الزجاج بيقفل لوحده والسنتر بيعلق

[mn3em]

السلام عليكم
مش هطول عليكم .... اخويا ربنا كرمه وأشتري a5 موديل 2006 الحمد لله العربيه كويسه بس فيها مشاكل كهربا يعني مثلا الزجاج الامامي بيقفل لوحده والسنتر بيعلق " الزرار اللي جنب الفتيس " غالبا عامل قفله مع الزجاج الامامي وفيشة الفانوس الامامي شمال مكسور فلازم تتغير وكان عايز يكشف علي زيت الفتيس لو محتاج يتغير او الفلتر بتاعه يتغير فمش عارف هل نروح توكيل ولا اي كهربائي ممكن يحل المشكله دي بس لو توكيل يبقي ايه ولو كهربائي يبقي مين وفين معلش انا معايا اوبترا فمكنتش مهتم بالاوكتافيا فمعنديش خبره فيها وعندي امل كبير ان شاء الله ان الاخوه هنا يفيدونا وللعلم احنا في الهرم بس لو المكان بعيد مش مشكله بس المهم يكون حد مضمون وكويس لان الواحد خايف بصراحه يروح لأي حد وخلاص ولكم جزيل الشكر

[rasim]

السلام عليكم
اى كهرباء انت واثق فية
اصل التوكيل غالى
اعتقد تغير زيت وفلتر بالمره لو الراجل ما مش مغيرة
وفى واحد بس مكنيكى فىالهرم عند المول بس مش متاكد ده واحدقالى علية
وربنامعاك

[samoreception]

سلام عليكم يا استاذ منعم حضرتك ممكن تكون دافع مش اقل من 100 الف فى العربية فاحسنلك واديها التوكيل كشف شامل ب285 جنية وبيقولك كل اللى المفروض يتغير فيها بالظبط وساعتها انت وحريتك لو تعرف حد تثق فيه بيشتغل فى اسكودا خليه يظبطهالك وبعدين متسترخصش فى قطع الغيار وهات اصلى لان بجد ( الغالى رخيص ) وبعدين ما شاء الله الاوكتافيا من العربيات المعمرة فاهتم بيها علشان تديك خيرها وان شاء الله يكفيك شرها

[mn3em]

السلام عليكم
اى كهرباء انت واثق فية
اصل التوكيل غالى
اعتقد تغير زيت وفلتر بالمره لو الراجل ما مش مغيرة
وفى واحد بس مكنيكى فىالهرم عند المول بس مش متاكد ده واحدقالى علية
وربنامعاك

أشكرك يا باشا علي الرد بس المشكله اني معرفش كهربائي كويس والراجل قال انه مغير الزيت علي ال 100000 بس انا عايز اتأكد ان الزيت متغير ولا لأ ومحتاج تغيير فلتر ولا لأ

[mn3em]

سلام عليكم يا استاذ منعم حضرتك ممكن تكون دافع مش اقل من 100 الف فى العربية فاحسنلك واديها التوكيل كشف شامل ب285 جنية وبيقولك كل اللى المفروض يتغير فيها بالظبط وساعتها انت وحريتك لو تعرف حد تثق فيه بيشتغل فى اسكودا خليه يظبطهالك وبعدين متسترخصش فى قطع الغيار وهات اصلى لان بجد ( الغالى رخيص ) وبعدين ما شاء الله الاوكتافيا من العربيات المعمرة فاهتم بيها علشان تديك خيرها وان شاء الله يكفيك شرها

وعليكم السلام Mr. samoreception فيه ناس فعلا قالوا الكلام اللي حضرتك بتقوله ده وفيه ناس رشحتلي الاقصي اللي في الزهراء في المعادي بس لسه مش عارف هل هو كويس ولا ايه ؟ واشكرك علي النصيحه دي

[samoreception]

على فكرة انا من الهرم زى حضرتك بس اغلب الوقت بكون فى اسكندرية وحاليا انا فى دبى ومجربتش حد فى القاهرة بس حضرتك ممكن تشوف ايه اخبار الفروع فى موضع اسمه مراكز الخدمة لسكودا وهتشوف ردود الناس وهتفيدك وصدقنى علشان متندمش دخل العربية التوكيل ضرورى جداااااااااااااااااااااااااااااااااااااااااااااااا ا

[midoabokhadra]

ممكن تعرف العيوب اللي فيها من التوكيل ولو حبيت تغير ف التوكيل غير محبيتش ممكن تشتري القطع الاصلية
وتروح لحد شغال ف الالماااااااااني انا عن نفسي بروح طنطا ورشة كبيرة اللي فيها كان شغال فا لتوكيل وما شاء الله شغله حلو وبيشتغل ف اسكودا وفولكس
اما الكهرباء اتاكد الاول من حد كويس علشان كل كهربائي بيقعد يلعب ف الفيوزات بيبوظ الدنيا
ربنا معاك ويكفيك شرها

[rasim]

السلام عليكم
وانا كمان بدور على كهربائى
على فكره ممكن تعمل زى ما الاخ قال تروح التوكيل تعرف المشاكل وتغير برده

[mn3em]

بشكركم علي الرد وهو وداها للاقصي اللي في زهراء المعادي وغير الفيشه بتاع الفانوس وقاله انه لازم يغير مفتاح الزجاج والسنتر بس هو بصراحه اتزنق في فلوس وأجل موضوع تغيرهم مؤقتا لأنه وهو راجع اول امبارح م الشغل لقي ناس بتشاورله علي الكاوتش نزل بص لقي دخان فتح الكبوت لقي زيت عند السربنتينه بتاع التكييف والمراوح وطرطشة زيت علي الموتور من فوق المهم راح لبنزينه قاله احتمال يبقي زيت فتيس :( المهم اخد عربيتي امبارح وانا اخدت عربيته علشان اشوف ايه الموضوع لأن شغلي في المعادي قريب من صقر قريش وسألت علي ميكانيكي كويس في صقر وصفولي واحد المهم رحتله وفكوا المصفحه وبصوا علي العربيه وقالولي ده الفريون بتاع التكييف وكانت معلومه جديده بالنسبه لي ان الفريون بيكون زيت وغاز واتضح ان خرطوم التكييف مقطوع لأنه كان قريب جدا من المروحه ولقيت ان فيه خرطوم بتاع العمه مقطوع ... قالي جديده بحوالي 500 جنيه ومش هتلاقيه غير في شارع دمشق عندي الشهبوري تقريبا حاجه كده مش فاكر الاسم وقالي انه عنده واحده استيراد ب 250 جنيه قلتله ماشي وركبها وقفل المصفحه واخد 300 جنيه ووصفلي واحد اسمه محمد سعيد في المعادي برضوا علشان حوار الخرطوم بتاع التكييف رحتله قالي ده معمول عموله وهعملك واحد عموله برضوا ب 140 جنيه وشحن فريون ب 180 جنيه بس كان عندي مشوار وملحقتش اعمل حاجه وهروح اكمل انهارده ان شاء الله . حبيت اقولكم تجربتي يمكن حد يستفيد منها او يفيدني لو فيه حاجه غلط وجزاكم الله خير

[Samirbasha]

انا معايا اية 5 و كان معايا نفش المشكله فى الكهرباء , و المشكلة كانت فى المستر الى بتحكم فى الاربع زجاج الابواب و صنيعى قالى حخلصهالك فى الورشه وبصراحة رحت التوكيل فى صيانه 100 الف مغيرت المستر كامل 500 جنيها وهيا كانت غلطتى لانى دخلت مياة للباب الامامى فبرجاء روح التوكيل و متسترخش لان الغالى رخيص