أوبلاوي يرغب بالإنضمام !

[AhmedBahgat]

السلام عليكم ورحمة لله وبركاته

بما إني لإول مرة أشارك في قسم سكودا أحب أتعرف علي جميع السادة رواد القسم و أبدأ بنفسي

أحمد بهجت
26 سنة
مدير نيابة مرور إحدي المحافظات
مقيم بالقاهرة (الرحاب)

يسعدني و يشرفني الإنضمام لقسم سكودا

وبما إني عضو قديم في قسم أوبل و من عاشقي السيارات الألماني فقط و بما إن السيارة سكودا أوكتافيا أثبتت بجدارة إنها تستحق الإنضمام تحت جدول السيارات الألماني

قررت بمشيئة الله تعالي الدخول إلي عالم سكودا وشراء أوكتافيا فانتازيا

وبما إنه لا خاب من إستشار فقررت أشارككم الرأي و القرار

لا أخفي عليكم قررت بادئ الأمر أن أشتري فانتازيا مستعملة أول فئة بس بعد توغل أكتر الموضوع كبر معاية شوية شوية و إتجهت علي الفئة الثانية ثم فئة الإليجانس

وكنت بتفرج النهاردة علي واحدة إليجانس 2009 سيلفر عاملة 45000 كم جديدة مطلوب فيها 160,000

فجأة جه في بالي واحد صديق قديم شغال في الزيرو قلت أكلمة أشوفه برده و أخد رأيه

كلمته لقيت عنده 3 عربيات فانتازيا إليجانس (فتحة سقف) 2 إسود و واحدة سيلفر زيرو بس موديل 2010 بجواب المرور

بكام يا ريس قالي 182,000 جنية بيني و بينكو الموضوع كبر في دماغي وقلت الزيرو زيرو برده خصوصا إن الواحد محسوك

قلت لازم فورا أخد رأي حضراتكم خصوصا و إن قرار شرائي للفنتازيا كان متأخر و ملحقتش أدرس العربية كويس و فئاتها و أسعارها

أحب أعري رأيكم في القرار و في السعر و أي القرارين ترجحوا الزيرو ولا المستعمل
وأحب أسمع أي حاجة من حضراتكم سواء عن السيارة عامة أو عن أي خبايا ممكن أخد بالي منها أو كماليات أشوفها موجوده ولا لأ أي حاجة أنا منصت لحضراتكم

أه صحيح العربيات الزيرو خليجي و بضمان شركة إسمها Triple A

مرة أخرة يشرفني الإنضمان إليكم ومتشكر لحسن الإستماع

[AhmedBahgat]

عايز أضيف بس إن العربيات دي عرفت إن مفهمش حساسات باركنج قدام

[kar!m]

هتوحشنا و الله يا بهجت .. بس ربنا يوفقك و تجيب حاجة كويسة.
لو قلبت فى قسم اسكودا هتلاقى معلومات كتير عن العربية .

بس أنا الحاجة الوحيدة اللى أعرفها عنها ان واحد معرفة شغال فى العربيات اشترى واحدة مستعملة عشان يتاجر فيها و كان فيها فانوس مكسور و اشتراة ب 5000 جنية تقريبا .. و باعها.

[ntahssen]

السلام عليكم ورحمه الله .
لو العربيه وكيل معاها ضمان ارتوك اوتو استخير ربنا عشان السعر كويس جدا والعربيه كويسه جدا بس المحافظه عليها.
لو خليجي بلاش علشان المبلغ كبير

[EngAhmedSayed]

اولا اهلا بيك فى قسم سكودا - كاعضو - و كصديق - و كأخ - سكوداوى
ثانيا سكودا فانتازيا عربيه جميله و كويسه
ثالثا عاوزك تقرا موضيع الفنتازيا كلها و ممكن تتواصل مع الاعضاء اصحاب الفنتازيا هتستفاد منهم
العربيه ليس عليها غبار
و شرف لينا انو تكون حضرتك معانا
اهلا بيك مره تانيه

[marawansabry]

طبعا مينفعش اقلك اهلا بيك في اسكودا .. لانك صاحب بيت .. وكلنا شركاء في هذا المنتدي .. بالنسبة للعربية اولا هي ذي الفل وحقيقي ان شاء ميش هتندم .. ثانيا لازم تتاكد انها وكيل ولا خليجي لان بنفس السعر دة تجيب خليجي 2011 .. ثالثا العربية هتغلى اربعة الاف جنية ابتداء من بكرة يعني 1/4/2011 ان شاء (معلومة مؤكدة من التوكيل) .. رابعا بقي والاهم انا شايف ان 2010 فيها ميزة حلوة هي ان الحماية تحت الموتور صاج وليست فبر كما في موديلات 2011 الحالية وكمان كفر الموتور موجود .. ودي كلها فلوس .. اما المواصفات مفيش اي فرق نهائي بين 2011 و 2010 في اي حاجة .
اتكل على الله استخير واشتري وربنا يوفقك ويبركلك فيها .

[Eng_Moh.Dewair]

زى ما marawansabry قال لحضرتك يفضل 2010 و لكن لو خليجى ممكن سعرها ينزل عن كده

[gental_man]

هى العربية دى نزلت مصر بموتورها الجديد tsi ولا بالموتور القديم ومحدش يعرف عنوان توكيلها فى الاسكندرية متشكر جدا