كرم الحاوى لقطع غيار السيارات

[hawy]

كرم الحاوى لقطع غيار السيارات
35 ش 77
المعادى, القاهرة

لدينا قطع غيار سيارات
سكودا-a4-a5
فليشيا
فابيا
جتا
بورا
فولكس فاجن
أفضل أسعار

تم وقفك نهائيا لمخالفه قواعد وقوانين المنتدي
مع ترك الموضوع وعدم حذفه
ليستفيد الاعضاء من تجاربهم في التعامل مع التجار
مشرف عام 4

[EngAhmedSayed]

كرم الحاوى لقطع غيار السيارات
35 ش 77
المعادى, القاهرة

لدينا قطع غيار سيارات
سكودا-a4-a5
فليشيا
فابيا
جتا
بورا
فولكس فاجن
أفضل أسعار

على فكرة انتا انتهيت قبل ما تبتدى فى المنتدى العظيم دة
لانى كان ليا عظيم الشرف انى اتعامل معاك فى موضوع وحلفة انى ما اجيب منك حاجةتانى مع العلم انا بفضل اشترى من برة المنطقة و ماشتريش منك
مع العلم انا ساكن جانبك
الموضوع
انا مرة روحت اشتريت من عنده قطع غيار كتير وبمبلغ المهم راجعت للميكانيكى فا بيقولى دفعت كام لانى الميكانيكى امين و محترم قولتالو مبلغ قلى لا كدة الحساب غلط فى بتاع 45 جنية وراح معايا جاب 45 جنية فا بيقولو معليش اصلى الاسعار غالية فالميكانيكى بيقولو انا سال اخوك الصبح على الاسعار دى و قايل للزبون الاسعار انتا عاوز تطلعنى حرامى واتخانق معاه و حلف انى ما يتعامل معاه تانى و لما رحتلو وقولتالو على موضوع الضفدعة دة قالى من قولتالك اوقف التعامل معاه ددة موضوع
كان ليا صديق من الوادى الجديد معاه سكودا فلشيا 1996 المهم شرحلى انوعنده بوش فى عصاية الفتيس المهم قولتلو يا صديقى الضفدعة بتاعةالفتيس عاوزة تتغير ويبقى كله تمام و الفتيس يرجع فابريقة وهيبقى فى سوستة المهم قالى هاتها وابعتهالى فى السوبر جيت لانى فى الوادى الجديد مفيش قطع غيار هناك المهم روحت عن كرم الحاوى قوالتلو عاوز ضفدعة قالى عندى الصينى وعندى التركى مفيش المانى قالى لالالالا قولتالو هات التركى اهوانظف من الصينى المهم اشتريتها منه مع فرق السعر ما بين الصينى و التركى المهم العلبة عليها استيكر صنع فى تركيا واسم المستورد والحركات دى المهم روحت ركبت تاكسى وقولت هنزل موقف الترجمان علشان ابعتلو قطعة الغيار لانىكانت عربيتى بعافية شوية المهم قاعد فى التاكسى بسلى نفسى كدة الطريق كان زحمة وفى ايدى الضفدعة فى العلبة بنكوش كدة بايدى فى الاستيكر لقيت تحته مكتوب كلام طباعةعلى العلبة صنع فى الصين روحت مستغرب قولت لسواق التاكسى ارجع تانى للمعادى روحتلو بعد ما خلاص كنت هقرب على الموقف روحت راجعتها واخد فلوسى منه و قولت انا مش هتعامل معاه تانى واعتذرة لصحبى وبعتاله الحاجةفى تانى يوم واشتريته من عند واحد تانى بس انا متاكدانى هى تركى اية المشكلة لما تقولى دى صينى وانا اوفق او ارفض ولية تحسيبنى فى الفلوس على انى هى تركى وهى صينى مش اقول اية
انى ربناشاهد على كلامى دة

وانا لاافترى عى سياتة بالكلام او انا ظالمة بس هى دى الحقيقة



شكرا الرجاء اخذ الحذر



اه نسيت حاجة هو كدة مخالف للقواعدالمنتدى و ده موضوع اعلانى

[mada3030]

اديله ما ترحموش

[Hany A Fattah]

يعنى نصاب وجاى تعمل اعلان هنا
تستاهل اللى هايحصلك

[mada3030]

ارجوك شيل صوره الريس ربنا ما يجعل حد مكانه ويفك كربه

[Hany A Fattah]

ارجوك شيل صوره الريس ربنا ما يجعل حد مكانه ويفك كربه

الصورة مجرد عبرة وليست شماته

بسم الله الرحمن الرحيم

قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ

صدق الله العظيم

[mada3030]

معلش برضه ربنا يكرمك دا طلب شخصى

[wawamoha]

معلش برضه ربنا يكرمك دا طلب شخصى

رايي من رايك .... و ربنا يرحم الجميع

[waelsy]

عايز ميكانيكي كويس يفهم بسكودا فيفورت بلمعادي