الحمدلله اشتريت الفانتازيا 2011 بجد تحففففففففففففففففففة

[gental_man]

اسأل في ارتوك التوكيل حتلاقيها ب 169900 السعر زاد يابيه

اللي ب166 الف يابيه مشحونة قبل شهر 12 يابيه وحتلقيها موديل 2010 بس بترخص 2011

ياحج احمد مش القصد انا كنت فى المصرية للسيارات يوم الاربعاء اللى فات وسالت عن السعر قالى 168 الف وهعملك تخفيض 2000 جنية هتبقى 166 وعلى حد كلامة بيقول التخفيضات فى المصرية بس المهم ان قريت التكت اللى على العربية لقيتها مكتوب موديل 2011 استيراد بتاريخ 2-9-2010 فمش عارف اية الحكاية .

[gental_man]

الف شكر على وضع تقرير عن السياراة علشان الجميع يستفيد وجزاك الله كل خير بس اقلى ازاى متخمش واجيب 2010 ومكتوب علية 2011 هما بينصبوا ع الناس وبيقولوا موديل 2011 مش عارف اية دة .

[basemsaeed]

المواصفات الفنية :-
----------------------

1- محرك 1.6 لتر بقوة 75 kw بنظام الحقن mpi.
2- تسارع السيارة من 0-100 في حوالي 12 ثانية ( علي الوضع d )
3- ناقل الحركة 6 سرعات أمامية و 1 خلفية بإجمالي 7 سرعات مع نظام tiptronic.
4- السرعة القصوي للسيارة لم يتم إجتيازها بعد.
5- عفشة خدمة شاقة.

عوامل الراحة و الأمان :-
-------------------------

1- abs, mba,msr,asr.
2- عدد 2 إيرباج.
3- عدد 5 أحزمة أمان.
4- فصل الوقود عن المحرك في حالة التصادم لا قدر الله.
5- نظام corner light وده عبارة عن إضاءة فانوس الشبورة حسب إتجاه العربية يمين أو يسار.أنا مش عارف أشغله إزاي.
6- نظام ebc.
7- isofix للأطفال.
8- immpolizer .
9- فوانيس ضباب أمامية وخلفية.
10- عدد 3 مساند للرأس في الخلف و 2 في الأمام.

الكماليات :-
------------

1- سنتر لوك وزجاج كهربه مع وحدات رفع لجميع الأبواب.
2-عدد 2 مفتاح fold يمكن فتح الشنطة وتانك البنزين منه وكذلك التحكم في الشبابيك وغلق المرايات.
3- مصابيح الإشارة الجانبية في المرايات مع وجود مصباح في كل مرآه للإضاءة بجانب الأبواب عند فتحهم وعند فتح السنتر من الريموت.
4- طي كهربائي للمرايات.
5- عدد 2 مساحة أمامية للزجاج و 1 للزجاج الخلفي.

6- عجلة القيادة وفرامل اليد وعصا ناقل الحركة مكسوة بالجلد الطبيعي.
7- فرش الكراسي رياضي.
8- تعديل عجلة القيادة في 4 إتجاهات مختلفة.
9- عجلة القيادة متعددة الوظائف multi functions .
10- شاشة بيانات كبيرة وسط العدادات بها وظائف عديدة مثل :

* عداد سرعة ديجيتال
* إستهلاك البنزين وحساب الكيلو متر المتبقي بالنسبة لكمية الوقود.
* متوسط السرعة الحالية.
* كمبيوتر رحلات.
* بيان نقلات ناقل الحركة.
* بيان درجة الحرارة.
* إظهار البيانات الخاصة بالهاتف.
* إظهار البيانات الخاصة بالنظام الصوتي.
* عن طريقها يتم معرفة ما إذا كان أحد الأبواب مفتوح أو غطاء المحرك أو الشنطة.
* كمبيوتر أعطال ومواعيد الصيانة.
*وأخيرا عن طريقها يمكن التحكم في بعض الوظائف مثل :

a- تحديد السرعة التي يبدأ عندها الصوت التحذيري.
b- تحديد غلق الأبواب أوتوماتيكيا عند سير السيارة وفتحها عند وقوفها.
c- تحديد تشغيل خاصية غلق النوافذ في حالة سقوط الأمطار أو غلقها عند سرعة معينة.

