ارجو الافادة اشترى فانتازيا ولا جيتا ولا انترا الشكل الجديد 2012

[mohamed4sohail]

ارجو من اهل الخبرة الافادة هل اشترى فانتازيا ولا جيتا ولا انترا الشكل الجديد 2012 ولو فية حاجة تانى افيدونى وللعلم انا كان معاية عربية نوبيرا وكنت بعانى من الصاج الخفيف والانخفاض على الارض والمطبات وعاوز ركوبة حلوة

[mmffor]

الجيتا الشكل الجديد تحفة
لكن انصحك بالفانتازيا لان نفس موتور و عفشة الفولكس لكن قطع غيارها ارخص عن الفولكس و توكيلها احسن
ده لو عايز ركوبة للعمر الطويل و متوجعش دماغك و توكيل محترم
لكن لو عايز شكل و كماليات يبقى النترا 2012 لكن لو لا قدر الله اي مشكلة توكيل متعب في المعاملة و السيارة خفيفة ( وزنها فاضية 1120 كيلو ) على الحجم ده - من الاخر منفوخة على الفاضي

[mohamed4sohail]

متشكر على النصيحة وسرعة الرد وجزاكم اللة فى ميزان حسناتك ممكن سوال هل الفنتازيا كاتين

حديد ولا كاوتش وبتتغير كل اد اية

[abdullahalbadr]

أخي الكريم أنا كنت فى نفس المشكله دى من شهرين ، وللعلم أنا معايا لانسر بومه 2006 ، ومازدا 2010 (بتاعت المدام) ، وسيراتو 2010 بتاعت الشغل ، وكنت عاوز أغير اللانسر وكنت فى حيره بين الجيتا والفانتازيا والألنترا. ودى تجربتى
- الجيتا عربيه تحفه (خصوصا الخليجى منها) ، العربيه فيها جميع الكماليات اللى موجوده فى المرسيدس ، بس فيها عيوب ، أولها العربيه واطيه على الأرض ، وده رغم إنه بيديها ثبات على الطريق إلا إنه بيبهدلها من تحت وخصوصا إن الطرق عندنا فى مصر حدث ولا حرج ، والعيب الثانى إن العربيه هتنزل بموتور 1400 سى سى وده يعنى بنزين 95 أو 98 ولا أقل من كده ، أما العيب الثالث إنك لو عاوز تجيب من الوكيل (يعنى مش خليجى) فده يعنى أوبشن أقل وخدمه من الوكيل رديئه جدا بس ده لا يمنع إن العربيه فى المجمل ممتازه وخصوصا لواحد مش بتاع حركه كتير (من البيت للنادى والعكس ).
- الفانتازيا عربيه جمده ، وفيها نفس الأوبشن اللى فى الجيتا ، وما يميزها عن الجيتا إنها أوسع وخصوصا الشنطه ، لو مش عاوز تنام فى البيت ممكن تنام فى الشنطه وإنته مرتاح (وسع ملوش حل تاخد إثنين جنب بعض) ، بس فيها مشكله (زى الجيتا) ممكن تتعود عليها ، مش زى اليابانى أو الكورى فى الطلعه الأولى ، بس لما بتجيب الغيار الثالث العربيه ملهاش حل ، ثبات يخوف بصراحه ، أنا جبت بيها 140 على طريق السويس القاهره وبقيت مش حسس إنى على 140.
- الألنترا عربيه جميله ، بس مش بتاعت شغل زى اللانسر أو الفانتازيا ، وبصراحه كتير عليها السعر بتعها ، وما فيهاش نفس الأوبشن بتاع الفانتازيا أو الجيتا.
أخيرا لو نويت على أى منهم (خصوصا الجيتا أو الفانتازيا) خليك فى الخليجى وما تخفش ، أوبشن أعلى و كولتى أفضل ، وبالنسبه للضمان فى شركات دلوقتى بتقدم ضمان على العربيات زيها زى شركات التأمين
على العموم ربنا يوفقك وصلى إستخاره وربنا يهديك للأحسن ولو عندك أى سؤال أنا تحت أمرك

[abdullahalbadr]

معظم العربيات دلوقتى كتينه كوتش ، والفانتازيا برضه

[KHALED AYMAN]

الجيتا نازل شكل جديد ..مش هينزل باضافات كبيره ..مجرد تغيير شكل ..الكارثه لو نزلت بالنسخه الامريكيه (هتبقى فضيحه بصراحه لان الشكل الحالى احسن منها فى الخامات و التكنولوجى)
استنى لما تنزل و قرر بينها و بين الفانتازيا
لكن مع احترامى للالنترا
لسه كتير اوى (و غالبا مش هييجى الوقت ده) اننا نقارن عربيه كورى بالمانى :(
الالنترا جميله جدا ..فى فئتها
لكن عمرها ما هتبقى بثبات ولا امان ولا بالعمر الافتراضى ولا بجوده الجيتا او الفانتازيا

