معشوقه الجماهير راجعلنا من تانى

[Mzeid]

الغرض انه يمسك الفئة السعرية اللي هتنزل فيها

يعني لو الفانتازيا مثلا تبدأ من 15 ألف يورو
يبقى هو يمسك فئة من 10 ل 15 مستغلا حب الناس للعربية + أنها هتكون خيار جيد للي عايز يشتري عربية بالسعر دة بس خياراته كلها صغيرة

[Eng_Moh.Dewair]

اعتذر لجميع الاعضاء لعدم تمكنى من الرد اليومين اللى فاتوا نظرا للامتحانات.......بس الاستاذ خالد عمل الواجب و زياده حبتين

[Eng_Moh.Dewair]

السلام عليكم
ربنا يسهل ويرزقنا ونجيب واحده هههههههههههه

ان شاء الله يرزقنا جميعا و كل واحد يجيب اللى فى نفسه وعقبال كده لما نباركلك عليها و بعدها نبارك على الفيرارى قول يا رب

[KHALED AYMAN]

اعتذر لجميع الاعضاء لعدم تمكنى من الرد اليومين اللى فاتوا نظرا للامتحانات.......بس الاستاذ خالد عمل الواجب و زياده حبتين

يا باشا وجودك مهم بردو وكنت هتعمل الواجب وزياده 3 حبات

[omar-saad]

طيب انا بعرفك من دلوقت اهو ..الوكيل مش بيجيب اللون الاببيض كده هاتها خليجى بقى لو كان فى يعنى

عندنا اتنين اسكودا ابيض
واحدة a5 والتانية فانتازيا
والاتنين وكيل

[Eng_Moh.Dewair]

معتقدش انها هتنزل بكماليات او اوتو حتى لسبب بسيط ..
فى فانتازيا زيرو مانيوال ب 153 الف ودى وكيل ...وفى خليجى ب 153 بس اوتو ...
عشان الاوكتافيا تتباع مينفعش تزيد عن 125 الف ..ومش هتبقى فيها اوبشنز ...زى الa4 بردو لما نزلت ايام ال a5 :)
ملخص الكلام ...الاوكتافيا هتنزل بأقل كماليات ممكنه ...يدوبك هتبقى 4 زجاج كهرباء ..و2 ايرباج ومش هتبقى بفوجات حتى هى التوكيل هيعتمد على "حب الناس ليها " و سمعتها الكويسه وسط العربيات ..وكلمه "اوكتافيا"

خد بالك بردو يا استاذ خالد هى هتنزل بنفس وسائل الامان يعنى2air bags +abs+ebd+asr و ده هيديها ميزه تنافسيه بردو و متنساش انها نفس الشاسيه و البودى اللى كانت بتنزل بيه يعنى اى كماليات كانت بتنزل فيها هتقدر تركبها على راحتك

[KHALED AYMAN]

عندنا اتنين اسكودا ابيض
واحدة a5 والتانية فانتازيا
والاتنين وكيل

بتتكلم بجد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده انا اتشقلبت مع التوكيل على الفانتازيا الابيض يقولو لا ...طيب مواصفات خاصه يقولك لا ..لما سألت قالولى الوكيل مش بينزل ابيض اصلا !! ولا حتى فى الاوكتافيا ...فالى كنت بسأله راح جاب خليجى ابيض

خد بالك بردو يا استاذ خالد هى هتنزل بنفس وسائل الامان يعنى2air bags +abs+ebd+asr و ده هيديها ميزه تنافسيه بردو و متنساش انها نفس الشاسيه و البودى اللى كانت بتنزل بيه يعنى اى كماليات كانت بتنزل فيها هتقدر تركبها على راحتك

اه مهو دى نقطه مهمه بردو ...بس مش كل الكماليات طبعا ..لان فى حاجات مش هتنفع زى فتحه السقف ..وفى حاجات لانها هتبقى غاليه :( بس حاجات كتير هتركب ...

[Eng_Moh.Dewair]

إمممممممممم
تسلم يا كبير
بس دي تفرق فيه إيه عن الفانتازيا
وبعدين مش المفروض إنها موديل قديم يعني إزاي هتنزل تاني
يعني هيبقى عندنا 2 أوكتافيا 2011 واحدة فانتازيا وواحدة تور واللي عايز يختار بقى ولا إيه يا معلم؟

تمام و زى استاذ خالد ما قال كان فيه octavia A4 و octavia A5 بيتباعوا فى نفس الوقت

[Eng_Moh.Dewair]

المفروض ان الشركات تهتم بالسيارات ذات الشعبية مثل ال a4 شكرا للخبر

i

حضرتك طبعا عندك حق بس الa4 تقريبا اسكودا استمرت فى انتاجها حوالى 12 سنه و اظن ان ده كتير جدا على موديل واحد خاصه انه لم تحدث فيه تغييرات جذريه من ناحيه الشكل و كان لازم الشركه تدى الفرصه لاشكال و تصميمات اخرى و قد نجحت فى ذلك بلا شك

[ahmedbasto]

هتبقى جميلة جدا

[Eng_Moh.Dewair]

ياه العربية دي فعلا لو نزلت بالسعر دة تبقى قنبلة
بس التوكيل اصلا هيفكر ينزلها و لا ايه ؟

فعلا هتبقى ضربه قويه لكثير من السيارات فى السوق المصرى بالذات نظرا لعشق المصريين للاوكتافيا وانا واحد منهم
مش عارف ايه اخبار التوكيل انا ان شاء الله هخلص امتحاناتى يوم الاتنين القادم هروح التوكيل و اشوف ايه الاخبار و بالمره اسال عن الفابيا الجديده اخبارها ايه ؟

[Eng_Moh.Dewair]

شكرا على الموضوع و فعلا العربيه انا مستنيها تنزل هتعمل شغل

العفو يا باشا و زى ما ذكرت فى الموضوع حضرتك اللى لفت انتباهى للعربيه
وفعلا هى لو نزلت ان شاء الله هتعمل شغل جامد

[Eng_Moh.Dewair]

على فكرة العربية دي لو نزلت بالسعر دة هتعمل ضربة جامدة لسوق المستعمل في الاوكتافيا

هى هتضرب سعر المانيوال وهتخليه فى الارض و لكن الاوتو اظن ان سعر هيرتفع لعدم توفره

[Eng_Moh.Dewair]

يا باشا وجودك مهم بردو وكنت هتعمل الواجب وزياده 3 حبات

هههههههههه ربنا يخليك يا باشا و حضرتك من الناس اللى ليهم اراء تحترم فى المنتدى

[Eng_Moh.Dewair]

عندنا اتنين اسكودا ابيض
واحدة a5 والتانية فانتازيا
والاتنين وكيل

الاتنين ابيض و وكيل كمان:b4_007:
طيب ممكن حضرتك تقولنا كنت شاريهم منين و هل كانوا سبيشيال اوردر؟