

هى دى فعلا مراكز الخدمة المحترمة .. و هو كده اللى كسبان لأن عملاء كتير هييجوا يعملوا صيانة عنده.

[modiabbas]

ممكن يا باشا العنوان بالظبط ؟

[MohamedGobran]

حضرتك لو جاى من طريق مصر اسماعيليه الصحراوى و هتنزل نفق العبور هتلف الميدان إلى ادام كارفور بالظبط بس مش هترجع تانى هتقطع الطريق و تكمل على طول و الطريق هيلف معاك يمين هتكمل على طول و اول شمال إلى على ناصيته غبور بتاع مازدا هتدخل الطريق ده و أول ما تلاقى توكيل أودى على يمينك هتدخل شمال هتلاقى مركز كارتك على اليمين و من عند كارفور طول ما حضرتك ماشى هتلاقى كارتك معلق يافطه صغيره على كل عمود و سهم بيوصفلك الطريق و أى طلب تانى انا موجود

[modiabbas]

حضرتك لو جاى من طريق مصر اسماعيليه الصحراوى و هتنزل نفق العبور هتلف الميدان إلى ادام كارفور بالظبط بس مش هترجع تانى هتقطع الطريق و تكمل على طول و الطريق هيلف معاك يمين هتكمل على طول و اول شمال إلى على ناصيته غبور بتاع مازدا هتدخل الطريق ده و أول ما تلاقى توكيل أودى على يمينك هتدخل شمال هتلاقى مركز كارتك على اليمين و من عند كارفور طول ما حضرتك ماشى هتلاقى كارتك معلق يافطه صغيره على كل عمود و سهم بيوصفلك الطريق و أى طلب تانى انا موجود

الف شكر ليك يا باشا و انا تحت امرك فى اى حاجه

[vimto]

أنا باروح مركز الأقصى ألي في زهراء المعادي وكان موصفاته زي ما أنت قلت
ومعاملتهم كويسه جدا

[LORD91]

توكيل تعبان

[elkateab]

يا جماعه انا عيز اعرف استهلاك البنزين كام بمعنى تفويل التنك يمشينى كام كيلوا علشان العربية الى عندى بتستهلك التنك كله فى 480 كيلوا بس عايز اعرف معدله كام

[elkateab]

على فكرة العربية فانتازيا 2011

[MohamedGobran]

يا جماعه انا عيز اعرف استهلاك البنزين كام بمعنى تفويل التنك يمشينى كام كيلوا علشان العربية الى عندى بتستهلك التنك كله فى 480 كيلوا بس عايز اعرف معدله كام

حضرتك تقدر تعرف كده من شاشه المعلومات إلى موجوده ادام حضرتك بين العدادات وبالنسبه للطريقه حضرتك هتلف البكره إلى موجوده فى الدريكسيون على اليمين و هتدور على حاجه اسمها consumption خد بالك فيه منها 2 واحده إلى بتقولك الاستهلاك الفعلى فى لحظتها حسب السرعه و التانيه بتقولك معدل الاستهلاك فى الرحله كلها و هتفرق بينهم ان بتاعه الاستهلاك الفعلى هتلاقى الارقام بتتغير حسب دوستك على دواسه البنزين و دى بقى هتقولك الاستهلاك اد ايه كل 100 كم و لو العربيه واقفه يعنى الموتور داير بس مش بتتحرك هتقولك الاستهلاك بالساعه و 480 كم ده معدل ممتاز جدا انا تقريبا بخلص نص التنك فى 100 كم علشان انا بحرق جامد و الاستهلاك بيكون على بتاع 24 لتر كل 100

[slavik71]

التكلفه كانت كالاتى

تيل فرامل أمامى 337.5
فلتر زيت تمنه 50 جنيه لكن مكتوب فى القيمه فى الفاتوره صفر فمش عارف ده معناه ايه
زيت توتال 5 لتر ب 290 جنيه
صيانه 20,000 230 جنيه
فوم الموتور و تنظيف التكيف 30 جنيه
مع المصنعيات 250 جنيه

