العربية بطلت و انا ماشى

[robinhood]

السلام عليكم
أنا كنت سايق عربية الوالد فانتازيا يدوبك عملة 5000 كيلو و كانت السرعة ممممم 80 -90 و فجاة العربية راحة مبطلة و كل حاجة راحة منورة لمدة 3 ثوان و بعدين دارت لوحدها,انا مش فاهم اية الى حصل ,والعربيات دى بتعمل كدة ازاى اومال الصينى يعمل اية.
لو سمحت حد عندة تفسير,و اروح التوكيل و لا اطنش عشان الاشتغاللات

[inspiron]

السلام عليكم
أنا كنت سايق عربية الوالد فانتازيا يدوبك عملة 5000 كيلو و كانت السرعة ممممم 80 -90 و فجاة العربية راحة مبطلة و كل حاجة راحة منورة لمدة 3 ثوان و بعدين دارت لوحدها,انا مش فاهم اية الى حصل ,والعربيات دى بتعمل كدة ازاى اومال الصينى يعمل اية.
لو سمحت حد عندة تفسير,و اروح التوكيل و لا اطنش عشان الاشتغاللات

أولا بلاش التهكم علي العربية ونقول صيني ومش صيني لأن الفانتازيا لا يستهان بقيمتها أو وضعها نهائي.
ثانيا بالنسبة للمشكلة اللي حضرتك بتقول عليها فأنا أول مرة أسمعها.وعلي كل ممكن تاخدها التوكيل وتكشف بالجهاز.

[robinhood]

ماشى .بس حضرتك زعلان لية كدة لما قلت صينى
هو انتا مشارك فيها
و بردة ازاى عربية عملة 50000 و تعمل كدة

[robinhood]

ماشى .بس حضرتك زعلان لية كدة لما قلت صينى
هو انتا مشارك فيها
و بردة ازاى عربية عملة 5000 و تعمل كدة

[MASERATI]

بكل اهتمام و غضب !!!!!!!!!

السلام عليكم و رحمة الله و بركاته

أنا متابع معاك باهتمام شديد جدا يا باشا.

لأنى بصراحة عاوز أعرف ازاى عربية طالعة السما زى الفانتازيا و ب180000 جنيه تعمل كده فى أول 5000 كم, ده يمكن أول غيار زيت لسه فيها !!!!!!!!!!

و أنا متابع معاك باهتمام شديد جدا و ياريت تكلف نفسك و تكتبلنا, لما تروح التوكيل, هيعملوا معاك ايه؟؟؟؟

[robinhood]

حاضر يا باشا
لو الموضوع دة لم يتكرر حتى ميعاد الصيانة , هاستنى لما ييجى الميعاد و اسائلهم و لو عرفت حاجة هارض على حترضك علطول

[inspiron]

ماشى .بس حضرتك زعلان لية كدة لما قلت صينى
هو انتا مشارك فيها
و بردة ازاى عربية عملة 5000 و تعمل كدة

طيب عندك يا سيدي باقي الأعضاء ممكن يساعدوك.أنا بنسحب من المشاركة في الموضوع.

[tam77]

العربية خليجى ولا وكيل

[robinhood]

العربية وكيل

[rompo10]

ممكن تكون حاجه عاديه مش شرط يكون عيب يعني عملتها مره ممكن ماتعملهاش تاني خالص بسيطه ان شاء الله ودا اكيد في حاجه في كمبيوتر العربيه ولو قلقان اوي اطلع علي التوكيل وماتستناش ميعاد الصيانه وقلهم علي العيب بس ماتقلش انها عملتها مره واحده قول كذا مره عشان يهتموا

[esam123]

حضرتك حطيت بنزين مخلوط بمياة حصلت معاية قبل كدة ولما البنزين قرب يشطب مونت من البنزينة الى بتعامل معاها والموضوع خلص ومكانش فى حاجة فى العربية

[ahmedbasha1000]

اولا من ملاك الفانتازيا التحفة بجد احب اقولك الموضوع كلة من البنزين مش اكتر بس انت فول 92 وكله حيبقى تمام متقلقش انت راكب فانتازيا مش اي اي