الrbm بيعلى لوحده وينزل تاني ؟

[midoabokhadra]

عداد ال RBM عندي بيعلى لحد 1 وشرطتين وينزل تاني لوحده وسعات بيبقى طبيعي يعني تحت ال 1 عربيتي اوكتافيا a42000 مانوال يا ريت حد يقولي اعمل اية او كدة العيب من اية ؟؟؟؟

[midoabokhadra]

اية يا جماعة محدش عارف ولا اية
ينفع الكلام دة ؟

[a_hmed]

ممكن يكون حساس بايظ بس متخدش على كلامى لان ده توقع و اعرض الموضوع فى الورشة احسن علشان الناس هنا نايمة و اعتقد مفيش مشرفين فى القسم !!

[Typerr]

[QU
OTE=midoabokhadra;3873512841]عداد ال RBM عندي بيعلى لحد 1 وشرطتين وينزل تاني لوحده وسعات بيبقى طبيعي يعني تحت ال 1 عربيتي اوكتافيا a42000 مانوال يا ريت حد يقولي اعمل اية او كدة العيب من اية ؟؟؟؟[/QUOTE]

بص ياباشا خد مني الكلام ده من الاخر نفس الكلام حصل معايا هتعمل ايه
هتنظف البوابه بالنزين والهوا
وبعدين تسيب العربيه شويه لو متعملتش وبقت فله
تروح لواحد متخصص وعنده كمبيوتر هيظبطهالك

[hakeemkimo]

هاتحتاج تغير البوابة

[Rsarabia]

حساس البوابة فكه و نضفه و ركبه تانى لو فضلت المشكلة يبقى محتاج يتغير و بالنسبة للسعر مش هقدر افيدك

[fouaa]

باشا اولا ازيك
ثانيا انا عربيتى كان فيها نفس العيب ده بالظبط وكمان فضلت ماشى بيها لحد مكانت بتوصل لحد rpm 5 ومتنزلش منو خالص غيير لما ابطل العربيه واشغلها تانى وكانت مشكله اوى فالزحمه بس رحت لكام واحد كلهم قالولى البوابه باظت لان عندنا حساس البوابه مش بيتفك زى العربيات العاديه الحساس بتاع الثروتيل او البوابه ده جوه الثروتيل والحساس ده اسمو الايدل وده فالوكتافيا مش بيتفك لازم الثروتيل كلها تتغير وتمنها فالهاشميه 50000 المهم رحت لمندس فاتح ورشه وراجل كويس جدا فالحى العشرمدينه نصر راجل كان ماسك ارتوك اتوتو فيوم من الايام والناس الى شغالين معاه كانو شغالين فالتوكيل المهم كلامو مقنع جدا قالى الاول هنعمل خطوات لان العيب ده ممكن يسببو حاجه غيرالبوابه وحرام نغيرها على الفاضى كده من غيرمنتاكد المهم قالى هننضف البوابه باسبراى وهنغير حساس الحراره بتاع الماتور وفعلا غيرنا الحساس ونضفنا الثروتيل وبعدها فضلت معلمه على الكمبيوتر ان المشكله فالبوابه قالى هنعمل الاتى هتمشى بيها مشوارين عشان تعمل شربون بدل الى اتغسل ظبطط خير وبركه زى مهيا هنعمل حاجه كمان المهم مشيت ومفيش جديد بس احسن شويه بقت زى عندك كده قالى خلاص هنغيرحاجه اسمها اويلسيلات المانافول قلتلو اوك غيرناها والعربيه بعد مشوارين بقت زى الفل من غير منغيرالبوابه بس دى تجربتى مع نفس المشكله بتاعتك دى تمام

[midoabokhadra]

طيب بالنسبة لتنضيف البوابة دة هيظبط سحب العربية كمان ولا ملوش دعوة
تنظيف البوابة دة سهل ولا عاوز حد كويس اوي ؟؟؟

[midoabokhadra]

ميرسي جدا جدا يا fouaa بس العربية سحبها بقى عامل اية بعد ما نضفت البوابة
واية السائل اللي بيتحط ف تنك البنزين دة بيعمل اية
هل دة حاجة تانية غير الاسبراي اللي بينظف البوابة ؟
اسف تاعبك معايا

[fouaa]

العفو يا باشا والله العربيه بعد منضفت واتظبتط بقت بتسحب احسن من الاول بكتير خصوصا انها كانت وصلت معايا لمرحله مبقتش تسحب خالص فى علبه اسبراى نوع معين هاقولك عليه علشان فى علب صفرا كده وحشه جدا وبتبرجل العربيه فى نوع هاجبلك اسمو لما انزل الجراش ياريت تجيبو وهتحس بفرق فظيع انا عمرى مجربت السائل بتاع التانك ده خالص ومش مقطنع بيه لانو مهما كان مش بينضف البوابه فالاسبراى فوجهه نظرى افضل اه كمان انا غيرت فلتر بنزين وفلتر هوا اصلين من عند الهاشيه فلتر البنزين الاصلى كان 65 جنيه وفلتر الهوا الاصلى كان 110 تقريبا وانا جبت بوجيهات ngk من السوق العدين تلاته شمعه لانى كنت جايب قريب بتوع اسكودا وباظو بسرعه اوى وغيرتهم

[fouaa]

طيب بالنسبة لتنضيف البوابة دة هيظبط سحب العربية كمان ولا ملوش دعوة
تنظيف البوابة دة سهل ولا عاوز حد كويس اوي ؟؟؟

والله ياباشا العربيه اكيد سحبها هيزيد بس يسلام لو غيرت قلتر بنزين وهوى وبوجيهات هتحس بالفرق اكيد وتنضيف البوابه سهل مش محتاج حد كويس اوى يعنى ممكن اى حد ينضفها هو السكودا تغير البوجيهات فيها صعب بس البرنس اوى بيغيرهم فدقيقه ومن غير ميفك حاجه عشن يفك البوجيهات

[midoabokhadra]

انا برضو لسة مغير فلتر البنزين بس جبته ب 80 شغل نصب بقى
وجبت طقم بوجيهات اصلي ب 185 مش عارف دول البوجيهات اللي انت جبتها بقى ولا اية بس هي عليها علامة الفولكس والاودي
انا عاوز اجرب موضوع السائل اللي بيتحط ف التنك دة بدل ما اروح لحد يقعد يفك ويعمل بس في واحد صاحبي قالي ان السائل دة بيوسع الرشاشات وبيخليها تاكل بنزين مش عارف بقى صح ولا لا

[fouaa]

والله انا معنديش اى خلفيه عن السائل ده ومش اعرف اى حد جربو