مشكله جامده في الاوكتافيا رجاء المساعده

[Typerr]

السلام عليكم ورحمه الله وبركاته
انا عندي عربيه اسكودا اوكتافيا a4 تمام

امبارح العربيه كانت زي الفل
النهارده جاي بدورها لاقيت عداد rbm علي 2 المفروض انه يبقي علي 1 ونص لحد ما تسخن وبعدين بينزل
تحت الواحد بشرطه المهم فضلت بتاع 10 دقايق والعربيه نزلت لحد فوق الواحد بشرطه

قولت اسيبها شويه
وبعدين لاقيت العربيه الا rbm عمال يعلي ويوطي مره يبقي علي 3 ومره 2 ومره 1 والعربيه واقفه زي ما هي
مش عارف اعمل ايه هتجنن صوت الموتور يعلي ومره يبقي واطي

روجت عند مكانيكي كويس مش بيفتي صريح قالي انا لو عرفت هعملها لو معرفتش عليك وعلي التوكيل
قولتلوا اتكل علي الله واشتغل
فك غطاء الموتور وبعدين العمه الي بيكون فيها فلتر الهواء

في جهاز اسمه حساس الصلانصيه اللي بيكون فيه 2 ريشه لما بتقرص علي العربيه بيرفع الريشتين فهمتوا انا قصدي؟
المهم الجهاز ده ليه فيشه كهرباء راح فكوا ومنضفوا بالهواء والبنزين
وراح مركبوا تاني
قالي دور من غير ما يوصل فيشه الجهاز ده اللي هو بيقول عليه حساس الصلانصيه لاقيت العربيه بقت واطيه
ونزلت علي طبيعتها وبقت ثابته راح فاصل الجهاز ده وقالي روح التوكيل والعربيه مخنوقه تحس ان العربيه عزمها قل كتييير
روحت التوكيل
راح المهندس قالي موتور العربيه دي مش موجود في مصر اصل العربيه دي مواصفات اوربي اللي فيها 6 اير باج
ومارضيش يدخلها وقالي وديها الحرفيين
انا هتجنن بقي مش عارف اروح ليمن
وهل المشكله دي جامده
طب في حل ليها
اخر سؤال محدش يعرف تمن الجهاز ده كام وفي غلط لو العربيه مشيت من غيره

[RedBull_30]

حاول تروح للميكانيكي ده تاني وخليه يفكلك الجهاز ده وانزل عن اي حد ليه في الاستيراد للاسكودا وغيره ..

[Typerr]

الف شكر ياباشا علي ردك لجميل
بعد اذنكم محتاج ردود تانيه

[Typerr]

+111

[KHALED AYMAN]

خد الحساس و انزل الحرفيين عند الراعى الصالح ..مجدى البيومى ..واى حد بتاع قطع غيار استيراد سكودا ..وربنا معاك
لو عاوز تعملها فى التوكيل ينفع ...بس فى اسكندريه :)
وهما هيبعتو يجيبوه استيراد و يركبوه و تاخد عليه ضمان 6 شهور :)

[Typerr]

يعني دي مشكله جامده ولا بسيطه

[KHALED AYMAN]

اعتقد ان الموضوع كله حساس مهيس ..هيتغير و تبقى زى الفل

[M.Nasr]

متابع ونسبة كبيرة هيبقى العيب فى حساس الايدل idle air control valve

[Typerr]

+111

[Ahmed.Fahmy]

لو تعرف محل Go بتاع ال accessoried فى الماظة فى ميكانيكى فولكس وسكودا بس حمبه على طول وعنده الكمبيوتر سكانر بتاع العربية

[amroebraheem]

انت ساكن فين يا استاذى

[Typerr]

في فيصل ليه في حاجه حضرتك

[amroebraheem]

في فيصل ليه في حاجه حضرتك

اسف كنت بحسبك من سكان مدينة نصر كنت هدلك على واحد محترم
والسلام عليكم ورحمة الله وبركاته

[Typerr]

الف شكر للرجاله تم حل المشكله

[Ahmed15]

كانت الحساس و لا فيشة Throating ?