كمبريسور اوكتافيا a5

[gomangy]

اعزائي الاوكتافية
عندي مشكله في الكومبورسر اتكسر لوحده وانا ماشي في امان الله فجأه
فيا تري سعره ايه
انا موجود في سوهاج ونزلت اسيوط استفسر من الصنعيه فالكلام مختلف اوي وكتير
يعني ناس قالت انو يمشي عليها بتاع الفكترا والدايو والعيون
وناس قالت لا يمشي عليها بتاعها والاسعار كمان متفاوته جدا جدا
فيا ريت اصحاب الخبره يدلوني اعمل ايه عشان الجو بصراحه لا يطاق وانا العربيه لسه شاريها من حوالي شهر فملحتش اتهني بيها
واسف عالاطاله

[gomangy]

كل كم المشاهدات دي ومفيش اي رد
مكنش العشم والله يا قسم السكودا انا توقعت هلاقي ردود من الاخر لكن يلا حصل خير
ومشكور علي التعليقات

[inspiron]

يعني إيه إتكسر

[MAK_US1977]

اللي اعرفو انو استيراد ممكن تجيبو لو لك معرفه في الحرفيين بحوالي 2500
سمعت انو في التوكيل ب6500 بس مش متاكد

هو هو بتاع الجيتا

[gomangy]

يعني إيه إتكسر

يعني اتكسر الجسم بتاعه اثناء سيري باعربيه

[gomangy]

اللي اعرفو انو استيراد ممكن تجيبو لو لك معرفه في الحرفيين بحوالي 2500
سمعت انو في التوكيل ب6500 بس مش متاكد

هو هو بتاع الجيتا

مشكور لاهتمامك وردك وانا لقيت كباس دانسون ياباني وعليه ضمان سنه ضد اي عيوب وسعره 2700

[rompo10]

ركب بتاعها احسن

[hishoo_85]

انت عملت الصح كويس سعره وربنا يكفيك شرها والياباني ممتاز

[wawamoha]

انت تدور عل واحد بتاع تكييف سوبر - صنايعي يعني و قبل ما تشتري الكمبروسور الجديد تساله ينفع اركبه و للا لا ؟
ربنا يوفقك

[gomangy]

انا الحمد لله ركبت الجديد الياباني والحمد لله تبريده عشره علي عشره وزي الفل وبالتركيب وكله كلفني 3150 جندي والحمد للله
ومشكور لكل الاعضاء اللي اهتموا وشرفوني بردهم علي موضوعي

[khalid salem]

السلام عليكم ممكن تركب كمبريسور رينو كليو ممتاز وتبريد جيد وسعرة استيراد 600 جنية بس لازم تعدل وصلات الفريون انا غيرت في عربيتي وزي الفل

[mbx4e]

انا الحمد لله ركبت الجديد الياباني والحمد لله تبريده عشره علي عشره وزي الفل وبالتركيب وكله كلفني 3150 جندي والحمد للله
ومشكور لكل الاعضاء اللي اهتموا وشرفوني بردهم علي موضوعي

شكرا لحضرتك لمتابعتك وكتابة حل المشكلة
سؤالي حضرتك ركبت كباس ماركة دنسو ولا ساندن واخبار الضمان ؟ ممكن تقولنا رقم الموديل بتاعه وتفاصيل اكتر زي مثلا هل احتاج تعديلات زي القاعده وزي لواكير الخراطيم وعملتها فين وبكام يعني حبة تفاصيل مفيده عن الموضوع وشكرا ليك مرة تانيه

[mbx4e]

انا الحمد لله ركبت الجديد الياباني والحمد لله تبريده عشره علي عشره وزي الفل وبالتركيب وكله كلفني 3150 جندي والحمد للله
ومشكور لكل الاعضاء اللي اهتموا وشرفوني بردهم علي موضوعي

شكرا لحضرتك لمتابعتك وكتابة حل المشكلة
سؤالي حضرتك ركبت كباس ماركة دنسو ولا ساندن واخبار الضمان ؟ ممكن تقولنا رقم الموديل بتاعه وتفاصيل اكتر زي مثلا هل احتاج تعديلات زي القاعده وزي لواكير الخراطيم وعملتها فين وبكام يعني حبة تفاصيل مفيده عن الموضوع وشكرا ليك مرة تانيه