هل موتور a5 ضعيف ؟

[NaderNabil]

الألماني بيقيس قوة الموتور و هو علي العربية و هي محملة 4 بني أدمين...و بيدي متوسط لقوة الموتور...عشان كده حتي لو الموتور محطوط في كذا عربية زي مثلا سيات و سكودا و فولكس هتلاقيه بيدي نفس القوة...حتي لو فيه فرق في الحجم أو وزن العربية....

لكن الياباني و الكوري بيقيس قوة الموتور و هي علي الترابيزة بدون احمال الات الجر او وزن السيارة او الركاب....

[matrix7570]

تجربتي الشخصية

اخواني الاعزاء
مع احترامي الشديد للانسر و المتسوبيشي و الكورولا كمواتير و مقارنتها بموتور A5

اولا لما اشتريت العربية و ده كان من حوالي شهر و اول ماركبتها مكنتش راضي بسحبها و خصوصا في اول الطلعة و كان موجود في الكتالوج اني في فترة التللين لازم ما اخليش عداد Rpm مايعديش 3\4 من اجمالي العداد يعني حوالي حتي 45000 لفة و ده لحد ال 1000 كيلومتر و نفذت دة بكل حرص. و انا مش راضي بردة عن سحبها.
ثانيا المرحلة التانية هي فتح الموتور من (ال 1000 الي 1500 كيلومتر) و كان المطلوب هي توصيل الموتور الي اقصي عدد لفات لية يعني تقفل Rpm و كنت باستخدم فيها التبترونيك (المانيوال) لانها في وضع D أو S مش ممكن حتسمحلك توصل للنقطة دي.
و كان قلبي بيتقطع علي الموتور (العربية جديدة :)) المهم جمدت قلبي و عملت المضوع ده علي قد ما اقدر حسب الطريق لان العربية دي لما تلقط الغيار الثالث ما تتشفش لدرجة اني وصلت لل 130 في نهاية الغيار الثالث ملحوظة حتي عند استخدام التبترونيك قبل ما موشر ال Rpm ما يوصل للاحمر حتنقل لوحدها للغيار الاعلي حفاظا علي الموتور.
و في خلال الفترة دي لاقيت الموتور ما بقاش منتظم و مخبيش عليكم ابتديت اقلق و قلت يا صابت يا خابت وصبرت لحد ما وصلت لل 1500 كيلومتر.
وابتدي الموتور ينتظم و ابتديت احس ان في فرق كبير في السحب حصل بقي الاول في التاني ممكن يجيب معاك 80 كيلو مرتاح.
و كمان اكتشفت ان الجيربوكس بتعها في منهي الذكاء:
الوضع D هو انسب وضع لتوفير نسبة البنزين حتلاقي العربية ممكن تنقل من التاني الي الرابع او من التالت الي الخامس المهم هو انها توفرلك بنزين ودي حاجة مش وحشة اعتقد في ظل ان البزين زاد.
و اذا كنت عايز قيادة رياضية (غرز و شد) الوضع S مناسب جدا لذلك و حيديلك اللي انت عايزوه.

ولكن في حلبة السباق بين الاوكتافيا و الانسر و المتسوبيشي و الكورولا
اكيد الثلاث عربيات حيكسبو لاول 200 متر بس ساعتها تكون الاوكتافيا لقطت الثالث و هنا ياتي دور سباق الاتزان و الثبات و دة مع احترامي للعربيات الثلاثة ضعيف نسبتا للاوكتافيا.
اتمني اكون نقلت تجربتي الشخصية مع العربية دي بصورة كويسة لاني احببتها جدا.

[crazylambada]

اخيرا حد تاني معايا في الموضوع
صدقوني يا جماعة اللي عنده العربية ديه استحالة يقول موتورها ضعيف خالص
و الله العظيم يا جماعة انا مرة استغبيت على الغيار التالت في السحب
اختي داخت مني و كانت حترجع

[Ahmed Samy]

اخيرا حد تاني معايا في الموضوع
صدقوني يا جماعة اللي عنده العربية ديه استحالة يقول موتورها ضعيف خالص

حد رابع يا باشا

انا معاك :)

و انا باتنين

[crazylambada]

يا باشا نخليهم ستة علشان خاطرك

[medo_cars]

[بعد اذن الاستاذ ماتريكس حضرتك بتقول تلات عربيات لانسر وميتسوبيشى وكورولا احب اوضح ان الميتسوبيشى دى المارك هاو الشركة اللى عملت اللانسر مش اسم عربيه
الاوكتافيا انا سابقتها باللانسر بتاعاتى والله والفرق شديد قوى ومش بتكلم على الطلعه كان السباق بدا من سرعة 80 تقريبا وصاحبها كان مسر يسابق فقلت اشوفه هيجيب اخر العربيه كام لقيت اخرها 185 تقريبا وانا كملت لحد 202كم ودا مش بسبب ان الاوكتافيا ثقيله لا السبب هو ان الالمان مش بيهتمو بالمواتير للسيرات ذات السعة اللتريه الصغيريه لان تسويقيها مش كتير انما الشركات الاخرى بتهتم بيها قوى لانها بتبيع من السيارات ذات السعه اللتريه الصغيره كتير
الاوكتافيا وزنها 1290كجم واللانسر اللى معايا 1225كجم اعتقد ان الاوكتافيا وزنها مش اتقل بكتير عن اللانسر علشان يكون موتورها بطىء كدا