والاجمالى مع الضرايب ألف و سبعه و عشرين جنيه

طيب تيجي ازاي؟؟؟337.5+50+290+230+30+250(يعنى ايه الصيانة 230, و المصنعيات 250؟؟؟) =1157.5
الضراىب 1720- 1157.5= 562.5 جنيه (48.5%) - دة اسمه جنووووووووووووون

[RedBull_30]

اي توكيل او مركز صيانة بيفتح جديد بيبقى لسة مش معروف و بيبقى مش عليه ضغط شغل الامر اللي بيخلي الموظفين والمهندسين والفنيين شغالين براحتهم و بدون ما يطلسئو الزبون لغاية ما ربنا يكرمهم و يتعرفو وكل حاجة بتتغير للاسوأ .. الا بقى لو توكيل واخدها من اولها صح واختار مكان واسع و جاب روافع سيارات كتير ومعدات كتير تتحمل اي عدد سيارات و طبعا بيدي اجور محترمة

[slavik71]

اي توكيل او مركز صيانة بيفتح جديد بيبقى لسة مش معروف و بيبقى مش عليه ضغط شغل الامر اللي بيخلي الموظفين والمهندسين والفنيين شغالين براحتهم و بدون ما يطلسئو الزبون لغاية ما ربنا يكرمهم و يتعرفو وكل حاجة بتتغير للاسوأ .. الا بقى لو توكيل واخدها من اولها صح واختار مكان واسع و جاب روافع سيارات كتير ومعدات كتير تتحمل اي عدد سيارات و طبعا بيدي اجور محترمة

ده حضرتك بترد علي ايه بالضبط؟؟؟
علي تكلفة صيانة ال 20000؟؟؟

[alaa2057]

سلام عليكم جميعا
اولا انا كان معايا هيونداي جيتز وبعدين الحمد لله غيرت لفانتازيا انا س حبيت ارد عشان المركز الغير محترم اللي اسمه كارتك

بص يا اخي الفاضل انا كان معايا جيتز زي ما ذكرت قبل كده وما كنش فيها اي مشكلة عربية زي الفل وانا باعمل صيانه 30000 في المركز الهباب ده المهندس بتاع الاستقبال قال لي احنا هانغير ميه قلت وماله

المهم حطوا نوع زبالة مياه خضرا اسمها الكرنك ....والنتجة عربية في ال30000 جابت جوان ووش سلندر وبلوف وصبابات وكفايه كده

[MohamedGobran]

سلام عليكم جميعا
اولا انا كان معايا هيونداي جيتز وبعدين الحمد لله غيرت لفانتازيا انا س حبيت ارد عشان المركز الغير محترم اللي اسمه كارتك

بص يا اخي الفاضل انا كان معايا جيتز زي ما ذكرت قبل كده وما كنش فيها اي مشكلة عربية زي الفل وانا باعمل صيانه 30000 في المركز الهباب ده المهندس بتاع الاستقبال قال لي احنا هانغير ميه قلت وماله

المهم حطوا نوع زبالة مياه خضرا اسمها الكرنك ....والنتجة عربية في ال30000 جابت جوان ووش سلندر وبلوف وصبابات وكفايه كده

حضرتك تقريبا دى من المرات القليله إلى حد يشتكى من المركز ده بس انا بقول لحضرتك الحاجه إلى بتحصل معايا و انا الفانتازيا بوديها هناك كل 5000 كيلو علشان يتعمل عليها check و 10000 كيلو للصيانه العاديه ووصلت لحد 60,000 كيلو و عمرى ما اشتكيت منهم فى حاجه و فيها اعضاء كتير هنا بيتعاملوا مع المركز ده .... و ممكن برضو حضرتك يكون فيه اختلاف بين الهيونداى و السكودا و الله اعلم .

بس ازاى حضرتك العربيه جابت جوان ووش سلندر فجأه يعنى العربيه سخنت و حضرتك مخدتش بالك ولا ايه حصل بالظبط لان الموضوع غريب شويه