سؤال لمالكى فانتزيا 2011!

[gental_man]

السلام عليكم
حد ياجماعة بيسمع صوت بعد الغيار لل دى او الار وكذالك بعد ماتشيل رجلك من الفرامل اى صوت غير تغيير صوت الموتور نتيجة الغيار شكرا جزيلا جزاكم الله كل خير

[KHALED AYMAN]

يا ريت شرح اكتر..
صوت زى ايه ؟؟
وبيحصل امتى بالظبط

[gental_man]

متشكر لاهتمام حضرتك انا اما اجى ادى الغيار لل r او d العربية بتزق لورا او بترجع لورا بس العجل مبيتحركش وبسمع صوت زى حكة او تزييقة صوت ملحوظ واما بشيل رجلى من الفرامل بسمع صوت وام افرمل بسمع صوت بس مبسمعوش لما امور العربية على n مع العلم العربية جديدة عاملة لسة 460 كيلو جزاك الله كل خير

[KHALED AYMAN]

طيب عشان ابقى فاهم كويس ..
فى كده مشكلتين
1-لما بتنقل على r بتحس ان العربيه رجعت لورا (وشها بينزل لتحت و ضهرها بيعلى ..صح كده؟؟ )
2-صوت تزييق وانت بتشيل رجلك من على الفرامل ..وفى صوت لما تفرمل (يا ريت توضح الصوت ده اول ما تدوس فرامل ..ولا طول ما انت مفرمل )

[gental_man]

متشكر لاهتمامك
1-تمام زى ماحضرتك قولتك وكذالك لما ادى الغيار لd بحس العربية بتزق لقدام.بعد ماادى الغيار اسمع صوت تزييقة وحكة بس مبسمعوش لما بغير على n
2-لا الصوت عند الفرملة وعند اما اشيل رجلى انما لو حاطط رجلى على الفرامل فترة مفيش صوت. شكرا جزيلا

[KHALED AYMAN]

متشكر لاهتمامك
1-تمام زى ماحضرتك قولتك وكذالك لما ادى الغيار لd بحس العربية بتزق لقدام.بعد ماادى الغيار اسمع صوت تزييقة وحكة بس مبسمعوش لما بغير على n
2-لا الصوت عند الفرملة وعند اما اشيل رجلى انما لو حاطط رجلى على الفرامل فترة مفيش صوت. شكرا جزيلا

العفو يا باشا ..
1-الزقه لادام وورا دى عاديه ..دوس بس انت فرامل كويس و انت بتنقل ..لان الى بيحص انك لما تنقل ..قوه الموتور بتوصل للعجل و فى نفس الوقت انت مفرمل ..فبتحصل الحركه دى ..متقلقش ...
التزييقه دى فى بدايه ما تيجى تطلع ..وانت بتشيل رجلك من على الفرامل(صح ولا انا غلطان؟؟ ) ..دى لان التيل ماسك الطنابير ..وفى نفس الوقت الموتور بيزق الطنبوره او العجله عاوزها تتحرك ...

2-الصوت الصبح بدرى وهى العربيه بارده صح ؟؟

[gental_man]

اة تمام صوت الفرامل والعربية لسة بتسخن الصبح ولسة متحركتش كتير انما لصوت الحكة بعد الغيار بلاحظها عالطول بعد الغيار لو ركزت جامد اما فى الجو هادىء بيبقى واضح زى صوت حديدة حكت فى الارض

[KHALED AYMAN]

بصراحه مسمعتش الصوت ده قبل كده ..
لكن عموما تعشيقه الترس بيكون ليها صوت و ده شىء طبيعى
المهم العربيه فى نقلاتها و مشيها فى حاجه ؟؟
وحط فى اعتبارك كمان ان العربيه لسه جديده ربنا يباركلك فيها ..وملينتش ..فطبيعى تسمع بعض الاصوات
عموما انا هحاول اركز و اسمع الصوت الى بتقول عليه

[gental_man]

متشكر على الرد واهتمامك وربنا يبارلك سلام عليكم

[maj]

افادتوني يا جماعة بحواركم ده ربنا يباركلكم

[KHALED AYMAN]

العفو يا باشا ..

[RedBull_30]

بالنسبة لصوت الفرامل فده عشان الفرامل قوية جدا لانها كمان لسة جديدة .. وانا هقولك حاجة كمان هتلاقي صوت الفرامل تحديدا جاي من الطنابير الخلفية .. والدي معاه اوكتافيا a5 بصراحة بستمتع بالصوت ده فيها لان ما شاء الله فراملها حكاية كبيرة.. الصوت فعلا بيحصل وانت بتشيل رجلك من على الفرامل والعربية بتبقى بتستعد للحركة بالراحة

ربنا يباركلك فيها

[tomaz]

انا معايا فانتازيا 2011 جايبها زيرو

1. اطمن من صوت الفرامل ده عادى جدا ف كل الاوكتافيا و ده مفيهوش اى مشكله و بسمعه عندى برده

2. صوت الحكه بتاع الفتيس ده مش طبيعى و ان هى تزق لقدام و لورا مبيحصلش معايا انصحك تشوف الوكيل او نور الدين شريف بتاع اسكندريه و مبروك يا باشا

[samoreception]

حد سمع عن مركز كار فيكس يا جماعة اللى فى اسكندرية بتاع اسكودا اللى فى محرم بيك

[atef_5005]

ده صوت عادي جدا صوت تكه كده
عشان لوك الفرامل