11- نظام صوتي جبار في نقائة وإمكانياته الصوتية يدعم mp3 , aux, radio, audio. مع عدد 6 سماعات.
12- إمكانية إرتفاع مستوي الصوت تلقائيا مع زيادة السرعة.
13- تجهيزات سينسور بارك.
14- بلوتوث للإتصالات الهاتفية ( كاركيت )
15- تكييف climatronic dual zone مع خاصية توزيع الهواء للمقاعد الخلفية.
16- شاشة عريضة وسط التابلوه خاصة بالنظام الصوتي والتكييف والبلوتوث والسينسور.
17- درج التابلوه مبرد وكذلك درج الكونسول.
18- درج الكونسول متحرك للأمام والخلف كمسند يد.
19- عدد 12 مكان تخزين بالمقصورة مع حوامل أكواب.
20- التحكم في إرتفاع وإنخفاض كرسي السائق.
21 - التحكم في إرتفاع وإنخفاض إضاءة المصابيح الخارجية.
22- مصباح قراءة للمقاعد الخلفية وآخر للأمامية.
23- مدخل ipod داخل درج الكونسول.
24- سخانات للزجاج الخلفي والمرايات الجانبية.
25- تعتيم تلقائي للمرايا الداخلية والجانبية.
26- مقابض الأبواب الداخلية من النيكل كروم.
27- حليات للأبواب و التابلوه والكونسول الأمامي.
28- إريال إلكتروني في الزجاج الخلفي مع إريال رياضي إضافي.
29- مؤشر لضغط الإطارات.
30- مثبت سرعة.

الإنطباعات :
-------------

1- تسارع السيارة مرضي جدا بالنسبة لي لكن لو واحد متهور زيادة عن اللزوم مش هتعجبه قبل الـ 100
2- العزل جيد جدا.
3- العفشة وسط بين النعومة والنشفان.
4- الثبات no comment.
5- صوت المحرك جميل وهادئ ميعصبش الواحد.
6- الإحساس بالنقلات شبه منعدم.
7- التكييف ملوش حل الله أكبر قوة تبريد تفوق الياباني.
8- الإرتفاع عن الأرض ممتاز.
9- الخامات الدخلية كلها زات جودة عالية.
10- الكاوتش بتاعها صناعة ايطالي ممتاز وناعم.
11- الشكل الخارجي من الأمام أحلي من باقي فئتها.
12- أبعادها الخلفية صعبة في الركنة..
13- الكاسيت أنا لحد دلوقتي مشوفتش كاسيت صوته كده نقاء واداء جبار.
14- الشنطة طبعا كبيرة جدااااااا.

السلام عليكم

تقرير ممتاز يا استاذ احمد عن العربية
و سرد جميل جدااااا لجميع كماليات العربية

ربنا يباركلك فيها و يكفيك شرها

[basemsaeed]

ياحج احمد مش القصد انا كنت فى المصرية للسيارات يوم الاربعاء اللى فات وسالت عن السعر قالى 168 الف وهعملك تخفيض 2000 جنية هتبقى 166 وعلى حد كلامة بيقول التخفيضات فى المصرية بس المهم ان قريت التكت اللى على العربية لقيتها مكتوب موديل 2011 استيراد بتاريخ 2-9-2010 فمش عارف اية الحكاية .

السلام عليكم

انا كنت برده في المصرية يوم الاريعاء الساعة 8 بليل
و فعلا سألت عن الفانتازيا و قالي ب 168 و حعملك خصم و تبقى ب 166
بس الصراحة ما اخدش بالي من التيكت بتاع العربية بس هو قالي انها موديل 2011

بس الصراحة العربية روعة بجد

[gental_man]

طب بقول لحضرتك اية اقرا رقم شاسية العربية وشوف الرقم العاشر من ع الشمال مكتوب اية وياريت اول رقم كمان.شكرا

[ahmedbasha1000]

الجديد في العربية لسة مكتشف اليوم ان ممكن تفصل الايرباج بمفتاح العربية من التبلوه انا قولت اقولكم

