عايز اشترى شاشة السىدى وبها كاميرا خلفيه

[Samirbasha]

عايز اجيب شاشة ملتى مديا وبها كاميرا خلفيه لانى معنديش حسسات خلفية و كام يكون سعرها وهل بتبوظ منظر العربيه

[heshamzaky]

لو ركبت الشاشة دى ممكن تركب عليها سينسور باركنج و حا تبقى صور كأنها فيديو و الباركنج سينسور فية ب 150 و فية ب 170 جنية غير ثمن الشاشة طبعا

أنا مركب شاشة الى فى الشماسة أحسن بكتير من الى فى المرايا الى فى المرايا فيها بلوتوث
الى بتركب على المرايا حا تضايقك فى السواسقة جربتها و شيلتها
الشاشة الى فى الشماسة الى جبتها نوعها سيمفونى كويسة 7 بوصة صورتها ممتازة ممكن تشغلها يا أما بفلاشة يا تروح تشترى كارت ميمورى سواء 4 جيجا أو 8 جيجا
الامتداد بتاع الافلام avi بس بعض الافلام حتى لو avi بس النسخة بتاعات الفيلم axxo مش بتشتغل و بيشغل أغانى و بيعرض صور و فيها ساعة

سعر الشاشة جديد مع ضمان سنة 390 جنية و ليها ريموت و الصور بتاعتها أهية

[Samirbasha]

جزاك الله خير يا هشام طب اشتريها منين وهل السنسر دا عبارة عن كاميرا خلفية بقدر اشوف بيها خلف السيارة

[heshamzaky]

جزاك الله خير يا هشام طب اشتريها منين وهل السنسر دا عبارة عن كاميرا خلفية بقدر اشوف بيها خلف السيارة

العفو على اية .
السينسور دة عبارة عن زى 4 عدسات بيتخرم فى الاكصدام الخلفى و بيركبو و حا تشوف على الشاشة الشارع لايف و شوفت ناس مشغلاة مع المرشدير فقط و ناس مشغلاة على طول مش عارف أية السبب بيشوف الشارع على طول و هو ماشى كأنك بتصور فيديو كدة بس من غير تسجيل طبعا و الصور على الشاشة بتطلع
السينسور شوفة عند محل مجدى الى فى شارع الحجاز و قالى يركب بس أنا لسة ما ركبتش السينسور مشغل الشاشة للولاد كرتون على طول

[Samirbasha]

جزاك الله خير يا هشام و النهاردة كنت عند اشرفطو وسألت على شاشه فى محل جنبة ولاقيها ب 500 جنيه فيها مكان للسديهات. فالسعر دا جميل بس اخوك من اسكندريه و ميعرفش كتير فى القاهرة هو شارع الحجاز دا فين وعند محل مجدى حلاقى بردك الشاشة و السنسور

[heshamzaky]

مش حلوة عارفها كويس عندى واحدة بس بايظة و موضوع السى دى دة مزعج جدا كارت الميمورى أفضل .
و مش عارف ينفع يتوصل عليها كاميرا و لا لآ و 500 جنية غالية شويتين
السيمفونى الراجل قالى يركب عليها الكاميرا بتاعت السينسور
حاول تشوف محل فى الاسكندرية أفضل طبعا من نزول القاهرة ألا لو أنت كدة كدة بتنزل القاهرة
الشاشة حا تلاقيها فى شارع دمشق و الافضل من التوكيل الى فى التوفيقية و يختم لك الضمان بتاعها

[Samirbasha]

انا مقيم فى القاهرة بس معلش ازاى اروح التوفيقية و العنوان اية

[heshamzaky]

انا مقيم فى القاهرة بس معلش ازاى اروح التوفيقية و العنوان اية

فى وسط البلد على شارع رمسيس العمومة أمام سنترال رمسيس لو رايح بمترو الانفاق محطة جمال عبد الناصر و التوكيل بتاع سيمفونى فى محل كدة داخل المول الى فى التوفيقية محل عادى بس دة توكيل سيمفونى الى فى التوفيقية و فى محل على ناصية الشارع اسمة ارخصهم حا تلاقى عندة شاشات ماركات أخرى ب 280 جنية تقريبا

[Samirbasha]

ربنا يكرمك يا هش و الله مشعارف نودى جميلكم فين وجزاكم الله خير

[heshamzaky]

ربنا يكرمك يا هش و الله مشعارف نودى جميلكم فين وجزاكم الله خير

العفو على أية و أبقى قولنا الاخبار أية