فيديو لتسارع عربيتي الفانتازيا

[inspiron]

ده فيديو بإستخدام الموود العادي ( d ) مع تشغيل التكييف.وهبقي أقول ملحوظة في النهاية عرفتها من التوكيل علي التكييف.وبصراحة أرفع للشركة القبعة علي الملحوظة دي.

YouTube - ‪01072011003‬‏

صوت الدربكة في الأول ده لأني عديت علي زلط في الطلعة.


وده فيديو إختبار التجاوز...بالتكييف بردو

http://www.youtube.com/watch?v=bWp9tvqcb1Q

ملحوظة التكييف إيه بقي.إن الأوكتافيا والجيتا والجولف والباسات والسيات والأودي...كمبريسيور التكييف في watt sensor ..وده وظيفته إيه.إن العربية أثناء نقل السرعات علي rpm عالي الكمبريسور يفصل تماما.وده لحمايته من الإحتراق.لأن معروف لما التكييف يكون شغال غلط العربية توصل لـ rpm عالي

[eng.m7md.ali]

بسم الله ماشاء الله ربنا يباركلك فيها ويكفيك شرها
14.5 ثانية بالتكييف بس من غير التكييف ممكن تبقى 13 ثانية مش كدة؟

[kar!m]

ما شاء الله .. ربنا يبارك لك فيها و يحفظهالك .. على فكرة اللانوس برضة التكييف بتاعها بيفصل عند rpm عالى :-)

[inspiron]

بسم الله ماشاء الله ربنا يباركلك فيها ويكفيك شرها
14.5 ثانية بالتكييف بس من غير التكييف ممكن تبقى 13 ثانية مش كدة؟

من غير التكييف 13 ثانية بالظبط.وبالمود الرياضي ( s ) بتبقي 12.5 ثانية...

ثقل العربية دي مش عشان الموتور ضعيف عليها.عشان الفتيس ده مش بتاع كيك داون.هو فتيس كسول شوية.لكن بعد الـ 100 ممتاز.

[horas3000]

بسم الله ما شاء الله
ربنا يبارك لك فيها يا زعيم
مش عارف مش عايزين ينزلوها بال DSG ليه لغايه دلوقتي

حاجه تانيه لفتت نظري
انك مشغل التكيف و درجه الحراره 28 درجه
طب تعمل ايه في ده

[inspiron]

بسم الله ما شاء الله
ربنا يبارك لك فيها يا زعيم
مش عارف مش عايزين ينزلوها بال dsg ليه لغايه دلوقتي

حاجه تانيه لفتت نظري
انك مشغل التكيف و درجه الحراره 28 درجه
طب تعمل ايه في ده

يا خبرررررررررررررر دي عربية إيه دي

[mmffor]

درجات الحرارة دي في الكويت بس 55 و 56 و هبل
في مصر لما بتبقى 40 الناس بتطلع من هدومها

[horas3000]

يا خبرررررررررررررر دي عربية إيه دي

اللي في التوقيع يا زعيم

درجات الحرارة دي في الكويت بس 55 و 56 و هبل
في مصر لما بتبقى 40 الناس بتطلع من هدومها

لا و تخيل بتبقي قاعد في التكيف في درجه حراره 19 او 20 وتطلع في الجو ده و تخش تاني
صباح البستره يعني

[AutoTycoon]

بسم الله ما شاء الله
ربنا يبارك لك فيها يا زعيم
مش عارف مش عايزين ينزلوها بال dsg ليه لغايه دلوقتي

حاجه تانيه لفتت نظري
انك مشغل التكيف و درجه الحراره 28 درجه
طب تعمل ايه في ده

انا بس عايز اسأل سؤال بجد ... هي بوية العربيات بتستحمل الكلام ده ازاي؟

[abdullahalbadr]

ربنا يبارك لك فيها ، ويديك خيرها ويكفيك شرها ، وعلى مهلك ، بصراحه العربيه دى كل يوم بكتشف فيها حجات أكتر من اليوم اللى قبله.

