يا اصحاب الاوكتافيا ايه اللى حصل فى البلد

[samoreception]

يا جماعة انا مش مصدق اللى بيحصل بجد فى مصر الناس بقت عاوزة تسرقك وخلاص
انا حاليا مسافر دبى والعربية جبتها لمراتى بس انا مكنتش موجود وهى اللى خلصت فيها المهم :-

الموضوع ابتدا انى اشتريت عربية مستعملة سكودا اوكتافيا a5 موديل 2007 بس ما شاء الله بحاله ممتازة ماشية
45 الف بس وكشفت عليها فى التوكيل وكله تمام بس التكيف مكنش شغال كويس المهم ابتدت اول نصبة
مراتى راحت مع والدها (هوه طبعا ميعرفش حاجة فى العربيات ) عند واحد بتاع تكيفات وقالها الكمبرسور بايظ وعاوز يتغير
وسعره 3000 جنية وممكن اجبهولك مستعمل ب 2000 جنية
طبعا انا حسيت انى فى حوار ازاى عربية لسه بحالتها والكمبرسور بايظ
المهم راحت لواحد تانى بس طلع عنده ضمير وقالها الكمبرسور سليم 100 فى 100 بس علشان صاحب العربية مكنش بيشغله فتسد شوية المهم عمله وبقى ما شاء الله تلاجة زى ما بيبقولوا ومكنش كمان عاوز ياخد فلوس
تانى نصباية نزلت فمرة لقت اللمبة بتاعت ضغط الكاوتش منوره فبصيت على العجل لق ت فرده مريحة شوية
فمن غير ما تتصل بيا راحت داخلة بنزينة وقالتلوا الكاوتش فى حاجة فقلها انا هفكه واشوفه وفعلا فك الكاوتش وراح عملها 9 خوابير فى الكاوتش وقالها فيه 9 اخرام وطبعا الحركة المعتاده فى النصب يحط مايه بصابون على الكاوتش والكاوتش سخن
فيطلع بلالين بحكم برده انه كاوتش قديم لانه الاصلى بتاع العربية اللى نازل بيها ودافعها 15 جنية على الخابور الواحد
طبعا انا لما قالتلى انا حسيت انى عاوز اركب طيارة وانزل اموت الحرامى ده بس ربنا يسهل وانا نازل اجازة قريب

المهم طبعا انا عارف انى الكاوتش باظ كده وفعلا نزلت بعديها بيومين بطلع العربية من الجراج لقت الكاوتش على الارض
المهم قولتلها روحى على بريجستون وهنغير الكاوتش كله فراحت
المهم انا كلمت الولد اللى شغال هناك ولقيته بيقولى انى مقاس الكاوتش اللى المفروض يتغير 205/60 R15
واللى انا اعرفه انا متاكد منه انى جنط العربية 15 والكاوتش اللى بيركب عليه 195/65 R15
المهم انا اقوله كده هوه يقولى لاء الاوكتافيا بتنزل بالمقاس ده لغاية ما خلانى اتجنن بجد والكارت خلص ومغيرتش الكاوتش
فبجد يا جماعة لو حد يعرف ما يبخلش على اخوه بالمعلومة لانى بجد تعبت وخايف يضحك علينا تانى وانا حاليا مش موجود

ملحوظة : كاوتش العربية القديم الاصلى بتاعها ممسوح خالص من بره ومش باين المقاس اللى مكتوب قوى بس الولد ده قالها
المقاس 205/60 R15
وفى فرع تانى برده بريجستون قال مقاسها 195/65 R15
قولى بقى اصدق انا مين فيهم بجد ومش مكتوب حاجة على تنك البنزين ولا القايم

ارجو سرعة الرد

[kiddy]

مقاسها 195/65 r15

[samoreception]

شكرااا جدا لرد حضرتك وحضرتك عندك اوكتافيا ولا عرفت ازاى

[SecTor7]

الأوكتافيا بتنزل ب 195/65 r15 اساساً
لو غيرت ل 205/60 r15 الكاوتش أعرض و العربية أوطى حايخلى العربية أثبت على الطريق لكن حايئثر تأثير بسيط على العفشة وخشونة العربية

[samoreception]

شكرااا لرد حضرتك
يبقى كده خلينى احسن فى الاصلى بتاعها 195/65 r15

[samoreception]

حد عنده رائى تانى يا جماعة قبل ما اشترى (ما خاب من استشار )

[_medo]

انا عربيتي a5 2008 الجنط 16 والكاوتش 205/55 ده المقاس الاصلي للجنط 16 انا لسه مغير الكوتش قريب

تـــــحــــيـــــــاتــــــــي....................

[samoreception]

حضرتك مقاس الجنط 16 علشان كده مغيرله 205/55
انما انا عندى الجنط 15 يبقى كده بقى المفروض انه يكون مقاس الكاوتش 195/65

[kareemafifi]

195/65 r15 ده الاصلي بتاعها و فيه بينزل ب 205/55 r15 ده برده تمام و هيظبط معاك العربية جامد خليك في ال TURANZA GR 90
ده ممتاز و عن تجربة

[walidaly9873]

أحسن حاجة تبص على اللوحة اللى في جنب الباب في القايم اللى فى الوسط وتشوف المقاس المظبوط

[samoreception]

شكرا يا جماعة ليكوا وللرد انا فعلا توكلت على الله وجبت المقاس الاصلى بتاعها 195/65 r15
بس طلع فى مشكلة فى جنط واحد الشفه بتاعت اتحمت قبل كده وبتسرب هواء
وبدور على حد بيصلح الجنوط سمعت عن واحد فى المنيل فى الملك الصالح بس مش عارف فين بالظبط