[ahmedbasha1000]

معلومة جديدة العربية حتزيد في حدود 4000 خلال الشهر الحالي وذلك اكيد من المصرية للسيارات والسبب هو سعر العملة الان في ارتفاع مستمر

انصح من هو مقبل على الشراء فينفذ في اسرع وقت

[weaamx]

الكورنر لايت بيشتغل بإنك تعمل إشارة و تقفل العربية عادى

و ألف مبروك على التحفة .. ربنا يباركلك فيها

[ahmadm]

للإفادة هنا يوجد الموضوع بتفاصيل اكثر بس بتاريخ سابق 04-06-2010

http://www.nilemotors.net/Nile/154784-a.html#post3872727860

[bukla]

الف مبروك ربنا يديك من خيرها و يكفيك شرها

[د.محمود صلاح]

الف مبروك ,, سؤال عن الفرق السعري بينها وبين الفلونس الأعلى فئة للإثنين يستاهل ؟

[ahmedbasha1000]

الف مبروك ,, سؤال عن الفرق السعري بينها وبين الفلونس الأعلى فئة للإثنين يستاهل ؟

الفلونس اعلى فئة 167000 الفانتازيا اعلى فئة 209000

اعتقد اكيد الفرق يستاهل
1- اماكانيات الفانتازيا اعلى بكتييير
2- اعادة البيع افضل في الفانتازيا
3- قطع الغيار ليست منتشرة بقدر الاسكودا
4-اعتقد اسم الرينو ليس بقوي مثل الاسكودا

هذا رأي الشخصي ولك جزيل الشكر والاحترام

[ahmed_fathi]

اخى العزيز

اولا الف مليون مبروك وربنا يديك خرها ويكفيك شرها
انا كمان اشتريت من شهر 9 الى فات الفانتازيا 2010 الخليجى بس عندى تعليق على التكييف انه ضعيف
يعنى في شهر 9 الى فات وقت الحر كان تكييفها ضعيف جدا جدا هل ده طبيعى
وبرضه امبارح كانت الدنيا حر على العداد درجه الحرارة 31.5 درجه والتكييف كان برضه ضعيف
هل ده طبيعى ولا انا عندى مشكله ؟

[ahmedbasha1000]

اخى العزيز

اولا الف مليون مبروك وربنا يديك خرها ويكفيك شرها
انا كمان اشتريت من شهر 9 الى فات الفانتازيا 2010 الخليجى بس عندى تعليق على التكييف انه ضعيف
يعنى في شهر 9 الى فات وقت الحر كان تكييفها ضعيف جدا جدا هل ده طبيعى
وبرضه امبارح كانت الدنيا حر على العداد درجه الحرارة 31.5 درجه والتكييف كان برضه ضعيف
هل ده طبيعى ولا انا عندى مشكله ؟

اولا ربنا يبارك فيك يارب

بجد ان خلتني في حالة زهول فعلن ازاي التكيف ضعيف جداا احب اقولك والله العظيم التكيف بتاع العربية ثلاجة انا كان معايا تويوتا كورولا والله العظيم تكيف الفاننتازيا اقوى من التويوتا بمراحل انا من قوة التكيف بشغلة على المستوى الثالث على الاقصى وطبعا حضرتك عارف ان تكيف الفانتازيا ستة مستويات اعتقد حضرتك لازم تكشف على السيارة ضروري قبل الحر

[gental_man]

السلام عليكم
استاذ احمد انا الحمد لله اشتريت العربية من يومين من معارض اباظة فى الاسكندرية فكنت عايز اسالك عن ضبط المريات الكهربائية انا بدور الزرار بيفتح وكل حاجة انما اما بحركة على ال lاوr مبيتحركش هل فية حاجة معينة ولااية وبالنسبة للضمان انا خدت بس محضر البيعة والاوراق لسة هتيجى النهاردة باليل هل الضمان لية ورق بيجى مع ورق العربية ولا لازم اخدة مع محضر البيع من المعرض وياريت ملاحظتك عل حاجة فى العربية او حاجات مهمة اخد بالى منها وبالنسبة لجهاز الانذار والسينسور بارك ركبت ولا لسة شكرا جزيلا.