[horas3000]

انا بس عايز اسأل سؤال بجد ... هي بوية العربيات بتستحمل الكلام ده ازاي؟

ما هو هو ده سر و معني المواصفات الخليجيه يا زعيم
المواصفات الخليجيه مش معناها كماليات اكتر و السلام بل معناها بويه و خامات طبلون و كراسي مخصصه لتحمل الحراره دي ده طبعا غير نظام التبريد و التكيف
و طبعا الكوتش و انواع الزيوت برضه ليهم مواصفات خاصه للحراره العاليه ده
و عندك مثلا العرف هنا انك تغير كوتش عربيتك كل سنتين بغض النظر عن المسافه اللي مشيتها بيهم لان الاسفلت بيبقي مولع و تيجي انت تمشي عليه و طبعا بسرعات عاليه فطبيعي يتاكل بسرعه
و سيبك من البويه و العربيات من اساسه مش تسال ايه تاثير الكلام ده علي البني ادمين

[AutoTycoon]

ما هو هو ده سر و معني المواصفات الخليجيه يا زعيم
المواصفات الخليجيه مش معناها كماليات اكتر و السلام بل معناها بويه و خامات طبلون و كراسي مخصصه لتحمل الحراره دي ده طبعا غير نظام التبريد و التكيف
و طبعا الكوتش و انواع الزيوت برضه ليهم مواصفات خاصه للحراره العاليه ده
و عندك مثلا العرف هنا انك تغير كوتش عربيتك كل سنتين بغض النظر عن المسافه اللي مشيتها بيهم لان الاسفلت بيبقي مولع و تيجي انت تمشي عليه و طبعا بسرعات عاليه فطبيعي يتاكل بسرعه
و سيبك من البويه و العربيات من اساسه مش تسال ايه تاثير الكلام ده علي البني ادمين

معقول الكلام ده ؟ ,, انا اعرف ان الفرق في الكماليات و عوامل الأمان و شكراً
طب لية مش بحس بفرق بين اللانسر الخليجي و المصري؟
ربنا معاك يا باشا.. انا كنت في الأمارات لفترة و عارف الجو صهد فظيع زي الفرن

[dramir1]

ربنا يبارك لحضرتك في الاوكتافيا .....هى انهي فئه وموديل كام
حضرتك بارع في التقارير..... برجاء عمل تقرير مفصل عن العربيه
لان في عربيه فانتازيا اول فئه اتوماتيك زيرو بس موديل 2010 بضمان الوكيل ... وممكن يعمل فيها تخفيض كويس ...تفتكر تستاهل كام ؟
والغريب اني شفت فيها بلوتوث للموبايل وطاره مالتي مع اني عارف ان البلوتوث مش بتنزل في 2011 في اول فئه فهل كانت بتنزل في 2010 اول فئه وكيل بالبلوتوث؟؟؟؟

[yoko]

ملحوظة التكييف إيه بقي.إن الأوكتافيا والجيتا والجولف والباسات والسيات والأودي...كمبريسيور التكييف في watt sensor ..وده وظيفته إيه.إن العربية أثناء نقل السرعات علي rpm عالي الكمبريسور يفصل تماما.وده لحمايته من الإحتراق.لأن معروف لما التكييف يكون شغال غلط العربية توصل لـ rpm عالي

ما شاء الله وفعلا كل الأوروبي الكومبريسور بيفصل لما تحرق على الموتور

[inspiron]

ربنا يبارك لحضرتك في الاوكتافيا .....هى انهي فئه وموديل كام
حضرتك بارع في التقارير..... برجاء عمل تقرير مفصل عن العربيه
لان في عربيه فانتازيا اول فئه اتوماتيك زيرو بس موديل 2010 بضمان الوكيل ... وممكن يعمل فيها تخفيض كويس ...تفتكر تستاهل كام ؟
والغريب اني شفت فيها بلوتوث للموبايل وطاره مالتي مع اني عارف ان البلوتوث مش بتنزل في 2011 في اول فئه فهل كانت بتنزل في 2010 اول فئه وكيل بالبلوتوث؟؟؟؟

متشكر يا جماعة علي الردود

أستاذي العزيز..متشكر ليك أولا..أنا فعلا عامل تقرير مفصل عنها وهي 2010 ونازل فيها bluetooth و multifunction...

بالنسبة للسعر وهي زيرو فأعتقد مش هتفرق كتير عن 2011 لأن لازم يحسب ليها حاجتين فقط مش في 2011.البلوتوث وغطاء المحرك العازل.

عموما أنا بجهز موضوع فيه فيديو تاني وفي لينك التقرير إن شاء الله