صوت غريب فى الفانتازيا 2011

[traen]

السلام عليكم

انا عربيتى فانتازيا 2011 فى صوت غريب عند سرعة من 120 كم /الساعه فيما فوق علما انا العربيه توكيل زيرو اشترتها من 3 شهور فقد علما ايضا ان الصوت مش ثابت بيجى ويروح

الصوت كانى الهوا بيضرب فى حاجه تعمل هذا الصوت ده ارجو من الاخوه الكرام المساعده لانى مش عارف اروح التوكيل اقول ايه لانى الصوت مش ثابت

وشكرا

[Ayoob]

قد يكون الصوت من خبط الهواء في مرايات الجانبية خاصة ان حضرتك بتلاحظه في بعض الاوقات مع السرعات العالية
للتأكد من ذلك في حالة سماع الصوت اغلق المرايات طبعا اذا استمر نبحث عن سبب اخر واعتقد ان السبب سيكون بسيطا ان شاء الله

[Sameh]

اتوقع ان ده يكون الصوت الطبيعى للهوا على جسم العربية فى السرعات العالية ، ويمكن حضرتك ملاحظه عشان تغير العربية وكنت متعود على حاجة تانية ، احتمال بيكون بيجى ويروح حسب اتجاه الهوا نفسه

[rompo10]

متااااااااااااااابع

[vimto]

أنا برده جالي جنان من صوت الصفاره الي بيكون بعد سرعة 120
بس قررت أنساه شويه لحد ما لاحظت أنه بيجى ويروح حسب اتجاه الهوا نفسه
علشان بكون راجع من نفس الطريق وبسرعه أعلى وبيكونش في أي صوت

[m.salama]

تأكد من هوايات التكيف ام تكون مفتوحة او مقفولة متكنش في النصف

[KHALED AYMAN]

لو الصوت عالى ممكن يكون فى جوان مقطوع ولا حاجه ...
بس اعتقد انه صوت الهواء على جسم العربيه ..خصوصا ان عزل الفانتازيا ضعيف فى حاجتين:
1-صوت الهواء
2-صوت الكاوتش على الارض
الاتنين دول هتلاقى صوتهم عالى عموما

[hamo_3006]

انا كان عندى كده ورحت التوكيل ظبطلى الابواب والشنطه وراح الصوت نهائى

[wahbaty]

على فكرة أنا كان عندي نفس الموضوع في عربيتي الفانتازيا 2010 وبلاحظه عند السرعات فوق الـ 100 كيلو على الطرق السريعة ولكن المشكلة أنه غير متكرر وبرضه مش عارف لما أروح التوكيل أقولهم أيه؟
عموما الناس قالت لي ممكن يكون صوت كاوتش مفكوك أو صوت الهواء عند إتجاه معين عموما أنا قررت أكبر دماغي مؤقتا لغاية ملاقي عيوب واضح له علاقة بهذا الصوت علشان أروح به للتوكيل وربنا يستر !!!

[aibramag]

السلام عليكم
أنا عندي صوت غريب في عربيتي ، عبارة عن صفارة هوا بعد ال ٩٠ بتروح و تجي على حسب إتجاه الهوا برا العربية
العربية ٢٠١١ fantasia توكيل
جربت جميع المحاولات (أفلت المرايات و الشباك و هويات التكيف و جربت كل حاجة)
مش عارف أروح التوكيل أقولهم إيه لأن الصوت مش ثابت و بيروح و يجي

أرجو المساعدة وشكراً

[bassioni]

خد بالك و انت ماشي علي اكتر من 120 لو في صوت هواء يبقي الباب الخلفي مش مظبوط و ده ممكن يتظبط بسهوله
ليا اكتر من صديق معاه اوكتافيا بس الوكيل و قبلوا نفس المشكله

[EngAhmedSayed]

انا كانت فليشتى وهى كومبى كانت بتعمل حاجه غريبه قوى و انا ماشى على الصحراوى
كنت بسمع صوت طخ لدرجة و انا مسافر و معايا الناس راكبه كانو خايفين لانى كنت ماشى 140 كيلو
فا ركزت مع الموضوع ده لقييت الهوا بيخبط فى السقف لانه طويل مع السرعه غير مطبات الهوا و المضحك الناس بيقولولى انزل شوف فى ايه
و انا عادى جدا بس هما قولولى انا احنا مش هنسافر معاك تانى قولت مصلحه