[crazylambada]

الاوكتافيا وزنها طن و نص

[medo_cars]

[لا حضرتك انا متاكد انها 1290كجم وممكن حضرتك تتاكد لو مش مصدقنى

[matrix7570]

ال A5 حتفضل جامدة


مع الاعتذار عن خطائي للمتسوبيشي لانسر و احترامي الشديد لسيارة الاستاذ medo و السرعة اللي ممكن توصلها اللي هي 202 كيلو و الي مع اول مناورة بالسرعة دي او حتي 180 كيلو العربية ممكن تقلب بمنتهي السهولة لا قدر الله مع المقارنة بالاوكتافيا اللي ممكن تاخد ملفات و مناورات بنفس السرعة و كانك ماشي علي 60 او 70 كيلو و ذائد الاطمئنان الفظيع من ناحية الفرامل اللي ممكن توقفك بدون انزلاق للسيارة في ثوان معدودة من السرعة الجنونية دي ( ABS معززه ب EBD و ASR و MSR و ESP) و الوزن هنا علية عامل كمان.
و ما اعتقدش اللانسر ممكن تعمل كدة الا اذا كنت مركب كاوتش عريض و موطي العفشة حبتين و بردة مش ممكن توصل لاداء الاوكتافيا و انا متاكد انك لو جربتها و سوقتها حتحس بالفرق ده.

[crazylambada]

بالنسبة للاستاذ ميدو انا اتاكدت
وزن العربية فارغة مانيوال 1255
ووزنها كاملة 1915
ووزن العربية اتوماتيك فارغة 1290
ووزنها كاملة 1950
و انا جايبها من البور شور اللي معايا للعربية

[mohameduoser]

انا شايف كدة ان الناس التى عندها السيارة و ركبتها فعلا مبسوطة و راضية عن اداء الموتور و السيارة بصراحة فيها مميزات كتير ( حجم و شكل و صاج و ثبات ) و الدليل انتشارها الواسغ فى مصر

[mohameduoser]

[بعد اذن الاستاذ ماتريكس حضرتك بتقول تلات عربيات لانسر وميتسوبيشى وكورولا احب اوضح ان الميتسوبيشى دى المارك هاو الشركة اللى عملت اللانسر مش اسم عربيه
الاوكتافيا انا سابقتها باللانسر بتاعاتى والله والفرق شديد قوى ومش بتكلم على الطلعه كان السباق بدا من سرعة 80 تقريبا وصاحبها كان مسر يسابق فقلت اشوفه هيجيب اخر العربيه كام لقيت اخرها 185 تقريبا وانا كملت لحد 202كم ودا مش بسبب ان الاوكتافيا ثقيله لا السبب هو ان الالمان مش بيهتمو بالمواتير للسيرات ذات السعة اللتريه الصغيريه لان تسويقيها مش كتير انما الشركات الاخرى بتهتم بيها قوى لانها بتبيع من السيارات ذات السعه اللتريه الصغيره كتير
الاوكتافيا وزنها 1290كجم واللانسر اللى معايا 1225كجم اعتقد ان الاوكتافيا وزنها مش اتقل بكتير عن اللانسر علشان يكون موتورها بطىء كدا

مع احترامى ليك هل سوفت السيارة علشان حاسس انك بتكلم على سيارة تانية

[medo_cars]

انا يا استاذ كريزى كنت بتكلم على الاوتوماتيك فعلا وشكرا لحضرتك لانك تاكدت من كلامى انه ص
الاوكتافيا عربيه محترمه جدا وكل الناس عارفه كدا بس معلش مش تنفع شاب يدور على الجرى والشد بس بعد نزول الجيتا اعتقد ان الناس بدات تفضلها عنها
بالنسبة للاستاذ ماتريكس اللانسر مش خفيفه ولا حاجه والثبات فيها ما شاء الله ولا تقل ابدا عن الاوكتافيا فى المناور هوانا بتكلم على اللانسر السبور اللى فيها عفشة رياضيه +جنوط 15
وممكن حضرتك تكون ركبت لانسر اللى فيها عفشة عاديه مش سبورت علشان كدا تكونت عندك الفكره دى
بالنسبة للاستاذ محمد انا ركبت الاوكتافيا دى كتير ومش عارف حضرتك مشكك فيا ليه وبتكلم على سياره اخرى ليه هو انا قلت حاجه غلط على الاوكتافيا لا سمح الله

[crazylambada]

العفو حضرتك و بحترم حضرتك في اسلوب حوارك الراقي
الاوكتافيا مفيش منافسة بينها و بين اللنسر لان كل واحدة فئة
و فعلا اللي بيدور على الجري و الشد متنفعهوش خالص
لكن الاوكتافيا فخامة
و ثبات الاتنين تحفة
لكن احنا قصدنا من كل ده ان الاوكتافيا موتورها مش ضعيف
و انه مناسب للسيارة بدليل وجود طراز مزود ب 1400 سي سي

[NaderNabil]

الأوكتافيا و اللانسر نفس الفئة....mid sized familly car

لكن الاوكتافيا تندرج تحت بند الExecutive Car...أي سيارة زوي المناصب...

ثبات الأوكتافيا لا يقارن باي حال من الأحوال بثبات اللانس لصالح الأوكتافيار...و ده عن تجربة متفحصة للسيارتين