عدادات اوكتافيا a4

[midoabokhadra]

عربيتي اوكتافيا a4 كنت ماشي امبارح ووقفت شوية كدة وسيبت النور الصغير شغال ومبطل العربية
جيت ادورالعربية علشان امشي لاقيت العدادات مش بتتحرك من مكانها
مشيت شوية لاقيت العدادات اشتغلت ورجعت تاني بطلت مع العلم في علامة مفتاح ف عربية كدة بتنور ف الشاشة
روحت للكهربائي قالي نفصل البطارية ونسيبها كدة اكتر من ساعتين ولو ما اشتغلتش يبقى الاي سي هيتغير ف مصر عند الليثي
فياريت اي حد يفيدني باي معلومة او رقم تلفون الليثي دة بتاع العدادات بعد ازنكم ولكم جزيل الشكر

[midoabokhadra]

بجد الموضوع ضروري بعد ازنكم انا محتاج الرد بسرعة يا ريت
حد عنده اي اقتراح او فكرة يبقى تمام

[mado_xxx]

حضرتك ده الimmbolizer او الشفرة بتاعت العربية فيها مشكلة ولازم العدادات تتغير
لان كان عندى نفس المشكلة دى فى الفابيا
وهتلاقى بعد كده العربية مش هتدور خالص والعيب ده معروف فى الاسكودا

[midoabokhadra]

شكرا لردك يا استاذ مادو
بس لية مجربتش تغير الاي سي ف القاهرة ؟
كلله قالي اغير الاي سي !!! محدش قالي اجيب عداد

[mosakes2711]

الموضوع دة حصل معايا في الفابيا من كام يوم والعربية بطلت تشتغل خالص وعلامة المفتاح كانت موجودة بسبب أني غيرت لوحة العدادات أتصات بخدمة الورشة المتنقلة لسكودا وجم برمجوا العداد الجديد والمفتاح موضوع ال اي سي دة كل عربية سكودا العداد فيها واخد رقم من الشاسية وعبى العموم ممكن تسأل الورشة المتنقلة رقمهم 0108001522 ياريت تقولى حصل أة معاك

[midoabokhadra]

انا روحت لبتاع عدادات ديجيتال غيرلي الاي سي وعملي برمجة والحمد لله العداد بقى تمام
بس في مرتين كدة جيت ادور العربية امبارح بطلت وعملت علامة المفتاح
شيلت المفتاح وحطيته تاني ودارت عادي الحمد لله
ربنا يسترها

[mado_xxx]

يبقى المفتاح والعدادات محتاجين يتبرمجو تانى
ممكن الى غيرلك الاى سى يعملهالك