تغيير زيت الفتيس - صيانة 60000

[ashahin2002]

النهاردة أنا كنت في التوكيل (مركز صيانة الوهدان - 6 أكتوبر) و المهندس قاللي معلومة جامدة جدا و كنت أول مرة أسمعها ألا و هي لا يتم تغيير زيت الفتيس نهائيا طالما لم تحدث مشكلة تستدعي ذلك و قاللي ان اللي بيعمل كده ممكن يسبب مشكلة في الفتيس من غير داعي.
و دي كانت تعليمات سكودا من حوالي سبع شهور حتي جدول الصيانات بتاع الواهدان بيقول ان زيت الفتيس لا يتم تغييره علي مدار الصيانات الدورية.
(ملحوظة: الكلام ده ينطبق علي الفانتازيا و a5 و الفابيا و ليس a4)

[KHALED AYMAN]

الكلام ده غريب جدا جدا جدا
لان التوكيل نفسه بيشدد على ضروره تغيير زيت الفتيس عند 60 الف كم ..وكذلك مركز نور الدين شريف المعتمد ليهم فى اسكندريه ..
حتى انا كنت فى مركز نور الدين شريف مره بعمل صيانه 55 ..قالولى يا اما تغير زيت الفتيس دلوقت ..يا اما تيجى كمان 5000 كم ..لانه لازم يتغير عند 60 الف كم حفاظا على الفتيس ..

http://www.nilemotors.net/Nile/221404-a.html

وده موضوع انا عامله ..عن تغيير زيت الفتيس ..
ومن خلال متابعتى للعربيه ..الناس الى حصلت لها مشكله فى الفتيس ..بتحصل بعد 60 الف كم ..وبيكونو مغيروش الزيت ..وناس كتير عدت ال 60 الف كم بدون مشاكل ..وكانو بيغيرو الزيت فى ميعاده

[ashahin2002]

و الله هو ده الكلام اللي اتقللي نصا علي لسان مهندس الصيانة و أكد لي ان التعليمات دي جديدة من حوالي 6 أو سبع شهور.
طيب في حل اننا نبعت للشركة الأم نسألهم. لو حد يعرف الميل بتاعهم يقوللنا عليه و نبعتلهم نتأكد من المعلومة دي.
بس الصراحة الناس محترمين يعني أكيد مش هيبوظوا العربيات اللي بتصين عندهم و يفقدوا سمعتهم بالعكس ده مكسب ليهم هيخسروه.

[tam77]

النهاردة أنا كنت في التوكيل (مركز صيانة الوهدان - 6 أكتوبر) و المهندس قاللي معلومة جامدة جدا و كنت أول مرة أسمعها ألا و هي لا يتم تغيير زيت الفتيس نهائيا طالما لم تحدث مشكلة تستدعي ذلك و قاللي ان اللي بيعمل كده ممكن يسبب مشكلة في الفتيس من غير داعي.
و دي كانت تعليمات سكودا من حوالي سبع شهور حتي جدول الصيانات بتاع الواهدان بيقول ان زيت الفتيس لا يتم تغييره علي مدار الصيانات الدورية.
(ملحوظة: الكلام ده ينطبق علي الفانتازيا و a5 و الفابيا و ليس a4)

كلام غريب أول مرة أسمع أن زيت فيتيس ميتغيرش

[superb]

نفس الموضوع من توكيل فولكس فاجن الأسكندريه .. زيت الفتيس لا يتم تغييره .. هو كلام جديد .. لاكن متابع بشده و نشوف كل الأراء و اهل الخبره؟

[ashahin2002]

أدينا هنشوف بس يا ريت لو حد يعرف معلومة مؤكدة يقولنا

[ashahin2002]

معقول كل الخبراء دول و مفيش حد قادر يفيدنا. ؟؟؟؟!!!!

[samoreception]

يا جماعة والله انا هتجنن انا هنا فى دبى ونفس الكلام بيقولوا متغيرش الزيت مادام لايستدعى ذلك بس فى انواع عربيات تانى كانت معايا بيتلز و ماذدا وهوندا وتيوتا
وحاليا انا معايا اوكتافيا a5 فى مصر وفى مراكز بتقول تغير وفى مراكز بتقول لاء

[ashahin2002]

الموضوع ده خطير جدا و الأخطر أنا أعرف ناس الفتيس باظ بسبب تغيير الزيت لأن الحلوين اللي غيرولوا الزيت اللي هم التوكيل بوظولوا فالف و كع فيها 7000 جنيه بعد خصم 50% يعني كان لازم يدفع 14000

[zanativich]

باختصار
الاسبوع الى فات كنت فى وهدان
قولت عايز اغير زيت الفتيس المهندس قالى لو فيه حاجة للتغير هغير
وغيرت
كان من 4 سنين 165000 كم

[KHALED AYMAN]

العربيات دى الى جابها مصر ..ارتوك اوتو ..
وهو الى ضامن العربيات دى
يبقى عشان الواحد يبقى فى الامان ..
انا هسأل ارتوك اوتو نفسه
لو قال منغيرش ..يبقى منغيرش ..ولما تبوظ يتصرف هو بقى فى الضمان
لو قال نغير يبقى نغير
لكن فى حاجه لازم ناخد بالنا منها
انا اعرف ناس مغيرتش الزيت و الفتيس باظ بعد 60 الف كم
واعرف ناس غيرت الزيت والفتيس محصلوش حاجه حتى بعد ال 60 الف كم
ومعرفش ولا واحد غير الزيت و حصلتله مشكله

[samoreception]

والله يا خالد حاجة تجنن فعلا لانى فى شركات كبيرة جدا فى مجال السيارات هنا فى دبى وكل لما اسال يقولولى لاء متغيرش وانى بيتغير عند الحاجة فقط لا غير وحتى فى كتاب الصيانات كلها مفيش معاد لتغير زيت الجير انا بصراحة مش عارف اغيره ولا لاء

[AhmedBahgat]

طيب إيه الضرر من تغيير زيت الفتيس طالما تم الإلتزام بالطريقة و النوع الأصليين ؟

[inspiron]

مش عاوز أتكلم كتير ..بس الل أقدر أقوله زيت الفتيس التيبترونيك في الأوكتافيا ...لازم لازم لازم يتغير بعد 60000 كم كحد أقصي.لازم لازم لازم.

[tam77]

بسيطة نسأل الشركة الأم ونسال على السيارات الى بتيجى مصر لآن كل دولة لية مواصفات معينة