[KHALED AYMAN]

سير الكاتينه بتاع الفانتازيا بيتغير كل 60 الف كم

[Youssef.Awad]

بصراحة حضرتك بتقارن الالانترا بعربيات فى فئة اعلى منها
ومش فكرة موديل وشكل جديد وخلاص بص حواليك فى الشوارع وانت تشوف الفرق بين العربيات دى وغيرها
وحيث انك بتشتكى من انخفاض العربية ع الارض
فابعد عن الالانترا والجيتا
وخليك فى الاوكتافيا ركوبة حلوة وعضمها ناشف وتستحمل كل حاجة

[mohamed4sohail]

اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك

[tam77]

أنا كنت فى نفس مشكلتك أعدت أربع شهور أقارن بين جيتا وأوكتافيا وتحليل وركبت العربيتين وكنت ميال للجيتا بس لاقيت مشاكل هتقابلينى كتيره بعد كدة
1- العربية وطية على تجربة
2- مشاكل فى الفتيس والفتيس ب71 ألف جنية لوحدة
3- أعادة البيع هتنزل جامد فى سعرها

فقررت وجبت فانتازيا عربية كبيرة وعالية تحس أنك ماشى بهامر قطع غيارة متوفرة وسعرها معقول و أعادة البيع سعرها فيها

[vampero]

هيا اذواق بس انا امبارح شفت الجيتا الجديده اسود فل اوبشن هنا فى قطر حاسس ان القديمه احلى وبكتييييييير

[mohamed4sohail]

ياريت تبقى همر
طب اشترى خليجى ولا توكيل
ومنيين

[MOUSTAFA_SAAD]

فانتازيا احسن طبعا

[mohamed4sohail]

طب ممكن اسئل حضراتكم لو اشتريت الخليجى هيحك من تحت ولا اية ارجو الافادة بسرعة

[ahmad_luca]

يا افند م حضرتك هتلاقى انحيازيه فى الاراء فى المنتدى هنا فل القسم
عايز تعمل مقارنه حطها فى قسم المقارنات
يا اما تسأل عن كل عربيه لوحدها فى القسم بتاعها
عشان تاخد اراء حياديه و محدش يشكر فى عربيتو

وبعدين حضرنك حدد انت عايز ايه فى العربيه

يعنى مثلا عايز عربيه اكسسورها رخيص ومتوفر و ناعمه و اعلى فئه فل العربيه ب 155 يبقى هيونداى ( مثلا لو اتكلمت عن قطع الغيار الفروق كبيره مثلا الفتيس الجيتا الى مكتوب ب 71 الف !!!!)فالهيونداى عربيه تتركب وتوفر مش لو حدخبطهالك تدفع تلت اربع تلاف فى فانوس او اكتر يمكن
يعنى الالنترا اختيار حلو جدا . فخامه , خامات مش اد كده(لو هاتقارن بالجيتا و الاسكودا ) .. تقريبا ناعمه زيهم , السحب احسن فى الاول دا حاجه ملحوظه ., و ممكن كمان على العالى , لان العربيه خفيفه , الثبات اكيد اقل بس مش 128 يعنى ,
مل الاخر محدش هيقولك هات النترا عشان كورى بس (مش عارف ليه الهجوم على الكورى )
العربيه بتستحمل و اعتقد مفيش حد بيشترى عربيه بيعقد بيها اكتر 7 او 8 سنين ف الكورى زى الالمانى
الفرق هاتلى المانى و كورى موديل 95 هتلاقى فروق عظيمه لان الخامات هتفرق , والتكنولوجيا هتفرق لو مرسيدس مثلا
الكورى عمره اكيد اقل بس مش بيعقد سنه او اتنين يعنى و العربيه تبوظ

الجيتا و الاسكودا قريبن من بعض ممكن تعمل مقارنه بينهم لوحدهم ,, الفرق جرب تركب دى و جرب تركب التانيه اللى تعجبك هاتها
لان الفروق بسيطه و العيوب بسيطه لان العربيتين ممتازين جددددددددددددددددددداااااااااااااااااااااااااااااا ااا
بس ممكن حاجه متعجبكش يعنى ممكن مثلا الاسكودا (ناشفه شويا صغيرين ) و ديفوهات بقا والشكل و ممكن الجيتا واطيا و هكذااا



رايي شوف الاعلى فل التكنولوجى و هاتها ,, لو autoparking , rain sensors , parking sesors ,ESP ,abs , trip computers , blutooth , gps , climate control وووووووووووو
اى واحده اعلى فل التكنولوجيا هتكون احسسسسسسسن