الحقوووووووووووووووووووووووووووووووووووووووووووووو ووووونى العربية جابت صبابات

[Ahmed.Fahmy]

النهارده قولت اروح اجيب علي السبوع بتاعة الولد من العتبة
قابلت واحد من الناس دى اللى اول ما تبصلك لازم يحصل مصيبة كبيرةمش عادية
لقيته راجع من بره بالالنترا بتاعته ومبطل التكييف وميت من الحر، بحسن نيه قولتله ليه طافى التكييف رد قاللى مافيش بنزين
10 دقائق ومشيت شغلت التكييف علشان الدنيا حر جدا
لقيت التكييف مش شغال والحرارة اوووووووووووووووووووووووووه قبل الRed zone بالظبط
فتحت الكبوت لغاية ما بردت
المراوح مش شغالة بمسك المروحة لقيتها فى ايدى مكسورة من الموتور
على التوكيل جرى كان بيقفل
الميكانيكى اللى بلجأله فى الزنقة قدام التوكيل بالظبط
غير يل ريس المروحة 650 جنيه على وش
هات كمان فلتر التكييف 75 جنيه والميه الحمراالاسبانى تمام
طيب يا باشا ما نعمل الصيانة اللى انت مكسل تعملها بتاعة ال60000
طيب نحسب كدا كام وبالمره نغير التيل علشان خلصان قدام وورا
الحساب بالمروحة 2300 والمصنعية 500 اوك تمام جربب تمام
السلام عليكم
بعد 1 كم شغلت التكييف فى نفس المكان الاولانى هووووووووووووووووووووووووووووب الحرارة 120
ارجع تانى، اكشف يا ريس على الكمبيوتر مافيش حاجة بس العربية متللتة
يميش شمال العربية جابت صبابات من 5 دقائق سخونة وطبعا جوان وش سلندر والحوار بعد ما كان علب للسبوع ب1000 جنيه داخل فى 4500 للعربية
هعيط بقى

[nodey]

قدر الله وماشاء فعل الحمد لله علي كل حال اهم حاجة جت في الحديد وانت سالم وربي يوفقك
و يتربي النونو في عزك

[M.Elgergawy]

لازم تدبح حاجة وبالمره تعمل عقيقة للولد وربنا يخلهولك ويبعد عنك العين ( بتاع الالنترا )

[Ahmed.Fahmy]

شكرا يا جماعة على الرد
انا دبحت على العربية وولله الخروفين بتوع العقيقة عند الراجل والعقيقة يوم السبت ان شلء الله
بس انا اتظبطت :(
مصاريف ما كتنش عامل حسابها إهئ إهئ إهئ

[hamahomo]

متزعلش وربنا يعوضك باذن الله ويبارك لك في ابنك ويجعلة من الذرية الصالحة

[rompo10]

الحمد الله ربنا فداك من حاجه كبيره انا عربيتي البي ام حصل فيها مشكله يا استاذ احمد

[Ahmed.Fahmy]

الحمد الله ربنا فداك من حاجه كبيره انا عربيتي البي ام حصل فيها مشكله يا استاذ احمد

ايه اللى حصل بس
هى العربيات اتجننت وللا ايه؟

[AhMeD MeTwAlY]

يا جماعه بجد واللهي العين وحشه بجد ربنا ينتقم من الناس دي
وحضرتك عارف انه عينه حلوه ابعد عنه
والحمد لله انها جت علي قد كده كان ممكن يحصل حاجه اكبر

[Ayoob]

قدر الله وما شاء فعل وربنا يعوضك خيرا ان شاء الله

[Ahmed.Fahmy]

الف شكر على الردود يا جماعة
انا رايح اشوف عمل فيها ايه وهحكيلكم

[abou-yahia]

ربنا يرزقك خيرها ويبعد عنك شرها

[Kareem.ElAraby]

يا جماعه بجد والله العين وحشه بجد ربنا ينتقم من الناس دي
وحضرتك عارف انه عينه حلوه ابعد عنه
والحمد لله انها جت علي قد كده كان ممكن يحصل حاجه اكبر

+1+1+1

[adel_2346]

على فكرة المروحة ممكن تكون مكسورة من فترة والعربية تسخن وانت مش واخد بالك او سخونية بسيطة

ربنا يعينك

[hugan]

العين وما ادراكم ما العين
تكرر اكتر من موقف معايا
ربنا يكفينا شر الحاسد

[rompo10]

عربيتي يااستاذ احمد الانوار فصلت كلها مره واحده وهي واقفه وبقالها كام يوم ماطلعتش والمساعدين الاتنين اللي ورا ضربوا لوحدهم لقتهم بيجيبو زيت والزجاج الامامي اتكسر الحمد الله ربنا بيفادي الواحد من حاجه كبيره بحاجات صغيره